پاتشالار 2-جازبا 14:1—29
14 يسرايل پاتشاسى ەحوحاز ۇلى جوعاستىڭ+ بيلىك قۇرۋىنىڭ ەكىنشى جىلى ياھۋدا پاتشاسى جوعاس ۇلى امازياح تاققا وتىردى.
2 پاتشا بولىپ تاعايىندالعاندا، ول 25 جاستا ەدى. امازياح يەرۋساليمدە 29 جىل بيلىك ەتتى. ونىڭ اناسى يەرۋساليمدىك ەحوحادين بولاتىن+.
3 امازياح ەحوبانىڭ الدىندا وعان ۇنامدى ىستەر ىستەدى، ٴبىراق ارعى اتاسى داۋىتتەي بولمادى+. ول بارلىق ىسىندە اكەسى جوعاستى ۇلگى ەتتى+.
4 تەك عيبادات توبەلەرى جويىلمادى+. حالىق سول جەرلەردە قۇرباندىق شالىپ، قۇرباندىق ٴتۇتىنىن تۇتەتە بەردى+.
5 پاتشالىق بيلىگى بەرىك ورنىققاننان كەيىن، امازياح اكەسى جوعاستى ولتىرگەن قىزمەتشىلەرىنىڭ+ كوزىن قۇرتتى.
6 ٴبىراق ول مۇسا زاڭىنداعى ەحوبانىڭ وسيەتىنە ساي، كىسى ولتىرۋشىلەردىڭ بالالارىن ولىمگە كەسپەدى. وندا بىلاي دەلىنگەن ەدى: «بالالارى ٷشىن اكەلەرى، اكەلەرى ٷشىن بالالارى ولىمگە كەسىلمەسىن. اركىم ٶز كۇناسى ٷشىن عانا ولىمگە كەسىلسىن»+.
7 امازياح تۇزدى اڭعاردا+ 10000 ادامدى قىرىپ سالىپ، ەدومدىقتاردى+ جەڭدى. پاتشا سول شايقاستا سەلا قالاسىن جاۋلاپ الدى+. قالاعا ەكتەحەل دەگەن ات بەرىلدى، ول كۇنى بۇگىنگە دەيىن سولاي اتالادى.
8 بۇدان كەيىن امازياح يسرايل پاتشاسى يقۋدىڭ نەمەرەسى ەحوحاز ۇلى جوعاسقا حابارشىلار جىبەرىپ: «شىق، ەكەۋمىز بەتپە-بەت سوعىسايىق!»— دەدى+.
9 ال يسرايل پاتشاسى جوعاس ياھۋدا پاتشاسى امازياحقا مىناداي حابار جولدادى: «ليۆانداعى تىكەندى بۇتا ليۆان قاراعايىنا «قىزىڭدى مەنىڭ ۇلىما ايەلدىككە بەر!» دەگەن حابار جىبەرىپتى. ٴبىراق ليۆانداعى جابايى اڭداردىڭ ٴبىرى ٶتىپ بارا جاتىپ، تىكەندى بۇتانى تاپتاپ كەتىپتى.
10 شىنىمەن-اق ەدومدى جەڭگەن ەكەنسىڭ+، ەندى سودان كوكىرەگىڭە نان ٴپىسىپ وتىر. سول داڭقىڭا ماسايراپ ٶز ۇيىڭدە وتىرا بەر. الىڭە قاراماي، نەسىنە الەك بولاسىڭ!؟ ايتپەسە ٶزىڭدى دە، ەلىڭدى دە پالەگە دۋشار ەتەسىڭ!»
11 ٴبىراق امازياح تىڭدامادى+.
سودان يسرايل پاتشاسى جوعاس ياھۋدا ەلىنە اتتاندى. ول ياھۋدا پاتشاسى امازياحپەن ياھۋدا جەرىندەگى بەت-شاميش قالاسىندا+ كەزدەسىپ، سول جەردە شايقاستى+.
12 ٴبىراق ياھۋدا اسكەرى يسرايلدەن جەڭىلىپ قالىپ، ٵرقايسىسى ٷيدى-ۇيىنە قاشىپ كەتتى.
13 يسرايل پاتشاسى جوعاس ياھۋدا پاتشاسى احازيانىڭ نەمەرەسى جوعاس ۇلى امازياحتى بەت-شاميشتە تۇتقىنداپ، يەرۋساليمگە اكەلدى. جوعاس يەرۋساليم قابىرعاسىن ەفرەم قاقپاسىنان+ بۇرىش قاقپاسىنا+ دەيىن تالقاندادى. بۇل ارالىقتىڭ ۇزىندىعى 400 شىنتاق* بولاتىن.
14 سونداي-اق جوعاس ەحوبانىڭ ٷيى مەن پاتشا سارايىنىڭ قازىنالارىنان تابىلعان بار التىن-كۇمىستى جانە بۇيىم اتاۋلىنىڭ ٴبارىن تالان-تاراج ەتتى. بۇعان قوسا، كەپىلگە ادامدار الدى. سوسىن سامارياعا قايتىپ كەتتى.
