پاتشالار 2-جازبا 16:1—20
16 يسرايل پاتشاسى رەمالياح ۇلى پەكاحتىڭ بيلىك قۇرۋىنىڭ ون جەتىنشى جىلى ياھۋدا پاتشاسى جوتام ۇلى احاز+ تاققا وتىردى.
2 ول 20 جاسىندا پاتشا بولىپ، يەرۋساليمدە 16 جىل بيلىك ەتتى. احاز ارعى اتاسى ٴداۋىت سياقتى بولماي، قۇدايى ەحوبانىڭ الدىندا ۇنامسىز ىستەر ىستەدى+.
3 ول يسرايل پاتشالارىنىڭ جولىمەن ٴجۇردى+. ٴتىپتى يسرايل ەلىنىڭ الدىنان ەحوبا قۋىپ جىبەرگەن باسقا ۇلتتاردىڭ جەركەنىشتى ىستەرىنە ەلىكتەپ+، ٶز ۇلىن قۇرباندىققا شالىپ، ورتەدى+.
4 بۇعان قوسا، پاتشا عيبادات توبەلەرىندە+، قىر باستارى مەن ٵربىر جايقالعان اعاش+ استىندا قۇرباندىق شالىپ، قۇرباندىق ٴتۇتىنىن تۇتەتەتىن.
5 بۇدان كەيىن سيريا پاتشاسى رەسين مەن يسرايل پاتشاسى رەمالياح ۇلى پەكاح يەرۋساليمگە قارسى اتتاندى+. ولار قالانى قورشاۋعا العانمەن، ونى جاۋلاپ الا المادى.
6 سول كەزدە سيريا پاتشاسى رەسين ەلات قالاسىن+ ياھۋدانىڭ قول استىنان تارتىپ الىپ، ەدومعا قايتاردى. ال قالاداعى ياھۋديلەردى قۋىپ جىبەردى. ەلاتقا ەدومدىقتار قونىستانىپ، كۇنى بۇگىنگە دەيىن سوندا تۇرادى.
7 احاز اسسيريا پاتشاسى تيگلاتپالاسارعا+ حابارشىلار جىبەرىپ: «مەن ٴسىزدىڭ قىزمەتشىڭىز ٵرى ۇلىڭىزبىن. كەلىپ، ەلىمە شابۋىل جاساپ جاتقان سيريا پاتشاسى مەن يسرايل پاتشاسىنىڭ قولىنان مەنى قۇتقارا كورىڭىز»،— دەپ ٶتىندى.
8 بۇعان قوسا، احاز ەحوبانىڭ ٷيى مەن پاتشا سارايىنىڭ قازىنالارىنداعى التىن مەن كۇمىستى جيناپ الىپ، اسسيريا پاتشاسىنا پارا بەردى+.
9 سوندا اسسيريا پاتشاسى ونىڭ ٶتىنىشىن ورىنداپ، داماسكىگە اتتاندى دا، قالانى جاۋلاپ الدى. ول قالا تۇرعىندارىن كيرگە جەر اۋداردى+، ال رەسيندى ٶلتىرىپ تاستادى+.
10 بۇدان كەيىن احاز پاتشا تيگلاتپالاسارمەن كەزدەسۋ ٷشىن داماسكىگە باردى. ول داماسكىدەگى قۇرباندىق وشاعىن كوردى دە، ٴدىني قىزمەتكەر ۇرياحقا وشاقتىڭ بەينەسى مەن تولىق جوباسىن جىبەردى+.
11 ٴدىني قىزمەتكەر ۇرياح+ بولسا احاز پاتشانىڭ بارلىق نۇسقاۋلارىن ۇستانا وتىرىپ، قۇرباندىق وشاعىن جاساۋعا كىرىستى+. ول وشاقتى پاتشا داماسكىدەن ورالعانشا ٴبىتىرىپ قويدى.
12 داماسكىدەن ورالعان پاتشا قۇرباندىق وشاعىن كوردى دە، جاقىنداپ كەلىپ، ونىڭ ۇستىندە قۇرباندىقتار ۇسىندى+.
13 پاتشا سول وشاقتىڭ ۇستىندە تۇگەل ورتەلەتىن قۇرباندىقتار مەن استىق تارتۋىنىڭ ٴتۇتىنىن تۇتەتتى. سونداي-اق ۇستىنە سۇيىق تارتۋ قۇيىپ، تاتۋلىق قۇرباندىعىنىڭ قانىن بۇركىدى.
14 ال ەحوبانىڭ ٷيىنىڭ الدىندا تۇرعان، ياعني ٶزى سوقتىرعان وشاق پەن ەحوبانىڭ ٷيىنىڭ اراسىندا تۇرعان، مىس قۇرباندىق وشاعىن+ ورنىنان الىپ، ٶزى جاساتقان وشاقتىڭ سولتۇستىك جاعىنا قويدىردى.
15 مۇنان سوڭ ٴدىني قىزمەتكەر ۇرياحقا+ بىلاي دەپ بۇيىردى: «تاڭەرتەڭگى تۇگەل ورتەلەتىن قۇرباندىق پەن كەشكى استىق تارتۋىنىڭ+ ٴتۇتىنىن، سونداي-اق پاتشانىڭ تۇگەل ورتەلەتىن قۇرباندىعى مەن استىق تارتۋىنىڭ ٴتۇتىنىن وسى ۇلكەن قۇرباندىق وشاعىنىڭ ۇستىندە تۇتەت+. جۇرت ۇسىنعان تۇگەل ورتەلەتىن قۇرباندىقتار مەن استىق جانە سۇيىق تارتۋلار دا سونىڭ ۇستىندە اكەلىنەتىن بولسىن. وشاقتىڭ ۇستىنە تۇگەل ورتەلەتىن قۇرباندىقتار مەن باسقا دا قۇرباندىقتاردىڭ قانى بۇركىلسىن. ال مىس قۇرباندىق وشاعىمەن نە ىستەيتىنىمدى ويلانىپ كورەيىن».
16 ٴدىني قىزمەتكەر ۇرياح احاز پاتشانىڭ بۇيىرعانىن ەكى ەتپەي ورىندادى+.
17 مۇنىمەن قويماي، احاز پاتشا كەبەجە اربالاردىڭ+ قابىرعالارىنداعى تاقتالارىن كەستىرىپ تاستادى، ۇستىندەگى قازانداردى دا الدىردى+. مىس بۇقالاردىڭ ۇستىندە تۇرعان «تەڭىز» دەپ اتالاتىن تايقازاندى+ دا الدىرىپ، تاس ەدەنگە قويدىردى+.
18 سونىمەن قاتار ول كيەلى ۇيدە دەمالىس كۇنى قولدانۋ ٷشىن سالىنعان باستىرمانى جانە ەحوبانىڭ ۇيىنە اپاراتىن پاتشانىڭ سىرتقى كىرەبەرىسىن الدىرىپ تاستادى. مۇنىڭ ٴبارىن احاز اسسيريا پاتشاسىنان قورىققاندىقتان ىستەدى.
19 احازدىڭ باسقا دا ىستەرى ياھۋدا پاتشالارىنىڭ تاريحى باياندالعان كىتاپتا جازىلعان+.
20 اقىرىندا احاز اتا-بابالارىنا قوسىلدى دا، سۇيەگى سولاردىڭ قاسىنا، ٴداۋىتتىڭ قالاسىنداعى قابىرگە قويىلدى. ال ورنىنا ۇلى ەزەكيا*+ تاققا وتىردى.
سىلتەمەلەر
^ ماعىناسى «ەحوبا كۇش بەرەدى».
