پاتشالار 2-جازبا 19:1—37
19 ەزەكيا پاتشا مۇنى ەستي سالا، كيىمىنىڭ ٶڭىرىن ايىرىپ تاستاپ، ۇستىنە ازالى كيىم* كيدى دە، ەحوبانىڭ ۇيىنە كىردى+.
2 بۇدان كەيىن ول ۇستەرىنە ازالى كيىم كيگەن ساراي باسقارۋشىسى ەلياكىمدى، حاتشى شەبنانى جانە قاريا ٴدىني قىزمەتكەرلەردى اموس ۇلى يشاياعا+ جىبەردى.
3 ولار يشاياعا مىناداي حابار اكەلدى: «ەزەكيا مىنانى ايتادى: —بۇل كۇن — ٴبىز ٷشىن ازاپ شەگەتىن، ايىپتالاتىن، ماسقارا بولاتىن كۇن. ويتكەنى بالا انا قۇرساعىنان شىعۋعا دايار تۇر، ٴبىراق تۋۋعا دارمەن جوق+.
4 بالكىم، قۇدايىڭ ەحوبانىڭ قۇلاعىنا اسسيريا پاتشاسى ٴتىرى قۇدايدى مازاق ەتۋگە جىبەرگەن رابشاقتىڭ سوزدەرى+ جەتەر. قۇدايىڭ ەحوبا ٶزى ەستىگەن وسى سوزدەر ٷشىن ونى جاۋاپقا تارتار. سوندىقتان امان قالعان تامتىق ٷشىن دۇعا ەتكەيسىڭ+».
5 ەزەكيا پاتشانىڭ قىزمەتشىلەرى يشاياعا وسىنداي حابار اكەلدى+.
6 سوندا يشايا مىناداي جاۋاپ قاتتى: «تاقسىر يەلەرىڭە ايتىڭدار، ەحوبا بىلاي دەيدى: —ٶزىڭ ەستىگەن اسسيريا پاتشاسىنىڭ مەنى تىلدەۋگە جىبەرگەن قىزمەتشىلەرىنىڭ سوزدەرىنەن+ قورىقپا+!
7 مەن ونىڭ ساناسىنا وي سالامىن دا، ول ٴبىر حابار الىپ، ەلىنە ورالادى. ٶز ەلىندە مەن ونى سەمسەرمەن سۇلاتامىن+».
8 وسى ارالىقتا رابشاق اسسيريا پاتشاسىنىڭ لاحيشتەن اسكەرىنىڭ باسىن بۇرعانىن ەستىپ+، كەرى قايتتى. ول پاتشانى ليبنامەن سوعىسىپ جاتقان جەرىنەن تاپتى+.
9 اسسيريا پاتشاسى ەفيوپيا پاتشاسى تيرگاكتىڭ وزىنە قارسى اتتانعانىن ەستىدى. سوندىقتان ول ەزەكياعا مىناداي حابارمەن قايتادان ەلشىلەرىن جىبەردى+:
10 «ياھۋدا پاتشاسى ەزەكياعا بىلاي دەڭدەر: —ٶزىڭ ارقا سۇيەپ وتىرعان قۇدايىڭ «يەرۋساليم اسسيريا پاتشاسىنىڭ قولىنا بەرىلمەيدى» دەپ سەنى الداماسىن+.
11 اسسيريا پاتشالارىنىڭ نە ىستەگەنىن ەستىدىڭ عوي: ول بارلىق ەلدەردى جويدى+. ەندەشە سەن قالاي امان قالماقسىڭ؟
12 مەنىڭ اتا-بابالارىم قۇرتىپ جىبەرگەن حالىقتاردىڭ قۇدايلارى ولاردى قۇتقارا الدى ما؟ عوزان، حاران+، رەسەف پەن تەل-اسسارداعى ەدەمنىڭ حالقى قايدا قالدى؟
13 حامات پەن ارپادتىڭ پاتشالارى، سەفارايم، حەنا مەن يببا قالالارىنىڭ پاتشالارى قايدا+؟»
14 ەزەكيا ەلشىلەر اكەلگەن حاتتاردى الىپ، وقىپ شىقتى. سوسىن ەحوبانىڭ ۇيىنە بارىپ، ولاردى ەحوبانىڭ الدىنا جايىپ تاستادى دا+،
15 بىلاي دەپ ەحوباعا دۇعا ەتتى+: «ۋا، ەحوبا، كەرۋبتەردىڭ ۇستىندە* وتىرعان يسرايل قۇدايى+! سەن جەر بەتىندەگى كۇللى پاتشالىقتاردىڭ جالعىز شىنايى قۇدايىسىڭ+. كوك پەن جەردى جاراتقان دا ٶزىڭسىڭ.