15 جوعاستىڭ باسقا دا ىستەرى مەن قۇدىرەتى جانە ياھۋدا پاتشاسى امازياحپەن قالاي سوعىسقانى تۋرالى يسرايل پاتشالارىنىڭ تاريحى باياندالعان كىتاپتا جازىلعان.
16 اقىرىندا جوعاس اتا-بابالارىنا قوسىلدى دا، سۇيەگى يسرايل پاتشالارىنىڭ قاسىنا، سامارياعا قويىلدى+. ال ورنىنا ۇلى ەروبوعام*+ تاققا وتىردى.
17 ياھۋدا پاتشاسى جوعاس ۇلى امازياح+ يسرايل پاتشاسى ەحوحاز ۇلى جوعاس+ ولگەن سوڭ، تاعى 15 جىل ٶمىر ٴسۇردى+.
18 امازياحتىڭ باسقا دا ىستەرى ياھۋدا پاتشالارىنىڭ تاريحى باياندالعان كىتاپتا جازىلعان.
19 كەيىنىرەك امازياحقا قارسى قاستاندىق ۇيىمداستىرىلىپ+، ول لاحيشكە قاشىپ كەتتى. ٴبىراق لاحيشكە ونىڭ ارتىنان ادامدار جىبەرىلىپ، پاتشا سول جەردە ٶلتىرىلدى.
20 ونىڭ ٴمايىتى اتتارمەن يەرۋساليمگە اكەلىنىپ، ٴداۋىتتىڭ قالاسىنداعى+ اتا-بابالارىنىڭ قابىرىنە قويىلدى.
21 سوندا بۇكىل ياھۋدا حالقى 16 جاسار+ ازارياحتى*+ الىپ، اكەسى امازياحتىڭ ورنىنا پاتشا ەتىپ قويدى+.
22 پاتشا* اتا-بابالارىنا قوسىلعان سوڭ، ازارياح ەلاتتى+ قايتا سوعىپ، ياھۋداعا قايتا قوسىپ الدى+.
23 ياھۋدا پاتشاسى جوعاس ۇلى امازياحتىڭ بيلىك قۇرۋىنىڭ ون بەسىنشى جىلى يسرايل پاتشاسى جوعاس ۇلى ەروبوعام+ ساماريادا يسرايل تاعىنا وتىرىپ، 41 جىل بيلىك ەتتى.
24 ول ەحوبانىڭ الدىندا ۇنامسىز ىستەر جاساپ، يسرايلدى كۇناعا باتىرعان نابات ۇلى ەروبوعامنىڭ كۇنالارىنان ايىرىلمادى+.
25 ەروبوعام لەبو-حاماتتان+ باستاپ اراباداعى تەڭىزگە*+ دەيىن يسرايل شەگاراسىن قالپىنا كەلتىردى. بۇل يسرايل قۇدايى ەحوبانىڭ ٶز قىزمەتشىسى عات-كەفەرلىك+ پايعامبار ٵميتاي ۇلى ٴجۇنىس+ ارقىلى ايتقان سوزىنە ساي وسىلاي بولدى.
26 ويتكەنى ەحوبا يسرايل ەلىنىڭ باسىنا تۇسكەن زور قاسىرەتتى كوردى+. ەلدە يسرايلگە كومەكتەسەتىن ەشكىم قالمادى، ٴتىپتى بەيشارا نە ٵلسىز ادام دا قالمادى.
27 الايدا ەحوبا يسرايلدىڭ ەسىمى جەر بەتىنەن قۇرىپ كەتپەيدى دەپ ۋادە ەتكەن ەدى+. سوندىقتان ول جوعاس ۇلى ەروبوعام ارقىلى يسرايلدى قۇتقاردى+.
28 ەروبوعامنىڭ باسقا دا ىستەرى مەن قۇدىرەتى، سونداي-اق ونىڭ قالاي سوعىسقانى، داماسك+ پەن حاماتتى+ ياھۋدا مەن يسرايلگە قالاي قايتارعانى تۋرالى يسرايل پاتشالارىنىڭ تاريحى باياندالعان كىتاپتا جازىلعان.
29 اقىرىندا ەروبوعام اتا-بابالارى يسرايل پاتشالارىنا قوسىلدى. ال ورنىنا ۇلى زاكاريا+ تاققا وتىردى.
سىلتەمەلەر
^ شامامەن 178 مەتر B14 قوسىمشاسىن قاراڭىز.
^ ياعني II ەروبوعام.
^ ماعىناسى «ەحوبا كومەكتەستى». ول كەلەسى تارماقتاردا ۇزياح دەپ اتالادى: پ2ج 15:13؛ ش2ج 26:1—23؛ يش 6:1؛ زاك 14:5.
^ ياعني اكەسى امازياح.
^ ياعني تۇزدى تەڭىز نە ٶلى تەڭىز.