پاتشالار 2-جازبا 2:1—25
2 ەحوبا ٸلياستى+ قۇيىنمەن كوككە كوتەرىپ اكەتپەك بولعاندا+، ٸلياس پەن ەلىشە+ عىلعالدان+ شىققان بولاتىن.
2 ٸلياس ودان: «وسىندا قالشى، سەبەبى ەحوبا مەنى بەتەلگە جىبەرىپ وتىر»،— دەپ ٶتىندى. ٴبىراق ول: «ٴتىرى قۇداي ەحوبانىڭ جانە ٴسىزدىڭ الدىڭىزدا شىن ايتامىن*، مەن ٴسىزدى تاستامايمىن!»— دەدى. سودان ەكەۋى بەتەلگە+ قاراي ىلديلادى.
3 بەتەلدە پايعامبارلار ۇلدارى* ەلىشەنىڭ الدىنان شىعىپ: «ەحوبا بۇگىن قوجايىنىڭ ٵرى جەتەكشىڭدى الىپ كەتەتىنىن بىلەسىڭ بە؟»+— دەدى. ول بولسا: «ٴيا، بىلەمىن. ۇندەمەڭدەر!»— دەپ جاۋاپ بەردى.
4 ٸلياس ەلىشەدەن: «ەلىشە، وسىندا قالشى، سەبەبى ەحوبا مەنى يەريحونعا+ جىبەرىپ وتىر»،— دەپ ٶتىندى. ٴبىراق ول: «ٴتىرى قۇداي ەحوبانىڭ جانە ٴسىزدىڭ الدىڭىزدا شىن ايتامىن*، مەن ٴسىزدى تاستامايمىن!»— دەدى. سودان ەكەۋى يەريحونعا كەلدى.
5 يەريحوندا پايعامبارلار ۇلدارى ەلىشەگە كەلىپ: «ەحوبا بۇگىن قوجايىنىڭ ٵرى جەتەكشىڭدى الىپ كەتەتىنىن بىلەسىڭ بە؟»— دەدى. ول بولسا: «ٴيا، بىلەمىن. ۇندەمەڭدەر!»— دەپ جاۋاپ بەردى.
6 ٸلياس تاعى دا ودان: «وسىندا قالشى، سەبەبى ەحوبا مەنى يوردانعا جىبەرىپ وتىر»،— دەپ ٶتىندى. ٴبىراق ول: «ٴتىرى قۇداي ەحوبانىڭ جانە ٴسىزدىڭ الدىڭىزدا شىن ايتامىن*، مەن ٴسىزدى تاستامايمىن!»— دەدى. سودان ەكەۋى يوردانعا قاراي بەتتەدى.
7 يورداننىڭ بويىندا تۇرعاندارىندا، پايعامبارلار ۇلدارىنىڭ ەلۋى كەلىپ، الىسىراق جەردەن قاراپ تۇردى.
8 سول كەزدە ٸلياس شاپانىن+ شەشىپ، ورادى دا، سۋدىڭ بەتىن ۇرىپ قالىپ ەدى، سۋ قاق ايىرىلدى. ٴسۇيتىپ، ەكەۋى قۇرعاعان وزەن ارناسىمەن ارعى بەتكە ٶتتى+.
9 ولار ارنانىڭ ارعى بەتىنە جەتكەندە، ٸلياس ەلىشەگە: «قاسىڭنان اكەتىلمەي تۇرعانىمدا ايت، مەنەن نە تىلەيسىڭ؟»— دەدى. بۇعان ەلىشە: «ەنشىمە سىزدەگى رۋحتان+ ەكى ەسە بەرىلسە ەكەن+»،— دەپ جاۋاپ بەردى.
10 بۇعان ول: «ٶتىنىشىڭ قيىن ەكەن. ەگەر قاسىڭنان اكەتىلگەنىمدى كورسەڭ، ٶتىنىشىڭ ورىندالادى. ال كورمەسەڭ، ورىندالمايدى»،— دەدى.
11 وسىلاي ەكەۋى اڭگىمەلەسىپ بارا جاتقاندا، كەنەت وت بولىپ جالىنداعان اتتى اربا+ ارالارىنان وتە شىعىپ، ەكەۋىن اجىراتىپ جىبەردى. ال ٸلياس قۇيىننىڭ ىشىندە كوككە كوتەرىلىپ كەتتى+.
12 بۇنى كورگەن ەلىشە: «اكەم-اۋ، اكەم! يسرايلدىڭ ارباسى، ونىڭ سالت اتتىلارى!»— دەپ ايعايلادى+. ٸلياس كوزىنەن عايىپ بولعاندا، ول ۇستىندەگى كيىمىن ۇستاي الىپ، ايىرىپ جىبەردى+.
13 بۇدان كەيىن ٸلياستىڭ جەرگە ٴتۇسىپ قالعان شاپانىن+ الدى دا، كەرى قايتىپ، يورداننىڭ جاعاسىنا كەلدى.
