پاتشالار 2-جازبا 15:1—38
15 يسرايل پاتشاسى ەروبوعامنىڭ* بيلىك قۇرۋىنىڭ جيىرما جەتىنشى جىلى ياھۋدا پاتشاسى امازياح+ ۇلى ازارياح*+ پاتشا تاعىنا وتىردى+.
2 ول 16 جاسىندا پاتشا بولىپ، يەرۋساليمدە 52 جىل بيلىك ەتتى. ونىڭ اناسى يەرۋساليمدىك ەحوليا ەدى.
3 ول اكەسى امازياح سياقتى، ەحوبانىڭ الدىندا ۇنامدى ىستەر ىستەپ ٴجۇردى+.
4 تەك عيبادات توبەلەرى جويىلمادى+. حالىق سول جەرلەردە قۇرباندىق شالىپ، قۇرباندىق ٴتۇتىنىن تۇتەتە بەردى+.
5 ەحوبا پاتشانى الاپەس اۋرۋىنا شالدىقتىردى+. وسىلاي ول ٶمىرىنىڭ سوڭىنا دەيىن اۋرۋىنان ايىقپاي، بولەك ۇيدە تۇردى+. ال بۇل ۋاقىتتا پاتشا ۇلى جوتام+ سارايداعى ىستەردى باسقارىپ، حالىققا تورەلىك ەتتى+.
6 ازارياحتىڭ باسقا دا ىستەرى+ ياھۋدا پاتشالارىنىڭ تاريحى باياندالعان كىتاپتا جازىلعان.
7 اقىرىندا ازارياح اتا-بابالارىنا قوسىلدى دا+، سۇيەگى ٴداۋىتتىڭ قالاسىنا، اتا-بابالارىمەن بىرگە قويىلدى. ال ورنىنا ۇلى جوتام تاققا وتىردى.
8 ياھۋدا پاتشاسى ازارياحتىڭ+ بيلىك قۇرۋىنىڭ وتىز سەگىزىنشى جىلى ەروبوعام ۇلى زاكاريا+ ساماريادا پاتشا بولىپ، يسرايل ەلىنە 6 اي بيلىك ەتتى.
9 ول اتا-بابالارى سياقتى، ەحوبانىڭ الدىندا ۇنامسىز ىستەر ىستەدى جانە يسرايلدى كۇناعا باتىرعان نابات ۇلى ەروبوعامنىڭ كۇنالارىنان ايىرىلمادى+.
10 اقىرىندا يابەس ۇلى شالۋم قاستاندىق ويلاستىرىپ، يبلەعامدا+ ونى ٶلتىردى دە+، ورنىنا ٶزى پاتشا بولىپ الدى.
11 زاكاريانىڭ باسقا دا ىستەرى يسرايل پاتشالارىنىڭ تاريحى باياندالعان كىتاپتا جازىلعان.
12 وسىلايشا ەحوبانىڭ يقۋعا ايتقان «وزىڭنەن كەيىنگى ٴتورت ۇرپاعىڭ+ يسرايل تاعىنا وتىرادى» دەگەن سوزدەرى ورىندالدى+. ٴبارى دە سول ايتىلعان سوزدەرگە ساي بولدى.
13 يابەس ۇلى شالۋم ياھۋدا پاتشاسى ۇزياحتىڭ+ بيلىك قۇرۋىنىڭ وتىز توعىزىنشى جىلى پاتشا بولدى. ونىڭ ساماريادا بيلىك ەتكەنىنە ٴبىر اي بولعاندا،
14 تيرسا قالاسىنان+ عادي ۇلى مەناحەم كەلدى. ول يابەس ۇلى شالۋمدى+ ٶلتىرىپ، ورنىنا ٶزى پاتشا بولىپ الدى.
15 شالۋمنىڭ باسقا دا ىستەرى جانە ونىڭ ويلاستىرعان قاستاندىعى جايلى يسرايل پاتشالارىنىڭ تاريحى باياندالعان كىتاپتا جازىلعان.
16 بۇدان كەيىن مەناحەم تيرسادان شىعىپ، تيپساق قالاسىن تالقاندادى، ال قالا مەن ايماعىنداعى ادامداردى قىرىپ تاستادى. ويتكەنى ولار وعان قالا قاقپالارىن اشپاعان ەدى. مەناحەم ولاردى قىرىپ سالىپ، جۇكتى ايەلدەردىڭ ىشتەرىن جارىپ ٶلتىردى.
17 ياھۋدا پاتشاسى ازارياحتىڭ بيلىك قۇرۋىنىڭ وتىز توعىزىنشى جىلى عادي ۇلى مەناحەم يسرايلگە پاتشا بولىپ، ساماريادا 10 جىل بيلىك ەتتى.
18 ول ەحوبانىڭ الدىندا ۇنامسىز ىستەر جاساپ، يسرايلدى كۇناعا باتىرعان نابات ۇلى ەروبوعامنىڭ كۇنالارىنان ٶمىرىنىڭ سوڭىنا دەيىن ايىرىلمادى+.
19 اسسيريا پاتشاسى پۋل+ يسرايلگە قارسى اتتاندى. سوندا مەناحەم پۋلعا 1000 تالانت* كۇمىس بەرىپ، ونىڭ قولداۋىمەن ٶز پاتشالىعىن نىعايتپاق بولدى+.
20 مەناحەم بۇل كۇمىستى يسرايلدەگى بەدەلدى ٵرى باي ادامداردان كۇشپەن جيناپ الدى+. پاتشا ولاردىڭ ٵرقايسىسىنان 50 شەكەل* كۇمىستەن جيناپ، اسسيريا پاتشاسىنا بەردى. وسىدان كەيىن اسسيريا پاتشاسى يسرايلدەن كەرى شەگىندى.
