پاتشالار 1-جازبا 11:1—43
11 سۇلەيمەن پاتشا پەرعاۋىننىڭ قىزىنان+ باسقا كوپتەگەن موابتىق+، امموندىق+، ەدومدىق، سيدوندىق+ جانە حەتتىك+ ايەلدەرگە عاشىق بولىپ، سولارعا ۇيلەندى+.
2 بۇل حالىقتار جونىندە ەحوبا: «ولار سەندەردىڭ، سەندەر ولاردىڭ اراسىنا بارۋشى بولماڭدار*. ايتپەسە ولار جۇرەكتەرىڭدى ٶز قۇدايلارىنا بۇرىپ اكەتەدى»،— دەگەن ەدى+. ٴبىراق سۇلەيمەن سول حالىقتاردىڭ ايەلدەرىنە عاشىق بولىپ، سولاردان ايىرىلمادى.
3 ونىڭ اقسۇيەكتەردىڭ تۇقىمىنان شىققان 700 ايەلى جانە 300 كانيزاگى بولدى. ولار پاتشانى اداستىرىپ، بىرتە-بىرتە تۋرا جولدان تايدىردى*.
4 قارتايعان شاعىندا+ ايەلدەرى سۇلەيمەننىڭ جۇرەگىن بوتەن قۇدايلارعا بۇرىپ اكەتتى+. وسىلايشا ول اكەسى ٴداۋىت سياقتى، قۇدايى ەحوباعا بار جۇرەگىمەن بەرىلمەدى.
5 سۇلەيمەن سيدوندىقتاردىڭ ايەل ٴتاڭىرى اشتارعا+ جانە امموندىقتاردىڭ جەركەنىشتى ٴتاڭىرى ميلكومعا+ تابىنا باستادى.
6 وسىلاي ول ەحوباعا ۇنامسىز ىستەر جاساپ، اكەسى ٴداۋىت سياقتى، ەحوباعا تولىعىمەن مويىنسۇنبادى+.
7 سۇلەيمەن يەرۋساليمگە قارسى ورنالاسقان تاۋدا موابتىقتاردىڭ حاموس دەگەن جانە امموندىقتاردىڭ مولەك+ دەگەن جەركەنىشتى تاڭىرلەرىنە ارنالعان عيبادات توبەسىن+ سول كەزدە تۇرعىزعان ەدى+.
8 ول ٶز تاڭىرلەرىنە قۇرباندىق ٴتۇتىنىن تۇتەتەتىن، قۇرباندىق شالاتىن جاتجەرلىك ايەلدەرىنىڭ بارىنە وسىنداي توبەلەر جاساپ بەردى.
9 سۇلەيمەن وزىنە ەكى رەت كورىنگەن+ يسرايل قۇدايى ەحوبادان تەرىس اينالىپ كەتكەنى ٷشىن، ەحوبا وعان قاھارلاندى+.
10 ەحوبا وعان بوتەن قۇدايلارعا قۇلشىلىق ەتپە دەپ بۇيىرعان ەدى+، ٴبىراق ول قۇلاق اسپادى.
11 سوندا ەحوبا وعان بىلاي دەدى: «وسىلاي ىستەپ كەلىسىمىمدى بۇزعانىڭ ٷشىن جانە ورىنداۋدى بۇيىرعان جارلىقتارىمدى ەلەمەگەنىڭ ٷشىن، پاتشالىقتى سەنەن تارتىپ الىپ، قىزمەتشىلەرىڭنىڭ بىرىنە بەرەمىن+.
12 ٴبىراق اكەڭ داۋىتكە ۋادە بەرگەندىكتەن، بۇنى سەنىڭ كوزىڭنىڭ تىرىسىندە ىستەمەيمىن. پاتشالىقتى ۇلىڭنىڭ قولىنان تارتىپ الامىن+.
13 ٴبىراق ونى تولىعىمەن تارتىپ المايمىن+. قىزمەتشىم ٴداۋىت جانە ٶزىم تاڭداپ العان يەرۋساليم ٷشىن+ ۇلىڭنىڭ بيلىگىنە ٴبىر رۋدى قالدىرامىن+».
14 سودان ەحوبا ەدوم پاتشاسىنىڭ تۇقىمىنان شىققان ەدومدىق حادادتى سۇلەيمەنگە+ وشتەستىرىپ قويدى+.
15 كەزىندە ٴداۋىت ەدومدى جەڭگەننەن كەيىن+، قولباسشى جوعاب قازا بولعانداردى قابىرگە قويۋعا كەلگەندە، ونداعى بارلىق ەر كىسىلەردى قىرىپ تاستاعىسى كەلگەن ەدى.
