پاتشالار 2-جازبا 12:1—21
12 جوعاس+ يقۋدىڭ+ بيلىك قۇرۋىنىڭ جەتىنشى جىلى پاتشا بولىپ، يەرۋساليمدە 40 جىل بيلىك ەتتى. ونىڭ اناسى بەر-شەبالىق سيبيا ەدى+.
2 ٴدىني قىزمەتكەر ەحوداي نۇسقاۋ بەرىپ وتىرعان كەزدىڭ بارىندە جوعاس ەحوبانىڭ الدىندا ۇنامدى ارەكەت ەتىپ ٴجۇردى.
3 تەك عيبادات توبەلەرى+ جويىلمادى. حالىق سول جەرلەردە قۇرباندىق شالىپ، قۇرباندىق ٴتۇتىنىن تۇتەتۋىن جالعاستىرا بەردى.
4 ٴبىر كۇنى جوعاس ٴدىني قىزمەتكەرلەرگە بىلاي دەدى: «ەحوبانىڭ ۇيىنە قاسيەتتى ساداقا+ رەتىندە اكەلىنگەن اقشانىڭ ٴبارىن، ياعني ادام باسىنان الىناتىن الىمدى+، سونداي-اق جان باسىنا بەلگىلەنگەن قۇن رەتىندە بەرىلگەن اقشا مەن ەحوبانىڭ ۇيىنە ارناپ جۇرەك قالاۋىمەن بەرىلگەن اقشانىڭ ٴبارىن جيناڭدار+.
5 ونى ٴدىني قىزمەتكەرلەر تانىس-تامىرلارىنان الىپ، قۇداي ٷيىنىڭ جوندەلۋى ٴتيىس جەرلەرىنە جاراتسىن+».
6 ٴبىراق جوعاستىڭ بيلىك قۇرۋىنىڭ جيىرما ٷشىنشى جىلىنا دەيىن ٴدىني قىزمەتكەرلەر قۇداي ٷيىنىڭ جوندەۋدى قاجەت ەتەتىن جەرلەرىن ٵلى دە قالپىنا كەلتىرمەگەن ەدى+.
7 سوندىقتان جوعاس پاتشا ەحوداي+ مەن باسقا دا ٴدىني قىزمەتكەرلەردى شاقىرىپ الىپ: «نەگە قۇداي ٷيىن جوندەمەي جاتىرسىزدار؟ اقشانى ٷيدى جوندەۋگە جۇمسامايتىن بولساڭىزدار، بۇدان بىلاي تانىس-تامىرلارىڭىزدان ەشتەڭە جيناماڭىزدار»،— دەدى+.
8 ٴدىني قىزمەتكەرلەر كەلىسىپ، ەندى جۇرتتان اقشا جينامايمىز، ٵرى قۇداي ٷيىنىڭ جوندەۋ ىستەرىن موينىمىزعا المايمىز دەپ شەشتى.
9 سوندا ٴدىني قىزمەتكەر ەحوداي ٴبىر جاشىك الىپ+، ۇستىڭگى جاعىنان تەسىك جاسادى دا، ەحوبانىڭ ٷيىنىڭ كىرەبەرىسىنىڭ وڭ جاعىنا، قۇرباندىق وشاعىنىڭ جانىنا قويىپ قويدى. كىرەبەرىستى كۇزەتەتىن ٴدىني قىزمەتكەرلەر ەحوبانىڭ ۇيىنە ارناپ اكەلىنگەن اقشانى سول جەرگە سالاتىن بولدى+.
10 جاشىككە كوپ اقشا جينالىپ قالعانىن كورسە، پاتشانىڭ حاتشىسى مەن باس ٴدىني قىزمەتكەر كەلىپ، ەحوبانىڭ ۇيىنە ارناپ اكەلىنگەن سول اقشانى جيناپ الىپ، ساناپ شىعاتىن+.
11 سوسىن سانالعان اقشانى ەحوبانىڭ ۇيىندەگى جوندەۋ جۇمىستارىن باسقارۋشىلارعا بەرەتىن. ولار بولسا ەحوبانىڭ ٷيىن جوندەپ جاتقان اعاش ۇستالارى مەن قۇرىلىسشىلاردىڭ+،
12 تاس قالاۋشىلار مەن قاشاۋشىلاردىڭ جالاقىسىن تولەيتىن. سونىمەن قاتار ەحوبانىڭ ٷيىن جوندەۋگە قاجەتتى اعاش، قاشالعان تاس ساتىپ الاتىن جانە جوندەۋ جۇمىستارىنىڭ باسقا دا شىعىنىن جاباتىن.
13 ٴبىراق ەحوبانىڭ ۇيىنە ارناپ اكەلىنگەن سول اقشاعا كۇمىس كەرسەندەر، شام سوندىرگىشتەر، تاباقشالار مەن كەرنەيلەر+، سونداي-اق ەحوبانىڭ ۇيىنە ارنالعان باسقا دا التىن-كۇمىس زاتتار جاساتىلعان جوق+.
14 اقشانىڭ ٴبارى جۇمىسشىلارعا بەرىلەتىن دە، ولار ونى ەحوبانىڭ ٷيىن جوندەۋ جۇمىستارىنا جاراتاتىن.
15 اقشانى جۇمىسشىلارعا ۇلەستىرەتىن ادامداردان ەسەپ تالاپ ەتىلمەيتىن، سەبەبى ولار سەنىمدى ادامدار ەدى+.
16 ال ايىپ+ پەن كۇنانى وتەيتىن قۇرباندىقتار ٷشىن بەرىلەتىن اقشا ەحوبانىڭ ۇيىنە اكەلىنبەيتىن. ولار ٴدىني قىزمەتكەرلەرگە تيەسىلى بولاتىن+.
17 سول كەزدە سيريا پاتشاسى حازاەل+ عاتقا+ قارسى اتتانىپ، ونى جاۋلاپ الدى. بۇدان كەيىن ول يەرۋساليمگە شابۋىل جاساۋدى شەشتى+.
18 ياھۋدا پاتشاسى جوعاس بولسا ياھۋدا ەلىنە پاتشالىق ەتكەن اتا-باباسى جوسافات، جورام جانە احازيانىڭ قاسيەتتى سي-تارتۋ رەتىندە ۇسىنعاندارىنىڭ ٴبارىن، سونداي-اق ٶزى ۇسىنعان قاسيەتتى سي-تارتۋلاردى جانە ەحوبانىڭ ٷيى مەن پاتشا ۇيىندەگى قازىنالاردان تابىلعان بار التىندى الىپ، سيريا پاتشاسى حازاەلگە جولدادى+. سوندا ول يەرۋساليمنەن كەرى شەگىندى.
19 جوعاستىڭ باسقا دا ىستەرى ياھۋدا پاتشالارىنىڭ تاريحى باياندالعان كىتاپتا جازىلعان.
20 جوعاستىڭ قىزمەتشىلەرى وعان قاستاندىق جاساپ+، ونى سيللاعا اپارار جولداعى بەت-ميللودا*+ ٶلتىرىپ كەتتى.
21 ونى شيمات ۇلى جوزاقار، شومەر ۇلى ەحوزاباد دەگەن قىزمەتشىلەرى ولتىرگەن ەدى+. ولار جوعاستىڭ سۇيەگىن ارعى اتاسى ٴداۋىتتىڭ قالاسىنا قويدى. جوعاستىڭ ورنىنا ۇلى امازياح پاتشا بولدى+.
سىلتەمەلەر
^ ەۆرەي ٴسوزىنىڭ ماعىناسى «ٷيىندى ۇيدە».