16 قۇلاق ٴتۇرىپ، ەستي كورشى، ۋا، ەحوبا+! نازارىڭدى سالشى+، قاراي كورشى، ۋا، ەحوبا! سەنناحيريمنىڭ، سەنى، ٴتىرى قۇدايدى، مازاق قىلىپ ايتقان سوزدەرىنىڭ ٴبارىن ەستىشى.
17 ۋا، ەحوبا، راس، اسسيريا پاتشالارى حالىقتاردى قىرىپ، ەلدەرىن قاڭىراتىپ بوس قالدىردى+.
18 ال قۇدايلارىن وتقا تاستادى، ويتكەنى ولار قۇداي ەمەس+، ادام قولىنان شىققان اعاش پەن تاس ەدى+. سوندىقتان دا ولاردى قۇرتىپ جىبەردى.
19 ال ەندى، ۋا، ەحوبا قۇدايىمىز، ٴبىزدى مىنا پاتشانىڭ قولىنان قۇتقارا كورشى. سوندا، ۋا، ەحوبا، جەر بەتىندەگى پاتشالىقتاردىڭ ٴبارى جالعىز سەنىڭ عانا قۇداي ەكەنىڭدى بىلەتىن بولادى+».
20 سوندا اموس ۇلى يشايا ەزەكياعا مىناداي حابار جىبەردى: «يسرايلدىڭ قۇدايى ەحوبا مىنانى ايتادى: —اسسيريا پاتشاسى سەنناحيريم جايلى ماعان ايتقان دۇعاڭدى+ ەستىدىم+.
21 ەحوبا وعان قارسى مىنا سوزدەردى ايتتى:
—سيوننىڭ پاك قىزى سەنى مەنسىنبەي، كۇلكى قىلادى.
يەرۋساليمنىڭ قىزى ساعان قاراپ باسىن شايقايدى.
22 سەن كىمدى مازاقتاپ، كىمگە ٴتىل تيگىزدىڭ+؟
كىمگە داۋسىڭدى كوتەرىپ+،كىمگە پاڭدانا قارادىڭ؟
سەن يسرايلدىڭ كيەلى قۇدايىنا قارسى شىقتىڭ+!
23 حابارشىلارىڭ ارقىلى+ سەن ەحوبانى مازاقتاپ+:—مەن كوپتەگەن سوعىس اربالارىممەناسقار تاۋلارعا شىعامىن، ليۆاننىڭ تۇكپىر-تۇكپىرىنە جەتەمىن.
ونىڭ بيىك قاراعايلارىن، تاڭداۋلى ارشالارىن شاۋىپ تاستايمىن.
تۇكپىرلەرىنە دەيىن جەتەمىن، نۋ ورماندارىنا كىرەمىن.
24 قۇدىقتار قازىپ، بوتەن ەلدىڭ سۋىن ىشەمىن،مىسىردىڭ* بارلىق سالالارىن تابانىممەن باسىپ قۇرعاتامىن،— دەدىڭ.
25 سەن ەستىمەگەن بە ەدىڭ؟ مەن مۇنى بايىرعى زاماندا شەشىپ قويعانمىن+.
ەجەلدەن دايارلاپ قويعانمىن+.
ەندى سونى جۇزەگە اسىرماقپىن+.
سەن بەكىنىستى قالالاردى قاڭىراتىپ بوس قالدىراسىڭ، ۇيىندىلەرگە اينالدىراسىڭ+.