16 (جوعاب پەن كۇللى يسرايلدىكتەر ەدومداعى ەركەك اتاۋلىنى جويىپ بىتكەنشە، سوندا التى اي تۇرعان بولاتىن.)
17 ٴبىراق حاداد اكەسىنىڭ بىرنەشە ەدومدىق قىزمەتشىسىمەن مىسىرعا قاشىپ كەتتى. حاداد ول كەزدە جاس بالا بولاتىن.
18 ولار مادياننان شىعىپ، پارانعا+ تارتتى. سول جەردەن قاستارىنا ٴبىراز ادام ەرتىپ، مىسىر پاتشاسى پەرعاۋىنعا كەلدى. پاتشا حادادقا تۇراتىن ٷي مەن جەر بەرىپ، اس-سۋمەن دە قامتاماسىز ەتتى.
19 پەرعاۋىن وعان قاتتى ريزا بولىپ، ٶزىنىڭ ايەلى تاحپەنەس پاتشايىمنىڭ ٴسىڭلىسىن ايەلدىككە بەردى.
20 ۋاقىت وتە تاحپەنەستىڭ ٴسىڭلىسى حادادقا گەنۋبات دەگەن ۇل تۋىپ بەردى. تاحپەنەس پاتشايىم بۇل بالانى پەرعاۋىننىڭ سارايىندا تاربيەلەپ*، ول پاتشا ۇلدارىمەن بىرگە ٶستى.
21 مىسىردا جۇرگەن حاداد ٴداۋىتتىڭ دە، ونىڭ قولباسشىسى جوعابتىڭ دا كوز جۇمعانىن+ ەستىگەن سوڭ، پەرعاۋىننان: «مەنى ٶز ەلىمە جىبەرسەڭىز ەكەن»،— دەپ ٶتىندى.
22 پەرعاۋىن وعان: «ٶز ەلىڭە بارعىڭ كەلەتىندەي، مەنىڭ قاسىمدا بىردەڭەدەن تارىعىپ ٴجۇرسىڭ بە؟— دەپ ەدى، حاداد: —جوق، ايتسە دە مەنى ٶز ەلىمە جىبەرىڭىزشى»،— دەدى.
23 قۇداي سۇلەيمەنگە ەليادا ۇلى رەزوندى دا دۇشپان ەتىپ قويدى+. رەزون قوجايىنى سوبا پاتشاسى ادادازەردەن+ قاشىپ كەتكەن بولاتىن.
24 ٴداۋىت سوبا اسكەرىن كۇيرەتكەندە+، ول قاسىنا ادامدار جيناپ، ٴبىر توپ قاراقشىنىڭ باسشىسى بولىپ العان ەدى. ولار داماسكىگە+ بارىپ، سول جەردى بيلەپ-توستەدى.
25 رەزون دا حاداد سياقتى، سۇلەيمەننىڭ تۇسىندا يسرايلگە قاستاندىق جاساۋمەن بولدى. سيريادا بيلىك ەتىپ وتىرعان كەزدىڭ بارىندە ول يسرايل ەلىن جەك كورىپ ٶتتى.
26 سۇلەيمەننىڭ قىزمەتشىلەرىنىڭ+ ٴبىرى — نابات ۇلى ەروبوعام+ دا وعان قارسى باس كوتەردى+. ول سەرەداحتان شىققان ەفرەمدىك ەدى. ونىڭ اناسى سەرۋاح دەگەن جەسىر ايەل بولاتىن.
27 ەروبوعامنىڭ پاتشاعا قارسى شىعۋىنىڭ سەبەبى مىناۋ: سۇلەيمەن ميللونى* سوعىپ+، اكەسى ٴداۋىتتىڭ قالاسىن+ قورشاپ تۇرعان قابىرعانىڭ جارىعىن بىتەپ جاتتى.
28 ونىڭ جۇمىسشىلارىنىڭ اراسىندا ەروبوعام دەگەن قابىلەتتى جىگىت بار ەدى. سۇلەيمەن ونىڭ ەڭبەكقور ەكەنىن كورىپ، ٴجۇسىپ ۇلدارىنان شاقىرىلعان مىندەتتى جۇمىسشىلارعا باقىلاۋشى ەتىپ قويدى+.
29 بىردە ەروبوعام يەرۋساليمنەن شىعىپ، جولدا كەلە جاتقاندا، وعان شيلولىق احيا پايعامبار+ كەزىكتى. ول ۇستىنە جاڭا شاپان كيگەن ەكەن. دالادا ەكەۋىنەن باسقا ەشكىم بولمادى.
