پاتشالار 2-جازبا 1:1—18
-
ٸلياستىڭ احازيانىڭ ولەتىنىن الدىن الا ايتۋى (1—18)
1 احاب پاتشا قايتىس بولعاننان كەيىن، مواب+ يسرايلگە قارسى باس كوتەردى.
2 بىردە احازيا پاتشا سامارياداعى سارايىنىڭ شاتىرىنداعى بولمەسىنىڭ توركوز تەرەزەسىنەن قۇلاپ كەتىپ، قاتتى جاراقاتتاندى. سودان ول مىناداي سوزدەرمەن حابارشىلار جىبەردى: «ەكرونعا+ بارىپ، سول جەردىڭ ٴتاڭىرى باعال-زەبۋبتەن جاراقاتىمنان ايىعامىن با، جوق پا — ٴبىلىپ كەلىڭدەر»+.
3 سول كەزدە ەحوبانىڭ* پەرىشتەسى تيشبەلىك ٸلياسقا*+ بىلاي دەدى: «تۇر دا، ساماريا پاتشاسى جىبەرگەن حابارشىلاردىڭ الدىنان شىعىپ، مىنانى ايت: —ەكرون ٴتاڭىرى باعال-زەبۋبكە جۇگىنەتىندەي، يسرايلدە قۇداي جوق پا ەدى+؟!
4 سوندىقتان ەحوبا بىلاي دەيدى: —سەن جاتقان توسەگىڭنەن قايتىپ تۇرمايسىڭ، ولەسىڭ!» ٸلياس بارىپ، بەرىلگەن تاپسىرمانى ورىندادى.
5 حابارشىلار قايتىپ ورالعاندا، پاتشا ولاردان: «نەگە قايتىپ كەلدىڭدەر؟»— دەپ سۇرادى.
6 ولاردىڭ جاۋابى مىناۋ بولدى: «ٴبىر كىسى الدىمىزدان شىعىپ، بىلاي دەدى: —پاتشالارىڭا قايتا ورالىپ، مىنا حاباردى جەتكىزىڭدەر. ەحوبا بىلاي دەيدى: —ەكرون ٴتاڭىرى باعال-زەبۋبكە جۇگىنەتىندەي، يسرايلدە قۇداي جوق پا ەدى؟! سول ٷشىن سەن جاتقان توسەگىڭنەن قايتىپ تۇرمايسىڭ، ولەسىڭ+!»
7 سوندا پاتشا: «الدارىڭنان شىعىپ، وسى سوزدەردى ايتقان ادامنىڭ ٴتۇرى قانداي ەدى؟»— دەپ سۇرادى.
8 ولار: «ول ۇستىنە جارعاق كيىم* كيىپ+، بەلىنە قايىس بەلدىك تاعىپ العان+»،— دەپ سۋرەتتەدى. بۇعان پاتشا: «بۇل — تيشبەلىك ٸلياس!»— دەدى.
9 بۇدان كەيىن احازيا پاتشا ٴبىر ەلۋباسىن 50 ساربازىمەن بىرگە ٸلياسقا جىبەردى. الگىلەر ورلەپ كەلگەندە، ول تاۋ باسىندا وتىرعان ەدى. ەلۋباسى وعان: «شىنايى قۇدايدىڭ ادامى+، پاتشا ساعان «ٴتۇس!» دەپ جاتىر»،— دەدى.
10 ال ٸلياس: «ەگەر مەن شىنايى قۇدايدىڭ ادامى بولسام، كوكتەن وت ٴتۇسىپ+، سەنى دە، 50 ساربازىڭدى دا جالماپ قويسىن!»— دەپ جاۋاپ بەردى. سوندا كوكتەن وت ٴتۇسىپ، ەلۋباسىن دا، ونىڭ 50 ساربازىن دا جالماپ قويدى.
11 پاتشا باسقا ٴبىر ەلۋباسىن 50 ساربازىمەن بىرگە ٸلياسقا جىبەردى. ەلۋباسى وعان: «شىنايى قۇدايدىڭ ادامى، پاتشا ساعان «تەز تومەن ٴتۇس!» دەپ جاتىر»،— دەدى.
12 ال ٸلياس: «ەگەر مەن شىنايى قۇدايدىڭ ادامى بولسام، كوكتەن وت ٴتۇسىپ، سەنى دە، 50 ساربازىڭدى دا جالماپ قويسىن!»— دەپ جاۋاپ بەردى. سوندا كوكتەن وت ٴتۇسىپ، ەلۋباسىن دا، ونىڭ 50 ساربازىن دا جالماپ قويدى.
13 سوندا پاتشا ٷشىنشى ەلۋباسىن 50 ساربازىمەن بىرگە ٸلياسقا جىبەردى. بۇل ەلۋباسى ورلەپ بارىپ، ٸلياستىڭ الدىندا تىزەرلەپ تاعزىم ەتتى. سوسىن ودان ىقىلاسىن ٴتۇسىرۋدى ٶتىنىپ بىلاي دەدى: «شىنايى قۇدايدىڭ ادامى، مەنىڭ جانە مىنا 50 قىزمەتشىڭىزدىڭ جانىن قىمبات كورسەڭىز ەكەن.
14 كوكتەن وت ٴتۇسىپ، ماعان دەيىن كەلگەن ەكى ەلۋباسىن ساربازدارىمەن قوسا جالماپ قويدى. ٴبىراق مەنىڭ جانىمدى قىمبات كورسەڭىز ەكەن».
15 سوندا ەحوبانىڭ پەرىشتەسى ٸلياسقا: «ونىمەن بىرگە تومەن ٴتۇس، ودان قورىقپا»،— دەدى. ٸلياس ورنىنان تۇرىپ، تومەن ٴتۇسىپ، ونىمەن بىرگە پاتشاعا باردى.
16 ول پاتشاعا مىنانى ايتتى: «ەحوبا بىلاي دەيدى: —ەكرون+ ٴتاڭىرى باعال-زەبۋبكە حابارشىلار جىبەرەتىندەي، يسرايلدە قۇداي جوق پا ەدى+؟! نەگە يسرايلدىڭ قۇدايىنا جۇگىنبەدىڭ؟ وسىلاي ەتكەنىڭ ٷشىن جاتقان توسەگىڭنەن قايتىپ تۇرمايسىڭ، ولەسىڭ!»
17 ەحوبانىڭ ٸلياس ارقىلى ايتقان سوزىنە ساي، پاتشا كوز جۇمدى. ۇلى بولماعاندىقتان، ونىڭ ورنىنا جورام*+ تاققا وتىردى. بۇل ياھۋدا پاتشاسى جوسافات ۇلى جورامنىڭ+ پاتشالىق قۇرۋىنىڭ ەكىنشى جىلى بولدى.
18 احازيانىڭ+ باسقا دا ىستەرى يسرايل پاتشالارىنىڭ تاريحى باياندالعان كىتاپتا جازىلعان.
سىلتەمەلەر
^ بۇل — قۇدايدىڭ ەسىمى. تۇسىندىرمەنى قاراڭىز.
^ ماعىناسى «مەنىڭ قۇدايىم — ەحوبا».
^ تۇگىن سىرتىنا قاراتىپ كيەتىن مۇنداي كيىمدى ادەتتە پايعامبارلار كيەتىن.
^ جورام احازيانىڭ باۋىرى ەدى.