21 مەناحەمنىڭ+ باسقا دا ىستەرى يسرايل پاتشالارىنىڭ تاريحى باياندالعان كىتاپتا جازىلعان.
22 اقىرىندا مەناحەم اتا-بابالارىنا قوسىلدى دا، ونىڭ ورنىنا ۇلى پەكاحيا پاتشا تاعىنا وتىردى.
23 ياھۋدا پاتشاسى ازارياحتىڭ بيلىك قۇرۋىنىڭ ەلۋىنشى جىلى مەناحەم ۇلى پەكاحيا ساماريادا پاتشا بولىپ، يسرايل ەلىنە ەكى جىل بيلىك ەتتى.
24 ول ەحوبانىڭ الدىندا ۇنامسىز ىستەر جاساپ، يسرايلدى كۇناعا باتىرعان نابات ۇلى ەروبوعامنىڭ كۇنالارىنان ايىرىلمادى+.
25 پەكاحيانىڭ كومەكشىسى رەمالياح ۇلى پەكاح+ وعان قارسى قاستاندىق ۇيىمداستىردى. ول عالاقاتتىق 50 كىسىمەن بىرگە سامارياداعى پاتشا سارايىنىڭ بەكىنىس مۇناراسىنا كەلدى دە، پاتشانى ارعوب جانە ارياح دەگەن كىسىلەرىمەن بىرگە ٶلتىرىپ تاستادى. بۇدان كەيىن، ٶزى ونىڭ ورنىنا پاتشا بولىپ الدى.
26 پەكاحيانىڭ باسقا دا ىستەرى يسرايل پاتشالارىنىڭ تاريحى باياندالعان كىتاپتا جازىلعان.
27 ياھۋدا پاتشاسى ازارياحتىڭ بيلىك قۇرۋىنىڭ ەلۋ ەكىنشى جىلى رەمالياح ۇلى پەكاح+ ساماريادا پاتشا بولىپ، يسرايل ەلىنە 20 جىل بيلىك ەتتى.
28 ول ەحوبانىڭ الدىندا ۇنامسىز ىستەر جاساپ، يسرايلدى كۇناعا باتىرعان نابات ۇلى ەروبوعامنىڭ كۇنالارىنان ايىرىلمادى+.
29 يسرايل پاتشاسى پەكاحتىڭ تۇسىندا اسسيريا پاتشاسى تيگلاتپالاسار+ ەلگە شابۋىل جاساپ، يون، ابەل-بەت-ماعاق+، يانۇح، كەدەش+، حاسور، عالاقات+، عاليلەيانى جانە بۇكىل نافتاليم جەرىن+ باسىپ الىپ، تۇرعىندارىن اسسيرياعا ايداپ اكەتتى+.
30 اقىرىندا ەلاح ۇلى حوشيا+ رەمالياح ۇلى پەكاحقا قارسى قاستاندىق ويلاستىرىپ، ونى ٶلتىردى دە، ورنىنا ٶزى پاتشا بولدى. بۇل وقيعا ۇزياح ۇلى جوتامنىڭ+ بيلىك قۇرۋىنىڭ جيىرماسىنشى جىلى بولدى.
31 پەكاحتىڭ باسقا دا ىستەرى يسرايل پاتشالارىنىڭ تاريحى باياندالعان كىتاپتا جازىلعان.
32 يسرايل پاتشاسى رەمالياح ۇلى پەكاحتىڭ بيلىك قۇرۋىنىڭ ەكىنشى جىلى ياھۋدا پاتشاسى ۇزياح+ ۇلى جوتام+ پاتشا بولدى.
33 پاتشا تاعىنا وتىرعاندا، ول 25 جاستا ەدى. ول يەرۋساليمدە 16 جىل بيلىك ەتتى. ونىڭ اناسى سادىقتىڭ قىزى ەرۋشا بولاتىن+.
34 جوتام اكەسى ۇزياح سياقتى، ەحوبانىڭ الدىندا ۇنامدى ىستەر ىستەپ ٴجۇردى+.
35 ٴبىراق عيبادات توبەلەرى جويىلمادى. حالىق سول جەرلەردە قۇرباندىق شالىپ، قۇرباندىق ٴتۇتىنىن تۇتەتۋدى جالعاستىرا بەردى+. جوتام پاتشا ەحوبانىڭ ٷيىنىڭ جوعارعى قاقپاسىن سالدى+.
36 ونىڭ باسقا دا ىستەرى ياھۋدا پاتشالارىنىڭ تاريحى باياندالعان كىتاپتا جازىلعان.
37 جوتامنىڭ تۇسىندا ەحوبا سيريا پاتشاسى رەسيندى جانە رەمالياح ۇلى پەكاحتى+ ياھۋداعا شابۋىل جاساتا باستادى+.
38 اقىرىندا جوتام اتا-بابالارىنا قوسىلدى دا، سۇيەگى اتا-بابالارىنىڭ قاسىنا، ارعى اتاسى ٴداۋىتتىڭ قالاسىنا قويىلدى. ونىڭ ورنىنا ۇلى احاز پاتشا تاعىنا وتىردى.
سىلتەمەلەر
^ ياعني II ەروبوعام.
^ ماعىناسى «ەحوبا كومەكتەستى». ول كەلەسى تارماقتاردا ۇزياح دەپ اتالادى: پ2ج 15:13؛ ش2ج 26:1—23؛ يش 6:1؛ زاك 14:5.
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ 1 شەكەل 4.11 گرامعا تەڭ. B14 قوسىمشاسىن قاراڭىز.
