پاتشالار 1-جازبا 9:1—28
9 سۇلەيمەن ەحوبانىڭ ٷيى مەن ٶزىنىڭ پاتشا سارايىن+ جانە ٶزى قالاعاننىڭ ٴبارىن سالىپ بىتكەن سوڭ+،
2 ەحوبا وعان گيبەوندا كورىنگەندەي+، تاعى ٴبىر رەت كورىندى.
3 سۇلەيمەنگە ەحوبا بىلاي دەدى: «ايتقان دۇعاڭدى دا، ىقىلاسىمدى ٴتۇسىرۋدى سۇراعان ٶتىنىشىڭدى دە ەستىدىم. سەن سالعان مىنا ۇيگە ەسىمىمدى ماڭگى ورنىقتىرىپ+، ونى كيەلى ەتتىم. مەن ونى كوزىمنەن تاسا قىلمايمىن، جۇرەگىم ٵرقاشان سوندا بولادى+.
4 ەگەر اكەڭ ٴداۋىت سياقتى+، بارلىق وسيەتتەرىمدى، جارلىقتارىم مەن شەشىمدەرىمدى ۇستانىپ+، الدىمدا جۇرەگىڭ ٴمىنسىز+ ٵرى ٵدىل+ بولىپ جۇرسەڭ،
5 يسرايلدە پاتشالىق تاعىڭدى ماڭگىگە ورنىقتىرىپ، اكەڭ داۋىتكە بەرگەن «يسرايل تاعىندا ٵردايىم سەنىڭ ۇرپاعىڭ وتىراتىن بولادى» دەگەن ۋادەمدى ورىندايمىن+.
6 ال سەندەر نە ۇرپاقتارىڭ مەنەن باس تارتىپ، وزدەرىڭە بەرگەن وسيەتتەرىم مەن جارلىقتارىمدى ۇستانباي، باسقا قۇدايلارعا قىزمەت ەتىپ، سولارعا تابىنا باستاساڭدار+،
7 يسرايل حالقىن ٶزىم بەرگەن جەردەن الاستاتامىن+، ال ٶز ەسىمىم ٷشىن كيەلى ەتكەن ٷيدى كوز الدىمنان قۇرتامىن+. سوندا باسقا حالىقتاردىڭ ٴبارى يسرايلدى تابالاپ، مازاق قىلاتىن بولادى+.
8 مىنا ٷي بولسا ٴبىر توبە ۇيىندىگە اينالادى+. ونىڭ جانىنان وتكەن اركىم ىسقىرىپ: —ەحوبا مىنا ەل مەن ٷيدى نەگە وسىنداي كۇيگە ۇشىراتتى ەكەن؟— دەپ تاڭعالاتىن بولادى+.
9 جۇرت ولارعا: —بۇل حالىق اتا-بابالارىن مىسىر ەلىنەن الىپ شىققان قۇدايلارى ەحوبانى تاستاپ، باسقا قۇدايلارعا تابىنىپ، سولارعا قىزمەت ەتىپ كەتتى. سوندىقتان ەحوبا ولاردى وسىنداي اپاتقا ۇشىراتتى،— دەپ جاۋاپ بەرەدى+».
10 سۇلەيمەن ەحوبانىڭ ٷيى مەن ٶزىنىڭ پاتشا سارايىن 20 جىلدا سالىپ ٴبىتىردى+.
11 وسى ۋاقىت بويى تير پاتشاسى حيرام+ سۇلەيمەننىڭ قالاۋى بويىنشا، ونى قاراعاي، ارشا بورەنەلەرىمەن جانە التىنمەن قامتاماسىز ەتىپ تۇردى+. سول ٷشىن پاتشا وعان عاليلەيا جەرىنەن 20 قالا بەردى.
12 سوندا حيرام تيردەن كەلىپ، سۇلەيمەن بەرگەن قالالاردى ارالاپ شىقتى، ٴبىراق ولار كوڭىلىنەن شىقپادى.
13 سوندىقتان ول سۇلەيمەنگە: «ماعان قانداي قالالار بەرگەنسىڭ، باۋىرىم؟»— دەدى. سول سەبەپتى وسى قالالار ٵلى كۇنگە دەيىن قابۇل جەرى* دەپ اتالادى.
14 حيرام سۇلەيمەنگە 120 تالانت* التىن جىبەردى+.
