پاتشالار 1-جازبا 12:1—33
12 روبوعام سيحەمگە+ باردى، سەبەبى بۇكىل يسرايل حالقى ونى پاتشا ەتۋ ٷشىن سوندا جينالعان بولاتىن+.
2 بۇل حابار نابات ۇلى ەروبوعامعا دا جەتتى (ول سۇلەيمەن پاتشادان قاشىپ كەتىپ، مىسىردا تۇرىپ جاتقان ەدى+).
3 سودان جۇرت ونى شاقىرتىپ الدى. بۇدان كەيىن ول يسرايل قاۋىمىمەن بىرگە روبوعامعا كەلىپ:
4 «اكەڭىزدىڭ بىزگە ارتقان جۇگى تىم اۋىر+. ەگەر ونىڭ موينىمىزعا ارتقان اۋىر جۇمىسى مەن زىلدەي جۇگىن جەڭىلدەتسەڭىز، سىزگە قىزمەت ەتەمىز»،— دەدى.
5 روبوعام ولارعا: «قازىر كەتە بەرىڭدەر، ٷش كۇننەن كەيىن قايتىپ كەلىڭدەر»،— دەپ جاۋاپ بەردى. وسىلاي حالىق تاراپ كەتتى+.
6 پاتشا اكەسىنىڭ كوزى تىرىسىندە ونىڭ كەڭەسشىسى بولعان اقساقالداردان: «قانداي اقىل ايتاسىزدار، مىنا حالىققا نە دەپ جاۋاپ بەرەيىن؟»— دەپ سۇرادى.
7 ولار بىلاي دەدى: «ەگەر بۇل حالىقتىڭ قىزمەتشىسى بولىپ، ايتقاندارىنا كونسەڭ، ٵرى جىلى-جىلى سويلەسسەڭ، ولار ساعان ماڭگى باقي قىزمەت ەتەدى».
8 الايدا پاتشا اقساقالداردىڭ ايتقان اقىلىن ەلەمەي، بىرگە وسكەن ٵرى وزىنە قىزمەت ەتىپ جۇرگەن جىگىتتەرمەن كەڭەسىپ+،
9 بىلاي دەدى: «اكەم ارتقان جۇكتى جەڭىلدەتۋدى سۇراپ جاتقان مىنا حالىققا نە دەپ جاۋاپ بەرەيىن؟ قانداي كەڭەس بەرەسىڭدەر؟»
10 قۇرداستارى وعان مىنانى ايتتى: «اكەڭىز موينىمىزعا ٴزىل باتپان جۇك ارتقان ەدى، سونى جەڭىلدەتىڭىز» دەگەن حالىققا بىلاي دەپ جاۋاپ بەر: —مەنىڭ شىناشاعىم اكەمنىڭ بەلىنەن دە جۋان!
11 ول سەندەرگە اۋىر جۇك ارتقان ەكەن، مەن ونى ودان بەتەر اۋىرلاتامىن. اكەم سەندەردى جاي قامشىمەن ساباعان بولسا، مەن سەندەردى دويىر قامشىمەن سابايمىن!»
12 روبوعامنىڭ «ٷش كۇننەن كەيىن قايتىپ كەلىڭدەر» دەگەن سوزىنە ساي، حالىق پەن ەروبوعام ٷشىنشى كۇنى پاتشانىڭ الدىنا كەلدى+.
13 ٴبىراق پاتشا اقساقالداردىڭ ايتقان اقىلىن قابىلداماي، حالىقپەن قاتاڭ سويلەستى.
14 ول قۇرداستارىنىڭ كەڭەسى بويىنشا: «اكەم سەندەرگە اۋىر جۇك ارتقان ەكەن، مەن ونى ودان بەتەر اۋىرلاتامىن. ول سەندەردى جاي قامشىمەن ساباعان بولسا، مەن دويىر قامشىمەن سابايمىن!»— دەپ جاۋاپ بەردى.
15 وسىلاي پاتشا حالىقتىڭ ايتقانىن قۇلاعىنا ىلمەدى. وقيعانىڭ بۇلاي بەت الۋى ەحوبانىڭ ەركىمەن بولدى+. مۇنى ەحوبا شيلولىق احيا پايعامبار ارقىلى نابات ۇلى ەروبوعامعا ايتقان سوزدەرىن+ جۇزەگە اسىرۋ ٷشىن ىستەدى.
16 سوزدەرىنىڭ ەلەۋسىز قالعانىن كورگەن كۇللى يسرايلدىكتەر پاتشاعا: «ٴبىزدىڭ داۋىتكە ەش قاتىسىمىز جوق! ەسەي ۇلىندا ەش ۇلەسىمىز جوق! ەي، يسرايلدىكتەر، ٵرقايسىسىڭ ٶز قۇدايلارىڭا بارىڭدار! بۇدان بىلاي ٴداۋىت ٷيى ٶز قامىن ٶزى ويلاسىن!»— دەدى دە، ٷيدى-ۇيلەرىنە تاراپ كەتتى+.
17 ٴبىراق روبوعام ياھۋدا قالالارىندا تۇرىپ جاتقان يسرايلدىكتەردىڭ پاتشاسى بولىپ قالا بەردى+.