14 سوسىن قولىنداعى ٸلياستىڭ شاپانىمەن سۋدى ۇرىپ: «ٸلياستىڭ قۇدايى ەحوبا قايدا؟»— دەدى. ەلىشە سۋ بەتىن ۇرىپ قالعاندا، سۋ قاق ايىرىلدى دا، ول وزەننىڭ ارعى بەتىنە ٶتتى+.
15 يەريحونداعى پايعامبارلار ۇلدارى اناداي جەردەن ەلىشەنى كورگەندە: «ٸلياستىڭ رۋحى ەلىشەگە قونىپتى!»+— دەستى. سوسىن ونىڭ الدىنان شىعىپ، جەرگە دەيىن ٴيىلىپ تاعزىم ەتتى.
16 ولار ەلىشەگە: «قىزمەتشىلەرىڭىزدىڭ قاسىندا 50 مىقتى كىسى بار. سولار بارىپ، قوجايىنىڭىزدى ىزدەپ كەلسىنشى. ونى ەحوبانىڭ رۋحى* كوتەرىپ الىپ، تاۋلاردىڭ نە اڭعارلاردىڭ بىرىنە تاستاپ كەتكەن بولار»،— دەدى+. ٴبىراق ول: «قاجەت ەمەس، بارماسىن»،— دەپ جاۋاپ بەردى.
17 ٴبىراق ولار قادالىپ سۇراپ قويماعاندىقتان، ەلىشە ٶزىن ىڭعايسىز سەزىنىپ: «جارايدى، بارسىن»،— دەدى. پايعامبارلار ۇلدارى الگى 50 كىسىنى جىبەردى دە، ولار ٸلياستى ٷش كۇن بويى ىزدەپ، تابا المادى.
18 ولار يەريحوندا+ قالعان ەلىشەگە قايتا ورالعاندا، ول: «سەندەرگە بارماڭدار دەگەن ەدىم عوي!»— دەدى.
19 ٴبىراز ۋاقىت وتكەن سوڭ قالا تۇرعىندارى ەلىشەگە بىلاي دەدى: «مىرزا، قالانىڭ تۇرعان ورنى جاقسى ەكەنىن ٶزىڭىز دە بىلەسىز+. ٴبىراق سۋى ناشار، سوندىقتان جەرى قۇنارسىز*».
20 سوندا ول: «ماعان ٴبىر جاڭا تاباقشاعا تۇز سالىپ اكەلىڭدەر»،— دەدى. ولار اكەلىپ بەردى.
21 سوسىن ول سۋ كوزىنە بارىپ، وعان تاباقشاداعى تۇزدى تاستاپ+، بىلاي دەدى: «ەحوبا مىنانى ايتادى: —مەن مىنا سۋدى تازارتتىم. بۇدان بىلاي ول ولىمگە دە ۇشىراتپايدى، جەردى قۇنارسىز دا ەتپەيدى*».
22 ەلىشەنىڭ ايتقان سوزىنە ساي، سول سۋ كوزى كۇنى بۇگىنگە دەيىن تازا.
23 سول جەردەن ول بەتەلگە قاراي ورلەدى. جول بويىندا كەلە جاتقانىندا، قالادان ٴبىراز جاسوسپىرىم بالالار شىعىپ، ونى: «ەي، تاقىر باس، كوتەرىلە بەر! كوتەرىل، ەي، تاقىر باس!»— دەپ مازاق ەتە باستادى+.
24 اقىرىندا ول كەرى بۇرىلىپ، قارادى دا، ەحوبانىڭ اتىمەن ولارعا قارعىس ايتتى. سوندا توعايدان ەكى ۇرعاشى ايۋ+ شىعا كەلىپ، 42 بالانى تالاپ تاستادى+.
25 ەلىشە بولسا ساپارىن جالعاستىرىپ، كارميل تاۋىنا+ باردى، سوسىن سامارياعا قايتا ورالدى.
سىلتەمەلەر
^ نەمەسە «ەحوبانىڭ ٴتىرى ەكەنىندەي جانە ٴسىزدىڭ ٴتىرى ەكەنىڭىزدەي حاق ٴسوزىم».
^ «پايعامبارلار ۇلدارى» دەگەن تىركەس پايعامبارلارعا نۇسقاۋ بەرىلەتىن مەكتەپكە نە پايعامبارلار قاۋىمداستىعىنا نۇسقاسا كەرەك.
^ نەمەسە «ەحوبانىڭ ٴتىرى ەكەنىندەي جانە ٴسىزدىڭ ٴتىرى ەكەنىڭىزدەي حاق ٴسوزىم».
^ نەمەسە «ەحوبانىڭ ٴتىرى ەكەنىندەي جانە ٴسىزدىڭ ٴتىرى ەكەنىڭىزدەي حاق ٴسوزىم».
^ نەمەسە «جەلى».
^ مۇمكىن: «سوندىقتان تۇسىك تاستاتادى».
^ مۇمكىن: «تۇسىك تە تاستاتپايدى».