پاتشالار 2-جازبا 10:1—36
10 احابتىڭ+ ساماريادا 70 ۇلى بار ەدى. سوندىقتان يقۋ ەزرەحەلدەگى بەكزادالارعا، اقساقالدار+ مەن احابتىڭ بالالارىنىڭ قاراۋشىلارىنا بىلاي دەپ حات جازدى:
2 «سەندەردە تاقسىر يەلەرىڭنىڭ ۇلدارى، سوعىس اربالارى مەن اتتارى، بەكىنىستى قالاسى مەن قارۋ-جاراعى بار. ەندەشە وسى حاتتى العان سوڭ،
3 قوجايىندارىڭنىڭ ەڭ جاقسى ٵرى لايىقتى دەگەن ۇلدارىنىڭ ٴبىرىن تاڭداپ الىپ، اكەسىنىڭ تاعىنا وتىرعىزىڭدار. سوسىن تاقسىر يەلەرىڭ ٷشىن شايقاسىڭدار!»
4 ٴبىراق ولار زارەلەرى قالماي: «وعان ەكى بىردەي پاتشا توتەپ بەرە الماعاندا+، ٴبىز قالاي توتەپ بەرەمىز؟!»— دەستى.
5 سودان ساراي باسقارۋشىسى، قالا اكىمى، اقساقالدار مەن قاراۋشىلار يقۋعا: «ٴبىز ٴسىزدىڭ قىزمەتشىلەرىڭىزبىز، نە ايتساڭىز دا، ٴبارىن ورىندايمىز. ەشكىمدى دە پاتشا ەتپەيمىز. دۇرىس دەپ تاپقانىڭىزدى ىستەڭىز»،— دەگەن حابار جىبەردى.
6 سوندا يقۋ ولارعا تاعى دا بىلاي دەپ حات جازدى: «ەگەر مەنىڭ جاعىمدا بولساڭدار، ٵرى ماعان مويىنسۇنعىلارىڭ كەلسە، ەرتەڭ وسى ۋاقىتتا تاقسىر يەلەرىڭنىڭ ۇلدارىنىڭ باستارىن ەزرەحەلگە اكەلىپ بەرىڭدەر».
بۇل كەزدە قالانىڭ بەدەلدى ادامدارىنىڭ تاربيەسىندەگى پاتشانىڭ 70 ۇلى سولاردىڭ قاسىندا بولاتىن.
7 حاتتى العان بويدا، ولار پاتشانىڭ 70 ۇلىنىڭ ٴبارىن ٶلتىردى دە+، باستارىن سەبەتتەرگە سالىپ، ەزرەحەلگە جونەلتتى.
8 يقۋعا حابارشى كەلىپ: «پاتشا ۇلدارىنىڭ باستارىن اكەلگەن ادامدار كەلدى،— دەپ ەدى، ول: —ولاردى قالا قاقپاسىنىڭ الدىنا ەكى توبە ەتىپ ٷيىپ، تاڭ اتقانشا سوندا قالدىرىڭدار»،— دەپ تاپسىردى.
9 ەرتەڭىنە تاڭەرتەڭ يقۋ سىرتقا شىعىپ، كۇللى حالىقتىڭ الدىندا بىلاي دەدى: «سەندەردىڭ ەش جازىقتارىڭ جوق. قاستاندىق جاساپ، قوجايىنىمدى ولتىرگەن — مەن+. ال مىنالاردىڭ ٴبارىن ولتىرگەن كىم؟
10 ەندەشە، ٴبىلىپ قويىڭدار! ەحوبانىڭ بىردە-ٴبىر ٴسوزى، احاب ۇيىنە قاتىستى ايتقان ەحوبانىڭ ەشبىر ٴسوزى ورىندالماي قالمايدى+. مىنە، ەحوبا ٶز قىزمەتشىسى ٸلياس ارقىلى ايتقان ٴسوزىن جۇزەگە اسىرىپ وتىر+».
11 بۇدان كەيىن يقۋ احابتىڭ بەدەلدى كىسىلەرىن، تانىس-تامىرلارى مەن ٴدىني قىزمەتكەرلەرىنىڭ ٴبارىن+، سونداي-اق ەزرەحەلدە ونىڭ اۋلەتىنەن قالعان ادامداردىڭ ٴبارىن ٴبىرىن قالدىرماي قىرىپ تاستادى+.
