ٵيۇپ 11:1—20
11 ناعاماتتىق سوپار+ بىلاي دەپ جاۋاپ بەردى:
2 «مىنا سوزدەردىڭ ٴبارى جاۋاپسىز قالا ما،الدە سوزۋارلىق ادامدى ٵدىل قىلا ما؟
3 مىلجىڭ سوزدەرىڭ جۇرتتىڭ اۋزىنا قاقپاق بولادى دەيسىڭ بە؟
مازاعىڭدى تىياتىن ادام تابىلماي ما+؟
4 سەن قۇدايعا: —تالىمىمدە ٴمىن جوق+،الدىڭدا تازامىن،— دەيسىڭ+.
5 شىركىن، قۇدايدىڭ ٶزى ٴتىل قاتىپ،سەنىمەن سويلەسسە عوي+!
6 ول ساعان دانالىقتىڭ سىرىن اشار ەدى،ويتكەنى دانالىقتىڭ قىرلارى كوپ.
سوندا قۇدايدىڭ كۇنالارىڭنىڭ ٴبىرازىن ۇمىتقانىن ۇعار ەڭ.
7 سەن قۇدايدىڭ ٴتۇپسىز دانالىعىن تولىعىمەن زەرتتەپ،قۇدىرەتى شەكسىز قۇدايدىڭ ۇلىلىعىنىڭ شەگىنە جەتە الاسىڭ با؟
8 ونىڭ دانالىعى كوكتەن دە بيىك، ال سەنىڭ قولىڭنان نە كەلەدى؟
ول كوردەن* دە تەرەڭ، ال سەن نە بىلە الاسىڭ؟
9 ونىڭ ۇزىندىعى جەردەن،كەڭدىگى تەڭىزدەن اسىپ تۇسەدى.
10 قۇداي ارامىزدان ٶتىپ بارا جاتىپ، بىرەۋدى تۇتقىنداپ، سوت ٴماجىلىسىن قۇرسا،كىم قارسى شىعا الادى؟
11 ول كىمنىڭ الدامشى ەكەنىن بىلەدى عوي.
قۇداي زۇلىمدىقتى بايقاي تۇرا، ەلەمەيدى دەيسىڭ بە؟
12 اقىماقتىڭ اقىلىقۇلان ادام بوپ تۋىلسا عانا تولادى.
13 جۇرەگىڭدى وعان بۇرىپ،الاقانىڭدى جايىپ سيىنساڭ عوي؛
14 قولىڭمەن قيانات جاساساڭ، ودان ارىلىپ،شاتىرىڭا ادىلەتسىزدىكتى جولاتپاساڭ عوي.
15 سوندا جاسقانباي ٴجۇزىڭدى جوعارى كوتەرىپ،ەش قورىقپاستان بەرىك تۇرار ەڭ.
16 بار قاسىرەتىڭدى ۇمىتىپ،ولاردى اعىپ كەتكەن سۋداي ەسىڭنەن شىعارار ەڭ.
17 ٶمىرىڭ تال تۇستەن دە جارىق،قاراڭعىلىق تا تاڭ شاپاعىنداي نۇرلى بولار ەدى.
18 ٷمىتىڭ بولعاندىقتان، بولاشاققا سەنىممەن قارايسىڭ،جان-جاعىڭدى كوزىڭمەن شولاسىڭ دا، الاڭسىز ۇيىقتايسىڭ.
19 توسەگىڭدە كوسىلىپ جاتاسىڭ، سەنى ەشكىم دە قورقىتپايدى.
جۇرتتىڭ ٴبارى ىقىلاسىڭا يە بولۋدى قالايدى؛
20 ال زۇلىمداردىڭ كوزدەرى كورمەي قالادى،ولار پانالايتىن جەر تاپپاي،جالعىز ۇمىتتەرى ٶلىم بولادى+».
سىلتەمەلەر
^ ەۆرەيشە «شەول». تۇسىندىرمەنى قاراڭىز.