18 بىردە روبوعام مىندەتتى جۇمىسشىلاردىڭ ۇستىنەن قارايتىن ادورامدى+ يسرايلدىكتەرگە جىبەردى، ٴبىراق جۇرت ونى تاسپەن اتقىلاپ ٶلتىردى. پاتشا بولسا ارباسىنا مىنە سالا، يەرۋساليمگە قاشىپ كەتتى+.
19 وسىلايشا يسرايلدىكتەر ٴداۋىت ۇيىنە قارسى شىعىپ+، كۇنى بۇگىنگە دەيىن وعان باعىنباي كەلەدى.
20 يسرايلدىكتەر ەروبوعامنىڭ قايتىپ كەلگەنىن ەستي سالا، ونى جينالىسقا شاقىرتىپ، بۇكىل يسرايل ەلىنە پاتشا ەتىپ قويدى+. ال ٴداۋىت ٷيىنىڭ سوڭىنان ياھۋدا رۋىنان باسقا ەشكىم ەرمەدى+.
21 سۇلەيمەن ۇلى روبوعام يەرۋساليمگە كەلە سالا، ياھۋدا مەن بەنيامين رۋىنان 180000 تاڭداۋلى سارباز جيناپ، يسرايلمەن سوعىسىپ، پاتشالىقتى وزىنە قايتارىپ الماق بولدى+.
22 سول كەزدە شىنايى قۇداي ٶز پايعامبارى شەماياحقا+ بىلاي دەدى:
23 «ياھۋدا پاتشاسى سۇلەيمەن ۇلى روبوعامعا، ياھۋدا مەن بەنيامين رۋىنا، سونداي-اق قالعان جۇرتتىڭ بارىنە مىنانى ايت:
24 —ەحوبا بىلاي دەيدى: «يسرايلدىك باۋىرلارىڭمەن سوعىسۋعا بارماڭدار. بارلىعىڭ ٷيدى-ۇيلەرىڭە قايتىڭدار. سەبەبى بۇل مەنىڭ ەركىممەن بولدى»+. سودان ولار ەحوبانىڭ سوزىنە قۇلاق اسىپ، ەحوبانىڭ ايتۋى بويىنشا ۇيلەرىنە تاراستى.
25 ەروبوعام ەفرەم تاۋلى وڭىرىندەگى سيحەم قالاسىن+ سالدى* دا، سوندا تۇراتىن بولدى. سوسىن ول جەردەن شىعىپ، پەنۋەلگە+ بارىپ، ونى نىعايتىپ الدى.
26 ول ىشتەي: «بيلىك قايتادان ٴداۋىت ۇيىنە ٶتىپ كەتەر+.
27 ەگەر حالىق قۇرباندىق شالۋ ٷشىن يەرۋساليمدەگى ەحوبانىڭ ۇيىنە بارا بەرەتىن بولسا+، ولاردىڭ كوڭىلى بۇرىنعى يەلەرى ياھۋدا پاتشاسى روبوعامعا اۋىپ كەتەدى. سوندا ولار مەنى ٶلتىرىپ، ياھۋدا پاتشاسى روبوعامعا قايتا ورالادى»،— دەپ ويلادى.
28 سوندىقتان ول كەڭەسشىلەرىمەن اقىلداستى دا، ەكى التىن بۇزاۋ جاسادى+. سوسىن حالىققا: «يەرۋساليمگە بارىپ، قينالىپ قايتەسىڭدەر. ەي، يسرايل، سەنى مىسىردان الىپ شىققان قۇدايىڭ — مىنە، مىناۋ!»— دەدى+.
29 بۇدان كەيىن ەروبوعام مۇسىندەردىڭ ٴبىرىن بەتەل+، ال ەكىنشىسىن دان قالاسىنا+ ورناتتى.
30 بۇل حالىقتىڭ كۇنا جاساۋىنا تۇرتكى بولدى+. ويتكەنى ولار سوناۋ دانعا دەيىن بارىپ، سونداعى بۇزاۋعا تابىناتىن بولدى.
31 سونداي-اق ول عيبادات توبەلەرىندە تابىناتىن ۇيلەر سالىپ، لەۋى رۋىنا جاتپايتىن ادامداردان ٴدىني قىزمەتكەرلەر تاعايىندادى+.
32 بۇعان قوسا، سەگىزىنشى ايدىڭ ون بەسىنشى كۇنى ياھۋدادا تويلاناتىن مەيرام+ ىسپەتتى مەيرام ورناتتى. ول بەتەلدە+ ورناتقان قۇرباندىق وشاعىندا ٶزى جاساعان بۇزاۋلارعا ارناپ مال شالدى. سونىمەن قاتار بەتەلدەگى ٶزى جاساعان عيبادات توبەلەرىندە قىزمەت ەتەتىن ٴدىني قىزمەتكەرلەر تاعايىندادى.
33 ٴسۇيتىپ، ەروبوعام سەگىزىنشى ايدىڭ ون بەسىنشى كۇنى (بۇل ۋاقىتتى ول ٶزى تاڭداعان بولاتىن) بەتەلدە ورناتقان قۇرباندىق وشاعىندا تارتۋلار ۇسىنا باستادى. وسىلايشا يسرايلدىكتەرگە مەيرام جاساپ، قۇرباندىق وشاعىندا تارتۋلار ۇسىنىپ، ٴتۇتىنىن تۇتەتتى.
سىلتەمەلەر
^ نەمەسە «بەكىتتى».