12 سوسىن سامارياعا جول تارتتى. جولشىباي شوپاندار قوي قىرقاتىن ٷيدىڭ جانىنان ٶتىپ بارا جاتىپ،
13 ياھۋدا پاتشاسى احازيانىڭ+ باۋىرلارىمەن ۇشىراسىپ قالدى. يقۋ ولاردان: «كىمسىڭدەر؟— دەپ سۇراعاندا، الگىلەر: —احازيانىڭ باۋىرلارىمىز. پاتشا ۇلدارى مەن پاتشايىم ۇلدارىنىڭ اماندىعىن بىلۋگە بارا جاتىرمىز»،— دەپ جاۋاپ بەردى.
14 سوندا يقۋ: «مىنالاردى تىرىدەي ۇستاڭدار!»— دەپ بۇيىردى. ادامدارى ولاردى ۇستاپ الدى دا، قوي قىرقاتىن ٷيدىڭ جانىنداعى سۋ قويماسىنا اپارىپ، 42 كىسىنىڭ ٴبارىن، ٴبىرىن قالدىرماي قىرىپ تاستادى+.
15 بۇدان كەيىن ساپارىن جالعاستىرعان يقۋ جولشىباي رەحاب+ ۇلى ەحونادابتى+ كەزدەستىردى. ەحوناداب اماندىق سۇراعاندا، ول:
«مەن بار جۇرەگىممەن سەنىڭ جاعىڭدامىن، سەن دە بار جۇرەگىڭمەن مەنىڭ جاعىمداسىڭ با؟»— دەدى.
ەحوناداب: «ٴيا!— دەپ ەدى، يقۋ: —ەندەشە قولىڭدى بەر!»— دەدى.
ول قولىن بەرگەندە، يقۋ ونى ارباسىنا مىنگىزىپ الدى.
16 سوسىن مىنانى ايتتى: «مەنىمەن بىرگە ٴجۇر! ەحوباعا قارسى شىققاندارعا ەش توزبەيتىنىمە كۋا بول!»+ وسىلاي ەحوناداب يقۋدىڭ سوعىس ارباسىنا ٴمىنىپ، بىرگە كەتتى.
17 سامارياعا جەتكەن سوڭ، يقۋ ەحوبانىڭ ٸلياس پايعامبارعا ايتقان سوزىنە ساي+، احاب ۇيىنەن قالعانداردىڭ ٴبارىن قىردى، ەشكىمدى امان قالدىرمادى+.
18 بۇدان كەيىن قالاداعى حالىقتى تۇگەل جيناپ الىپ: «احاب باعالعا بارىن سالىپ تابىنعان جوق+، ال مەن وعان بارىمدى سالىپ قۇلشىلىق ەتەمىن.
19 سوندىقتان باعالدىڭ پايعامبارلارىن+، تابىنۋشىلارى مەن ابىزدارىنىڭ ٴبارىن+ ماعان جيناڭدار. ەشكىم قالىپ قويماسىن، ويتكەنى مەن باعالعا ارناپ مول قۇرباندىق شالماقپىن. كەلمەي قالعان ادام ٴتىرى قالمايدى!»— دەدى. ٴبىراق يقۋ مۇنى باعالعا تابىنۋشىلاردى قۇرتۋ ٷشىن قۋلىقپەن ىستەگەن ەدى.
20 سودان ول: «باعالعا ارنالعان سالتاناتتى جيىن وتەتىنىن جاريا ەتىڭدەر!»— دەپ بۇيىردى. جيىن بولاتىنى جاريالاندى.
21 يقۋ بۇكىل يسرايل بويىنشا جارشىلار جىبەرىپ، باعالعا تابىنۋشىلاردىڭ ٴبارى جينالدى. كەلمەي قالعان ەشكىم بولمادى. ٴبارى باعالدىڭ ۇيىنە+ جينالعاندا، وندا ينە شانشىر جەر قالمادى.
22 بۇدان كەيىن يقۋ كيىم قويماسىنىڭ باسقارۋشىسىنا: «باعالعا تابىناتىنداردىڭ بارىنە شاپان اكەل»،— دەدى. باسقارۋشى ولارعا شاپان الىپ شىقتى.
23 سوسىن يقۋ رەحاب ۇلى ەحونادابپەن+ باعالدىڭ ۇيىنە كىرىپ، تابىنۋعا كەلگەندەرگە: «جاقسىلاپ قاراڭدار، ارالارىڭدا ەحوباعا عيبادات ەتەتىندەر قالىپ قويماسىن. مۇندا تەك باعالعا تابىناتىندار قالسىن»،— دەپ تاپسىردى.