26 ولاردىڭ تۇرعىندارى دارمەنسىز كۇي كەشەدى.بويلارىن ۇرەي بيلەيدى، ماسقارالارى شىعادى.
ولار دالا وسىمدىگى سياقتى، كوك ٴشوپ ىسپەتتى+،شىعىس جەلى كۇيدىرگەن ٷي توبەسىندەگى ٴشوپ ىسپەتتى بولادى.
27 سەنىڭ ٶز ورنىڭدا وتىرعانىڭ، شىققانىڭ دا، كىرگەنىڭ دە ماعان ٴمالىم+،ماعان قاھارىڭ قايناعانىن دا بىلەمىن+.
28 سەبەبى قاھارىڭ قايناپ+، ماعان قارسى ورشەلەنگەنىڭ قۇلاعىما جەتتى+.
سوندىقتان مۇرنىڭا ىلمەك، اۋزىڭا اۋىزدىق سالىپ+،سەنى كەلگەن جولىڭمەن قايتا الىپ بارامىن+.
29 مىناۋ سەن* ٷشىن بەلگى بولادى: وسى جىلى بىلتىر شاشىلىپ قالعان داننەن ٶسىپ شىققان استىقتى جەيسىڭدەر. كەلەر جىلى ٶزى ٶسىپ شىققان استىقتى قورەك ەتەسىڭدەر+. ال ودان كەيىنگى جىلى ەگىن ەگىپ، ونى ورىپ الاسىڭدار، جۇزىمدىكتەر وتىرعىزىپ، جەمىسىن جەيسىڭدەر+.
30 ياھۋدا ۇيىنەن امان قالعاندار، ونىڭ تامتىعى+، تەرەڭ تامىر جايىپ، مول ٶنىم بەرەدى.
31 ويتكەنى يەرۋساليمنەن تامتىق، سيون تاۋىنان امان قالعاندار شىعادى. اسكەرباسى ەحوبا بۇنى قۇلشىنا جۇزەگە اسىرادى+.
32 سوندىقتان اسسيريا پاتشاسى جايلى ەحوبا مىنانى ايتادى+:
—ول مىنا قالاعا كىرمەيدى+،وعان قاراي بىردە-ٴبىر جەبە اتپايدى،قالقان ۇستاپ شابۋىلعا دا شىقپايدى،وعان قارسى ٷيىندى دە جاسامايدى+.
33 قاي جولمەن كەلسە، سول جولمەن قايتادى.ول مىنا قالاعا كىرمەيدى.
مۇنى ايتىپ وتىرعان — ەحوبا.
34 مەن بۇل قالانى ٶز ەسىمىم ٷشىن+ جانە قىزمەتشىم ٴداۋىت ٷشىن+ قورعايمىن+».
35 سول ٴتۇنى-اق ەحوبانىڭ پەرىشتەسى اسسيريا قوسىنا بارىپ، 185000 ادامدى قىرىپ سالدى+. جۇرت تاڭەرتەڭ تۇرعاندا، قىرىلىپ جاتقان ولىكتەردى كوردى+.
36 سوندا اسسيريا پاتشاسى سەنناحيريم كەرى شەگىنىپ، نينەۆياعا+ ورالدى دا، سوندا تۇراقتاپ قالدى+.
37 بىردە ول قۇدايى نيسروحتىڭ عيباداتحاناسىندا ٴمىناجات ەتىپ جاتقاندا، ۇلدارى ادرامەلەح پەن شارەزەر كەلىپ، ونى سەمسەرمەن شاۋىپ ٶلتىردى+. ال وزدەرى باسساۋعالاپ ارارات+ جەرىنە قاشىپ كەتتى. پاتشانىڭ ورنىنا ۇلى اسارحاددون+ تاققا وتىردى.
سىلتەمەلەر
^ تۇسىندىرمەنى قاراڭىز.
^ مۇمكىن: «اراسىندا».
^ نەمەسە «ٴنىلدىڭ».
^ بۇل ەسىمدىك ەزەكياعا نۇسقايدى.
