پاتشالار 2-جازبا 24:1—20
24 ەحوياكىمنىڭ تۇسىندا بابىل پاتشاسى ناۆۋحودونوسور+ ياھۋدا ەلىنە قارسى اتتاندى. سودان ەحوياكىم وعان ٷش جىل بويى باعىنىشتى بولدى. ٴبىراق كەيىن ناۆۋحودونوسورعا قارسى باس كوتەردى.
2 ەحوبا ەحوياكىمگە قارسى حالدەي+، سيريا، مواب جانە امموندىقتاردىڭ شاپقىنشىلارىن جىبەرە باستادى. ەحوبا ولاردى ٶزىنىڭ پايعامبارلارى ارقىلى ايتقان ٴسوزىن جۇزەگە اسىرىپ، ياھۋدا ەلىن قۇرتۋ ٷشىن جىبەرىپ وتىردى+.
3 ٴيا، ياھۋدا ەلى وسىنداي پالەگە ەحوبانىڭ شەشىمى بويىنشا ۇشىرادى. ويتكەنى ول ماناسانىڭ جاساعان بار كۇناسى ٷشىن+ ياھۋدالىقتاردى كوز الدىنان قۇرتىپ جىبەرۋدى ۇيعارعان ەدى+.
4 بۇعان ماناسانىڭ جازىقسىز ادامداردىڭ قانىن توگىپ+، يەرۋساليمدى جازىقسىز توگىلگەن قانعا تولتىرعانى دا سەبەپ بولدى. ەحوبا مۇنى كەشىرگىسى كەلمەدى+.
5 ەحوياكىمنىڭ باسقا دا ىستەرى ياھۋدا پاتشالارىنىڭ تاريحى باياندالعان كىتاپتا جازىلعان+.
6 اقىرىندا ەحوياكىم اتا-بابالارىنا قوسىلدى دا+، ورنىنا ۇلى ەحونيا پاتشا بولدى.
7 بۇدان بىلاي مىسىر پاتشاسى ٶز ەلىنەن جورىققا اسكەر اتتاندىرمايتىن بولدى. ويتكەنى بابىل پاتشاسى ونىڭ بۇكىل جەرىن، مىسىر وزەن اڭعارىنان+ ەۆفرات وزەنىنە دەيىن+، تارتىپ العان ەدى+.
8 ەحونيا+ 18 جاسىندا پاتشا بولىپ، يەرۋساليمدە ٷش اي بيلىك ەتتى+. ونىڭ اناسى يەرۋساليمدىك ەلناتاننىڭ قىزى نەحۋشتا ەدى.
9 ەحونيا اكەسى ىسپەتتى، ەحوبانىڭ الدىندا ۇنامسىز ىستەر ىستەدى.
10 سول كەزدەرى بابىل پاتشاسى ناۆۋحودونوسور يەرۋساليمگە قارسى اتتانىپ، قالا قورشاۋدا قالدى+.
11 قىزمەتشىلەرى يەرۋساليمدى قورشاۋعا الىپ جاتقاندا، بابىل پاتشاسى ناۆۋحودونوسوردىڭ ٶزى دە كەلدى.
12 سوندا ياھۋدا پاتشاسى ەحونيا شەشەسىمەن، قىزمەتشىلەرى، بەكزادالارى، سونداي-اق ساراي قىزمەتكەرلەرىمەن بىرگە بابىل پاتشاسىنىڭ الدىنان شىقتى+. سوندا بابىل پاتشاسى بيلىك قۇرۋىنىڭ سەگىزىنشى جىلى ونى تۇتقىنعا الدى+.
13 ەحوبا الدىن الا ايتقانداي، ناۆۋحودونوسور ەحوبانىڭ ٷيى مەن پاتشا سارايىنداعى بار قازىنانى الىپ كەتتى+. ول ەحوبانىڭ عيباداتحاناسىنا ارناپ يسرايل پاتشاسى سۇلەيمەن جاساعان التىن بۇيىمداردىڭ ٴبارىن بۇزىپ تاستادى+.
14 ال يەرۋساليمنىڭ بارلىق تۇرعىندارىن، بارلىق بەكزادالارىن+، مايتالمان ساربازدارىن جانە بارلىق شەبەرلەرى مەن تەمىر ۇستالارىن* تۇتقىنعا اكەتتى+. باس-اياعى 10000 ادام تۇتقىنعا اكەتىلدى. قالادا ەڭ كەدەي دەگەن ادامداردى عانا قالدىردى+.
15 ناۆۋحودونوسور ەحونيانىڭ+ ٶزىن دە بابىلعا اكەتتى+. ونىمەن قوسا، پاتشانىڭ شەشەسىن، ايەلدەرىن، ساراي قىزمەتكەرلەرى مەن ەلدىڭ بەدەلدى كىسىلەرىن دە يەرۋساليمنەن بابىلعا جەر اۋداردى.
16 بابىل پاتشاسى ەلدەگى كۇللى ساربازداردى، 7000 ادامدى، 1000 شەبەر مەن تەمىر ۇستاسىن* جانە سوعىسۋدى ۇيرەنگەن ٵرى مىقتى جىگىتتەردىڭ ٴبارىن بابىلعا ايداپ اكەتتى.
17 ال ەحونيانىڭ ورنىنا ونىڭ اكەسىنىڭ ٸنىسى ماتانياحتى+ پاتشا ەتىپ قويدى دا، ونىڭ ەسىمىن سەدەكيا+ دەپ وزگەرتتى.
18 سەدەكيا 21 جاسىندا پاتشا بولىپ، يەرۋساليمدە 11 جىل بيلىك ەتتى. ونىڭ اناسى ليبنالىق ەرەميانىڭ قىزى حامۋتال ەدى+.
19 سەدەكيا ەحوياكىم ىسپەتتى، ەحوبانىڭ الدىندا ۇنامسىز ىستەر ىستەدى+.
20 ەحوبا قاتتى قاھارلانعاندىقتان يەرۋساليم مەن ياھۋدانى وسىنداي پالەگە دۋشار ەتىپ، اقىرىندا ٶزىنىڭ الدىنان الاستاتتى+. سەدەكيا بولسا بابىل پاتشاسىنا قارسى باس كوتەردى+.