ٵيۇپ 18:1—21
18 بۇعان شۋاحتىق بيلداد+ بىلاي دەدى:
2 «مىنا اڭگىمەنىڭ شەگى بار ما؟
ماسەلەنىڭ بايىبىنا جەتىپ ال، سوسىن سويلەسەيىك.
3 نەگە ٴبىزدى ماقۇلىق كورىپ+،اقىماق* سانايسىڭ؟
4 اشۋمەن ٶزىڭدى پارشالاپ تاستاساڭ دا،ساعان بولا جەر قاڭىراپ بوس قالادى دەيسىڭ بە؟
الدە جارتاس ورنىنان قوزعالا ما؟
5 كۇمان جوق، زۇلىمنىڭ جارىعى وشەدى،وتىنىڭ جالىنى دا لاۋلامايدى+.
6 شاتىرىنداعى جارىعى تۇنەككە اينالادى،شىراعى دا ٴسونىپ قالادى.
7 ادىمى قىسقا بولادى،ارام پيعىلى ٶزىن قۇلاتادى+.
8 سەبەبى ونى ٶز اياعى تورعا تۇسىرەدى،ساندالىپ ٴجۇرىپ تۇزاققا ىلىنەدى.
9 وكشەسىن قاقپان قىسىپ قالادى،تورعا بارىپ شىرمالادى+.
10 وعان جاسىرىن تۇزاق قۇرىلادى،جۇرەتىن جولىنا قاقپان قويىلادى.
11 جان-جاعىنان ۇرەي ٴتونىپ+،سوڭىنان قالماي، وكشەلەي قۋادى.
12 بويىندا ەش قاۋقارى قالماي،باسىنا تۇسكەن پالەدەن+ تەڭسەلىپ جۇرەدى.
13 قاتەرلى دەرت تەرىسىن جەيدى،اياق-قولىن دا ٴمۇجيدى.
14 ول قاۋىپسىز شاتىرىنان اكەتىلىپ+،ۇرەيدىڭ پاتشاسىنا اپارىلادى.
15 شاتىرىندا بوتەندەر تۇرادى،ٷيىنىڭ ۇستىنە كۇكىرت شاشىلادى+.
16 جەر استىنداعى تامىرى سەمىپ،ۇستىندەگى بۇتاقتارى دا قۋراپ قالادى.
17 ول تۋرالى ەستەلىك جەر بەتىنەن قۇرىپ كەتەدى،ەسىمى دە كوشەلەردە بەيمالىم بولادى.
18 جارىقتان تۇنەككە قۋىلادى،قۇنارلى جەردەن الاستاتىلادى.
19 ٶز ەلىندە ارتىنان ۇرپاق قالدىرمايدى،قونىس تەپكەن جەرىندە ەشكىم امان قالمايدى.
20 ول اپاتقا ۇشىراعان كۇنى باتىستاعىلار اڭ-تاڭ بولادى،شىعىستا تۇراتىنداردىڭ ۇرەيلەرى ۇشادى.
21 زاڭسىزدىق جاساۋشىنىڭ شاتىرى وسىلاي پالەگە ۇشىرايدى،قۇدايدى تانىمايتىن ادامنىڭ تۇراعى وسىلاي كۇيرەيدى».
سىلتەمەلەر
^ مۇمكىن: «ارام».