30 سوندا احيا ۇستىندەگى جاڭا شاپانىن شەشىپ الىپ، 12 بولىككە پارشالاپ جىرتتى دا،
31 ەروبوعامعا بىلاي دەدى: «مىنانىڭ ون بولىگىن وزىڭە ال، سەبەبى يسرايل قۇدايى ەحوبا مىنانى ايتادى: —مەن سۇلەيمەننىڭ قولىنان پاتشالىقتى تارتىپ الىپ، ساعان ون رۋدى بەرەمىن+.
32 ال وعان ٴبىر رۋدى قالدىرامىن+. بۇنى قىزمەتشىم ٴداۋىت ٷشىن+ جانە يسرايل رۋلارىنىڭ ىشىنەن ٶزىم تاڭداپ العان يەرۋساليم قالاسى ٷشىن ىستەيمىن+.
33 حالقىم مەنى تاستاپ+، سيدوندىقتاردىڭ ايەل ٴتاڭىرى اشتارعا، موابتىقتاردىڭ ٴتاڭىرى حاموسقا جانە امموندىقتاردىڭ ٴتاڭىرى ميلكومعا تابىنىپ كەتتى. ولار سۇلەيمەننىڭ اكەسى ٴداۋىت سياقتى، ماعان ۇنايتىندى ىستەپ، مەنىڭ جولدارىممەن جۇرمەدى، جارلىقتارىم مەن شەشىمدەرىمدى دە ۇستانبادى.
34 ٴبىراق سۇلەيمەننىڭ قولىنان پاتشالىقتى تولىقتاي تارتىپ المايمىن، ول ٶمىرىنىڭ سوڭىنا دەيىن بيلەۋشى بولادى. مەن مۇنى كوزى تىرىسىندە وسيەتتەرىم مەن جارلىقتارىمدى ورىنداپ جۇرگەن ٵرى ٶزىم تاڭداپ العان قىزمەتشىم ٴداۋىت ٷشىن ىستەيمىن+.
35 مەن پاتشالىقتى سۇلەيمەننىڭ ۇلىنان تارتىپ الىپ، ون رۋدى ساعان بەرەمىن+.
36 ال ونىڭ ۇلىنا تەك ٴبىر رۋدى قالدىرامىن. بۇنى ٶز ەسىمىمدى ورنىقتىرۋ ٷشىن تاڭداپ العان يەرۋساليم قالاسىندا قىزمەتشىم ٴداۋىتتىڭ شىراعى وشپەسىن دەپ ىستەيمىن+.
37 مەن سەنى تاڭداپ الامىن دا، سەن ٶزىڭ قالاعاننىڭ ٴبارىنىڭ ۇستىنەن بيلىك ەتىپ، يسرايلدىڭ پاتشاسى بولاسىڭ.
38 ەگەر ايتقاندارىمنىڭ بارىنە مويىنسۇنىپ، جولىمنان تايماي، قىزمەتشىم ٴداۋىت سياقتى، مەنىڭ جارلىقتارىم مەن بۇيرىقتارىمدى ورىنداپ+، ماعان ۇنايتىندى ىستەيتىن بولساڭ، مەن ساعان دا جار بولىپ جۇرەمىن. ٴداۋىتتىڭ ۇيىندەي، سەنىڭ دە ٷيىڭدى يسرايلدە ماڭگىگە ورنىقتىرامىن+.
39 جاساعان زۇلىم ىستەرى ٷشىن ٴداۋىتتىڭ ۇرپاقتارىن جەر قىلامىن+، ٴبىراق مۇنى ماڭگىلىككە ىستەمەيمىن+».
40 سوندا سۇلەيمەن ەروبوعامدى ولتىرمەكشى بولدى. ٴبىراق ەروبوعام مىسىر پاتشاسى شۇشاققا+ قاشىپ كەتىپ+، سۇلەيمەن ومىردەن وتكەنشە سوندا تۇردى.
41 سۇلەيمەننىڭ باسقا دا ىستەرى مەن ونىڭ دانالىعى تۋرالى سۇلەيمەننىڭ تاريحى باياندالعان كىتاپتا جازىلعان+.
42 ول يەرۋساليمدە يسرايل ەلىنە 40 جىل بيلىك ەتكەن سوڭ،
43 اتا-بابالارىنا قوسىلدى. ونىڭ سۇيەگى اكەسى ٴداۋىتتىڭ قالاسىنا قويىلدى. ال ورنىنا روبوعام دەگەن ۇلى+ تاققا وتىردى.
سىلتەمەلەر
^ نەمەسە «ولارمەن قىز الىسىپ، قىز بەرىسپەڭدەر».
^ نەمەسە «ولار پاتشاعا قاتتى اسەر ەتتى».
^ مۇمكىن: «ەمشەكتەن شىعارىپ».
^ ەۆرەي ٴسوزىنىڭ ماعىناسى «ٷيىندى».