24 سونىمەن ولار تۇگەل ورتەلەتىن جانە باسقا دا قۇرباندىقتار شالۋ ٷشىن ىشكە كىردى. يقۋ ٷيدى اينالدىرا 80 ادامىن قويىپ، ولارعا: «ٶزىم قولدارىڭا تاپسىرعان ادامنىڭ بىرەۋى قۇتىلىپ كەتسە، جانعا* جان الىنادى»،— دەگەن نۇسقاۋ بەرگەن ەدى.
25 يقۋ تۇگەل ورتەلەتىن قۇرباندىقتى شالىپ بولعان سوڭ، كۇزەتشىلەرى مەن كومەكشىلەرىنە: «ىشكە كىرىپ، ٴبارىن قىرىپ سالىڭدار! بىردە-ٴبىرى امان قالۋشى بولماسىن!»+— دەدى. ولار ىشكە كىرىپ، ۇيدەگىلەردى سەمسەرمەن ٶلتىرىپ، دەنەلەرىن سىرتقا لاقتىرا بەردى. وسىلاي باعال ٷيىنىڭ تۇپكى بولمەسىنە* دەيىن جەتتى.
26 سوسىن باعال ۇيىندەگى قاسيەتتى باعانالاردى+ الىپ شىعىپ، ورتەپ جىبەردى+.
27 باعالدىڭ قاسيەتتى باعاناسىن دا، ونىڭ ٷيىن+ دە تالقانداپ تاستادى+. ال ورنىن اجەتحاناعا اينالدىردى، سول جەر كۇنى بۇگىنگە دەيىن سولاي قولدانىلادى.
28 وسىلايشا يقۋ يسرايل ەلىنەن باعالعا تابىنۋشىلىقتى تۇپتامىرىمەن قۇرتتى.
29 ٴبىراق ول يسرايلدى كۇناعا باتىرعان نابات ۇلى ەروبوعام ۇستانعان جولدان تايمادى. ەروبوعام ەكى التىن بۇزاۋ جاساپ، بەتەل مەن دانعا قويدىرعان ەدى+.
30 ەحوبا يقۋعا: «سەن دۇرىس ارەكەت ەتىپ، احاب ۇيىنە قاتىستى مەنىڭ كوڭىلىمدەگىنىڭ ٴبارىن ورىنداپ، ماعان ۇنامدىنى ىستەدىڭ+. سول ٷشىن وزىڭنەن كەيىنگى ٴتورت ۇرپاعىڭ يسرايل تاعىنا وتىرادى+»،— دەدى.
31 الايدا يقۋ بار جۇرەگىمەن يسرايل قۇدايى ەحوبانىڭ زاڭىن ورىنداۋعا ۇمتىلعان جوق+. ول يسرايلدى كۇناعا باتىرعان ەروبوعامنىڭ جولىنان تايمادى+.
32 سول كەزدەردەن باستاپ ەحوبا يسرايل جەرىنىڭ كولەمىن بىرتە-بىرتە قىسقارتا بەردى. حازاەل كۇللى يسرايل ەلى بويىنشا حالىققا شابۋىل جاساۋمەن بولدى+.
33 ول يورداننىڭ شىعىسىنداعى عادتىقتار، رۋبەندىكتەر مەن ماناسالىقتار قونىس تەپكەن كۇللى عالاقات جەرىن+: ارنون اڭعارىنىڭ* بويىنداعى اروگەردەن باستاپ، عالاقات پەن باشان ٶڭىرىن تارتىپ الدى+.
34 يقۋدىڭ باسقا دا ىستەرى مەن قۇدىرەتى تۋرالى يسرايل پاتشالارىنىڭ تاريحى باياندالعان كىتاپتا جازىلعان.
35 اقىرىندا يقۋ اتا-بابالارىنا قوسىلدى دا، سۇيەگى سامارياعا قويىلدى. ال ورنىنا ۇلى ەحوحاز+ پاتشا بولدى.
36 يقۋ ساماريادا يسرايل ەلىنە 28 جىل پاتشالىق ەتتى.
سىلتەمەلەر
^ تۇسىندىرمەنى قاراڭىز.
^ سوزبە-ٴسوز «قالاسىنا». بۇل بەكىنىس تەكتەس ەتىپ سالىنعان قۇرىلىس بولسا كەرەك.
^ نەمەسە «ارنون وزەن اڭعارىنىڭ».
