پاتشالار 1-جازبا 5:1—18
5 تير+ پاتشاسى حيرام سۇلەيمەننىڭ اكەسى ٴداۋىتتىڭ ورنىنا پاتشا بولىپ مايلانعانىن ەستىگەندە، وعان قىزمەتشىلەرىن جىبەردى. ويتكەنى ول ٴداۋىتتىڭ دوسى ەدى+.
2 سۇلەيمەن دە حيرامعا سالەم جولداپ بىلاي دەدى+:
3 «ٶزىڭىز بىلەتىندەي، اكەم ٴداۋىت قۇدايى ەحوبانىڭ ەسىمىنە ارناپ ٷي سالا الماي كەتتى. سەبەبى ول ەحوبا جان-جاقتاعى جاۋلارىن اياعىنا جىعىپ بەرگەنشە، سولارمەن سوعىسۋمەن بولدى+.
4 ال ماعان قۇدايىم ەحوبا اينالا تىنىشتىق سيلاعاندىقتان+، ەلىمىز امان، جۇرتىمىز تىنىش+.
5 ەندى مەن اكەم داۋىتكە ەحوبانىڭ «مەنىڭ ەسىمىمدى داڭققا بولەيتىن ٷيدى سەنەن كەيىن تاققا وتىراتىن ۇلىڭ سالادى» دەگەن ۋادەسىنە ساي، قۇدايىم ەحوبانىڭ اتىنا ارناپ ٷي سالماقپىن+.
6 سوندىقتان قىزمەتشىلەرىڭىزگە ماعان ارناپ ليۆاننان قاراعايلار+ كەسىپ بەرۋدى بۇيىرىڭىزشى. ولارمەن بىرگە جۇمىس ىستەۋگە مەن ٶز ادامدارىمدى جىبەرەيىن. قىزمەتشىلەرىڭىز ٷشىن قانداي اقى سۇراساڭىز دا تولەيمىن. ويتكەنى ٶزىڭىز بىلەتىندەي، ارامىزدا سيدوندىقتار سياقتى، اعاش كەسۋگە شەبەر ەشكىم جوق+».
7 مۇنى ەستىگەندە، حيرام قاتتى قۋانىپ: «داۋىتكە وسىنداي ۇلى حالىققا بيلىك ەتەتىن دانا ۇل بەرگەن ەحوبا قۇداي ماداقتالسىن!»— دەدى+.
8 بۇدان كەيىن سۇلەيمەنگە مىناداي حابار جىبەردى: «ماعان جولداعان سالەمىڭدى الدىم. قالاۋىڭ بويىنشا قاراعاي، ارشا بورەنەلەرىن+ جىبەرەيىن.
9 قىزمەتشىلەرىم ولاردى ليۆاننان تەڭىزگە اكەلەدى. مەن ولاردى ٴبىر-بىرىنە بايلاپ سال جاساپ، ٶزىڭ ايتقان جەرگە تەڭىز ارقىلى جەتكىزەمىن دە، ٵرى قاراي اكەتۋىڭ ٷشىن اجىراتىپ بەرەمىن. سەن دە مەنىڭ ٶتىنىشىمدى ورىنداپ، ٷي ٸشىمدى ٶزىم سۇراعان ازىق-تۇلىكپەن قامتاماسىز ەتىپ تۇر+».
10 ٴسۇيتىپ، حيرام سۇلەيمەننىڭ قالاۋى بويىنشا وعان قاراعاي، ارشا بورەنەلەرىن جىبەرىپ وتىردى.
11 سۇلەيمەن بولسا جىل سايىن حيرامنىڭ ٷي ٸشىن 20000 كور* بيداي، 20 كور تازا ٴزايتۇن مايىمەن قامتاماسىز ەتىپ تۇردى+.
12 ەحوبا ٶزى ۋادە ەتكەندەي، سۇلەيمەنگە دانالىق سيلادى+. حيرام مەن سۇلەيمەننىڭ اراسىندا تاتۋلىق بولدى، ٵرى ەكەۋى ٶزارا كەلىسىم جاساستى.
13 سۇلەيمەن پاتشا بۇكىل يسرايل ەلىنەن 30000 باسىبايلى جۇمىسشى جيناپ+،
14 اي سايىن 10000 ادامنان ليۆانعا جىبەرىپ وتىردى. ولار ليۆاندا ٴبىر اي جۇمىس ىستەگەن سوڭ، ەكى اي ۇيلەرىندە بولاتىن. ولاردىڭ ۇستىنەن قاراۋعا ادونيرام+ تاعايىندالدى.
15 سونداي-اق سۇلەيمەننىڭ 70000 قارا جۇمىسشىسى* جانە تاۋدا تاس كەسەتىن 80000 ادامى+ بولدى+.
16 سونىمەن قاتار جۇمىسشىلاردى قاداعالايتىن 3300 باسقارۋشى تاعايىندالدى+.
17 جۇمىسشىلار پاتشانىڭ بۇيرىعى بويىنشا كيەلى ٷيدىڭ ىرگەسىن+ قاشالعان تاستاردان+ سالۋ ٷشىن، ۇلكەن ٵرى قىمبات تاستار ٶندىردى+.
18 سودان سۇلەيمەن پاتشا مەن حيرامنىڭ قۇرىلىسشىلارى جانە گەبالدىقتار+ تاستار كەسىپ، كيەلى ٷي سالۋعا قاجەتتى بورەنەلەر مەن تاستار دايىندادى.