15 سۇلەيمەن پاتشا ەحوبانىڭ ٷيىن+، ٶزىنىڭ پاتشا سارايىن، ميللونى*+، يەرۋساليمنىڭ قابىرعاسىن، حاسوردى+، مەگيددو+ مەن گەزەردى+ سالۋ ٷشىن باسىبايلى قىزمەتشىلەر جينادى+.
16 (بۇدان بۇرىن مىسىر پاتشاسى پەرعاۋىن گەزەردى جاۋلاپ الىپ، ورتەپ، سوندا تۇراتىن قاناحاندىقتاردى+ قىرىپ تاستاعان ەدى. ال قىزىن سۇلەيمەنگە ۇزاتقاندا+، سول قالانى وعان ەنشى رەتىندە سيلادى.)
17 سۇلەيمەن مىنا قالالاردى قايتا تۇرعىزدى*: گەزەر، تومەنگى بەت-حورون+،
18 باعالات+، يسرايل جەرىندەگى ٴشول دالادا ورنالاسقان تامار.
19 سونداي-اق ول ازىق-تۇلىك ساقتاۋعا جانە اربالارى+ مەن سالت اتتى جىگىتتەرىنە ارنالعان قالالار تۇرعىزدى. وسىلاي يەرۋساليمدە، ليۆاندا جانە ٶز قول استىنداعى بۇكىل ەلدە سالعىسى كەلگەننىڭ ٴبارىن سالدى.
20 يسرايلدىكتەردىڭ اراسىندا امورلىقتار، حەتتىكتەر، پەرەزدىكتەر، حەۆتىكتەر مەن ەبۋستىكتەر+ تۇرىپ جاتتى+.
21 بۇلار كەزىندە يسرايلدىكتەر تولىق جويا الماعان حالىقتاردىڭ ۇرپاقتارى ەدى. سۇلەيمەن ولاردى باسىبايلى قىزمەتشى ەتىپ، اۋىر جۇمىسقا سالىپ قويدى. بۇل جاعداي ٵلى كۇنگە دەيىن جالعاسىپ كەلەدى+.
22 ٴبىراق ول يسرايلدىكتەردىڭ ەشقايسىسىن قۇل ەتپەدى+. ولار پاتشانىڭ ساربازدارى، قىزمەتشىلەرى، بەكزادالارى، كومەكشىلەرى، سونداي-اق ارباكەشتەرى مەن سالت اتتى جىگىتتەرىنىڭ باسشىلارى بولدى.
23 سۇلەيمەننىڭ ٴتۇرلى ىستەرىن باسقارىپ، جۇمىسشىلاردىڭ ۇستىنەن قارايتىن 550 جەتەكشى ايماق اكىمى بولدى+.
24 پەرعاۋىننىڭ قىزى+ ٴداۋىتتىڭ قالاسىنان+ سۇلەيمەن سالىپ بەرگەن ۇيگە كوشتى. پاتشا ميللونى سول ۋاقىتتا تۇرعىزعان ەدى+.
25 سۇلەيمەن ەحوباعا ارناپ سوققان قۇرباندىق وشاعىندا جىلىنا ٷش رەت+ تۇگەل ورتەلەتىن جانە تاتۋلىق قۇرباندىقتارىن شالاتىن+. ول ەحوبانىڭ الدىنداعى قۇرباندىق وشاعىندا قۇرباندىق ٴتۇتىنىن دە تۇتەتەتىن. وسىلاي پاتشا كيەلى ٷيدى سالىپ ٴبىتىردى+.
26 سۇلەيمەن پاتشا ەدوم جەرىندەگى قىزىل تەڭىزدىڭ جاعاسىندا، ەلاتتىڭ جانىنداعى ەسيون-گەبەردە+ كەمەلەر دە جاساتتى+.
27 حيرام ٶزىنىڭ تاجىريبەلى تەڭىزشىلەرىن سۇلەيمەننىڭ قىزمەتشىلەرىمەن بىرگە وسى كەمەلەردە قىزمەت ەتۋگە جىبەردى+.
28 ولار وپىرعا+ بارىپ، سۇلەيمەن پاتشاعا 420 تالانت التىن اكەلدى.
سىلتەمەلەر
^ مۇمكىن: «تۇككە جارامسىز جەر».
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ ەۆرەي ٴسوزىنىڭ ماعىناسى «ٷيىندى».
^ نەمەسە «بەكىتتى».