ٵيۇپ 5:1—27
5 كانە، شاقىرشى! بىرەۋ ساعان جاۋاپ بەرەر مە ەكەن؟
قاسيەتتىلەردىڭ قايسىسىنا جۇگىنەسىڭ؟
2 اقىماق ٶز اشۋشاڭدىعىنان،اقىلى جوق ٸشتارلىعىنان ولەر.
3 مەن اقىماقتىڭ تامىر جايعانىن،ٴبىراق سول زاماتتا-اق تۇراعىنىڭ قارعىسقا ۇشىراعانىن كورگەنمىن.
4 ونىڭ ۇلدارى قۇتقارىلۋدان الشاق،امان الىپ قالاتىن ەشكىم تابىلماعاندىقتان، ولار قالا قاقپاسىنىڭ الدىندا تاپتالادى+.
5 ونىڭ جيناعان ٶنىمىن اش ادام جەيدى،ٴتىپتى تىكەن اراسىنداعىلارىن دا تارتىپ الادى،ال ولاردىڭ دۇنيە-مۇلكىن سۇمدار ولجالايدى.
6 سەبەبى زياندىق توپىراقتان ٶسىپ شىقپايدى،پالە دە جەر استىنان پايدا بولمايدى.
7 وت ۇشقىندارىنىڭ جوعارى ۇمتىلاتىنى سياقتى،ادام بالاسى دا قاسىرەت كورۋ ٷشىن تۋىلادى.
8 سەنىڭ ورنىڭدا بولسام، مەن قۇدايعا جالبارىنار ەدىم،ٸسىمدى سوعان سەنىپ تاپسىرار ەدىم.
9 ونىڭ ىستەرى ۇلى، ادام اقىلى جەتپەس،كەرەمەت ىستەرىن ەشكىم ساناپ بىتپەس.
10 ول جەرگە جاڭبىر جاۋعىزادى،ەگىستىكتەردىڭ ٴشولىن قاندىرادى.
11 بەيشارانى جوعارىلاتادى،جابىرقاعان جاندى جوعارى كوتەرىپ قۇتقارادى.
12 زىميانداردىڭ جوسپارلارىن بۇزىپ،ىستەرىن تابىسقا جەتكىزبەيدى.
13 دانىشپانداردى ٶز قۋلىقتارىنان ۇستايدى+،اقىلگويلەردىڭ جوسپارلارىن ىسكە اسىرمايدى.
14 كۇندىز ولار تۇنەككە تاپ بولادى،تال تۇستە دە تۇندەگىدەي سيپالانىپ جۇرەدى.
15 بەيشارانى ولاردىڭ اۋزىنان شىققان سەمسەردەن ساقتايدى،مىقتىلاردىڭ قولىنان قۇتقارادى.
16 وسىلايشا وعان ٷمىت بەرەدى،ال ادىلەتسىزدەردىڭ اۋزىن جابادى.
17 قۇداي تۇزەتەتىن ادام باقىتتى،ەندەشە قۇدىرەت يەسىنىڭ* جونگە سالۋىنان باس تارتپا!
18 ويتكەنى ول ٶزى جاراقاتتاپ، جارانى ٶزى تاڭادى،ٶزى سوققى بەرىپ، ٶز قولىمەن ساۋىقتىرادى.
19 ول سەنى التى پالەدەن ساقتايدى،ٴتىپتى جەتىنشىسىنەن دە اراشالاپ قالادى.
20 اشتىق كەزىندە ولىمنەن،سوعىس كەزىندە سەمسەردەن قۇتقارادى*.
21 قامشىداي تيەتىن تىلدەن قورعايدى+،اپات كەلگەندە، ۇرەيدەن امان ساقتايدى.
22 كۇيرەۋ مەن اشتىققا كۇلە قارايسىڭ،جىرتقىش اڭداردان دا قورىقپايسىڭ.
23 تاناپتاعى تاستار ساعان كەدەرگى بولمايدى،جىرتقىشتار دا سەنىمەن تاتۋ-ٴتاتتى تۇرادى.
24 شاتىرىڭدا تىنىشتىق ورنىعادى،جايىلىمىڭدى ارالاپ شىققاندا، مالىڭنان ەش شىعىن بولمايدى.
25 ٷبىرلى-ٴشۇبىرلى بولاسىڭ،ۇرپاقتارىڭ جەر بەتىندەگى شوپتەي قاۋلايدى.
26 ٶز مەزگىلىندە باۋلانعان بيدايداي،دۇنيەدەن وتكەنشە، قايراتىڭ بويىڭدا قالادى.
27 مىنە، ٴبىز وسىنى زەرتتەدىك؛ ٴبارى دە دۇرىس.
سوندىقتان قۇلاق اسىپ، قابىل ال».
