ٵيۇپ 40:1—24
40 ەحوبا ٴسوزىن جالعاپ، ايۇپكە مىنانى ايتتى:
2 «ادام قۇدىرەتى شەكسىز قۇدايدان ٴمىن ىزدەپ، ونىمەن داۋلاسۋى كەرەك پە+؟
كانە، قۇدايدى ايىپتاعان ادام جاۋاپ بەرسىن+!»
3 سوندا ٵيۇپ ەحوباعا بىلاي دەپ جاۋاپ قاتتى:
4 «مەن تۇككە تۇرعىسىز پەندەمىن+،ساعان قالاي جاۋاپ بەرمەكپىن؟
اۋزىمدى قولىممەن جاۋىپ الامىن+.
5 مەن ٴبىر رەت، ٴتىپتى ەكى رەت سويلەدىم، ەندى اۋزىمدى اشپايمىن،ەندى قايتىپ ٴتىس جارمايمىن».
6 ەحوبا وعان بوران ىشىنەن ٴتىل قاتىپ بىلاي دەدى+:
7 «كانە، ناعىز ەردەي بەلىڭدى بۋشى،مەن سۇرايىن، ال سەن جاۋاپ بەر+.
8 مەنىڭ ادىلدىگىمە كۇمان كەلتىرمەكسىڭ بە؟
ٶزىڭدى اقتاۋ ٷشىن مەنى قارالاعىڭ كەلە مە+؟
9 قولىڭ قۇدايدىكىندەي قۇدىرەتتى مە+؟
داۋسىڭدى ونىكىندەي كۇركىرەتە الاسىڭ با+؟
10 وندا ٶزىڭدى داڭق، ۇلىلىقپەن اشەكەيلەپ،ابىروي مەن سالتاناتقا بولەشى.
11 كانە، قاھار وتىن لاۋلاتشى،تاكاپپار اتاۋلىعا كوز سالىپ، ولاردى جەر قىلشى!
12 تاكاپپار اتاۋلىعا كوز سالىپ، جۋاسىتشى،زۇلىمداردى تۇرعان جەرىندە اياعىڭمەن تاپتاشى.
13 ٴبارىن توپىراققا كومىپ،بايلاپ-ماتاپ، تاسا جەرگە جاسىرىپ قويشى.
14 سوندا وڭ قولىڭ ٶزىڭدى قۇتقارا الاتىنىنمەن دە مويىندايمىن.
15 سەنى جاراتقانداي، مىنا سۋسيىردى دا مەن جاراتتىم،ول بۇقا سياقتى ٴشوپ جەيدى.
16 ونىڭ بەلىنىڭ قۋاتى،قۇرساعىنداعى بۇلشىق ەتىنىڭ كۇشى قانداي!
17 ول قۇيرىعىن قاراعايداي شايقايدى،جامباسىنداعى سىڭىرلەرى مىقتاپ ماتاسقان.
18 سۇيەكتەرى مىس قۇبىرداي،اياقتارى تەمىر باعاناداي.
19 ول — قۇدايدىڭ جاراتىلىستارىنىڭ باستاپقىسى،جاراتۋشىسى عانا وعان سەمسەرىن سىلتەي الادى.
20 تاۋلار وعان ازىق ٶسىرىپ شىعارادى،كۇللى جابايى اڭدار سوندا اسىر سالادى.
21 ول تىكەندى بۇتالاردىڭ استىندا جاتادى،باتپاقتاعى قامىستى سايالايدى.
22 تىكەندى بۇتالار ونى كولەڭكەسىمەن جابادى،اڭعارداعى تەرەكتەر قورشاپ تۇرادى.
23 وزەن دولدانسا دا، ول ابىرجىمايدى،يوردان+ سۋى اۋزىنا ۇمتىلسا دا، سابىر ساقتايدى.
24 ونى بايقاتپاي ۇستاپ الىپ،مۇرىندىقتاي الاتىن ادام بار ما؟