ٵيۇپ 28:1—28
28 كۇمىس الاتىن كەندى جەر بار،التىندى بالقىتاتىن دا جەر بار+،
2 تەمىردى توپىراقتان قازادى،مىستى تاستاردان بالقىتىپ الادى+.
3 ادام قاراڭعىلىقتى جەڭەدى،كوزگە تۇرتسە كورگىسىز تۇنەكتە جەر استىن تەرەڭ قازىپ،كەن ىزدەيدى.
4 ول جۇرت مەكەنىنەن شالعاي،ادام اياعى باسپايتىن جەردە كەنىشكە ەنەدى،كەيبىرەۋى ارقانمەن تومەن ٴتۇسىپ، ىلىنگەن كۇيى تەربەلىپ تۇرادى.
5 جەردىڭ بەتىندە استىق وسەدى،ال استى وتپەن قوپارعانداي استان-كەستەن*.
6 سول جەردىڭ تاسىنان جاقۇت،توپىراعىنان التىن الىنادى.
7 وندا اپارار جول جىرتقىش قۇس ٷشىن بەيمالىم،قارشىعا دا ونى كوزىمەن كورمەگەن.
8 بۇل جولعا ايبىندى اڭدار اياق باسپاعان،جاس ارىستان دا ونى شارلاماعان.
9 ادام شاقپاقتاستى تالقانداپ،تاۋلاردى تۇبىمەن قوپارادى.
10 جارتاستارعا ارىقتار جاسايدى+،بارلىق اسىل زاتتارعا كوزىن قادايدى.
11 ول وزەن باستاۋلارىن بوگەپ،جاسىرىلعان زاتتاردى جارىققا شىعارادى.
12 ال دانالىق شە، ونى قايدان تابۋعا بولادى+؟
تۇسىنىكتىڭ قاينار كوزى قايدا+؟
13 ونىڭ قۇنىن ەشكىم جەتە تۇسىنبەيدى+،بۇل جالعاندا ونى ىزدەپ تابۋ مۇمكىن ەمەس.
14 سۋ تۇڭعيىعى «ول مەندە ەمەس!» دەيدى.
تەڭىزدىڭ ايتارى دا — «ول مەندە جوق!»+
15 ونى ساف التىنعا ساتىپ الا المايسىڭ،قۇنىن كۇمىسكە دە ايىرباستاي المايسىڭ+.
16 ورنىنا وپىردىڭ التىنىن+،ونيكس نە جاقۇت تا بەرە المايسىڭ.
17 التىن مەن شىنى ونىمەن سالىستىرۋعا دا كەلمەيدى،ساف التىننان جاسالعان ىدىسقا دا ايىرباستاۋ مۇمكىن ەمەس+.
18 ٸنجۋ-مارجان مەن ٴحرۋستالدى اۋىزعا الماي-اق قويايىق+،سەبەبى دانالىق ٴبىر قاپ مەرۋەرتتەن دە باعالى.
19 قۇش توپازى+ ونىمەن سالىستىرۋعا دا تۇرمايدى،ساف التىنعا دا ساتىپ الا المايسىڭ.
20 ەندەشە، دانالىق قايدان كەلەدى؟
تۇسىنىكتىڭ قاينار كوزى قايدا+؟
21 ول تىرشىلىك اتاۋلىدان جاسىرىلعان+،قۇستاردان دا تاسالانعان.
22 قۇرتىپ جوق قىلاتىن ورىن مەن ٶلىم:
—ول تۋرالى قۇلاعىمىزعا سىبىس قانا كەلىپ جەتتى،— دەيدى.
23 وعان اپاراتىن جولدى قۇداي عانا بىلەدى،ونىڭ تۇراعى سوعان عانا ٴمالىم+.
24 ويتكەنى ول جەردىڭ شەتتەرىن،اسپان استىنداعىنىڭ ٴبارىن كورەدى+.
25 ول جەلگە كۇش-قۋات بەردى+،سۋلاردىڭ مولشەرىن ولشەدى+،
26 جاۋىن-شاشىننىڭ ٴتۇسۋىن رەتتەدى+،كۇننىڭ كۇركىرى مەن داۋىلدى نوسەردىڭ جولىن بەلگىلەدى+.
27 وسىنىڭ ٴبارىن ىستەگەندە،قۇداي دانالىقتى كورىپ، ٴمانىن ٴتۇسىندىردى،ونى بەرىك ورناتىپ، مۇقيات زەرتتەدى.
28 سوسىن ادامعا بىلاي دەدى:
—مىنە، دانالىق دەگەنىمىز — ەحوبادان قورقۋ+،تۇسىنىك — جاماندىقتان اۋلاق بولۋ+».
سىلتەمەلەر
^ كەن قازۋ جۇمىستارى جونىندە ايتىلىپ تۇرسا كەرەك.
