پەتىردىڭ 1-حاتى 3:1—22
3 سول سياقتى، سەندەر، ايەلدەر، كۇيەۋلەرىڭە باعىنىڭدار+. وسىلايشا قۇداي سوزىنە مويىنسۇنبايتىن كۇيەۋلەرىڭ سوزدەرىڭ ارقىلى ەمەس، ٴجۇرىس-تۇرىستارىڭ ارقىلى وعان مويىنسۇناتىن بولسىن+.
2 ولار تازا ٴجۇرىس-تۇرىستارىڭدى+ ٵرى وزدەرىن بارىنشا قۇرمەتتەيتىندەرىڭدى كورگەندە، وسىلاي بولماق.
3 سەندەردىڭ كورىكتەرىڭ شاش ٶرۋ، التىن بۇيىمدار+ نە قىمبات كيىمدەر سياقتى سىرتقى اشەكەيلەر ەمەس،
4 قايتا، جان-دۇنيەلەرىڭدەگى ٴسانى كەتپەس اشەكەيلەر*، ياعني قۇدايدىڭ كوز الدىندا اسا باعالى سانالاتىن بيازى دا جۇمساق مىنەزدەرىڭ* بولسىن+!
5 ەجەلدە قۇدايعا ٷمىت ارتقان قاسيەتتى ايەلدەر دە كۇيەۋلەرىنە باعىنىپ، وزدەرىن وسىلاي كوركەيتەتىن.
6 مىسالى، سارا ىبىرايىمدى «قوجايىنىم» دەپ اتاپ، وعان مويىنسۇنعان+. ەگەر جاقسىلىق جاساۋدان تالماساڭدار ٵرى ەشقانداي قورقىنىشقا بوي الدىرماساڭدار+، ونىڭ بالالارى بولاسىڭدار.
7 سول سياقتى، كۇيەۋلەر، ايەلدەرىڭە العان بىلىمدەرىڭە ساي قاراپ*، بىرگە ٶمىر كەشە بەرىڭدەر. قۇدايدىڭ راقىمىنىڭ ارقاسىندا سەندەر دە سولارمەن بىرگە ٶمىردى مۇرا ەتەتىندىكتەن+، ولارعا الدەقايدا نازىك قۇتى — ايەل زاتى — رەتىندە قۇرمەت كورسەتىڭدەر+. سوندا دۇعالارىڭا توسقاۋىل بولمايدى.
8 قورىتا ايتقاندا، ٴبارىڭ دە پىكىرلەس+، قايعىعا ورتاقتاس، باۋىرلاستاردى سۇيەتىن، مەيلىنشە جاناشىر+، كىشىپەيىل بولىڭدار+.
9 جاماندىققا جاماندىقپەن قايتارماڭدار+، ٴتىل تيگىزگەندەردى عايباتتاماڭدار+، قايتا، اق باتامەن جاۋاپ بەرىڭدەر+. ويتكەنى سەندەر باتاعا يە بولۋ ٷشىن، وسىعان شاقىرىلدىڭدار.
10 «ٶمىردى جاقسى كورىپ، باقىتتى عۇمىر كەشكىسى كەلەتىن ادام تىلىنەن جاماندىق+، اۋزىنان وتىرىك شىقپاۋىن قاداعالاسىن؛
11 جاماندىقتان قاشىق+، جاقسىلىققا اسىق بولسىن+؛ تاتۋلىقتى ىزدەپ، سوعان ۇمتىلسىن+.
12 سەبەبى ەحوبانىڭ كوزى ادىلدەردە، قۇلاعى ولاردىڭ جالبارىنعان ۇنىندە+، ال جاماندىق جاسايتىنداردان ەحوبا ٴجۇزىن تەرىس بۇرادى+».
13 جاقسىلىق جاساۋعا ىنتالى بولساڭدار، كىم سەندەرگە زياندىق جاسار دەيسىڭدەر+؟
14 ال سەندەر ادىلدىك ٷشىن قاسىرەت شەكسەڭدەر دە، باقىتتىسىڭدار+. ٴبىراق ولار قورقاتىن نارسەدەن* قورىقپاڭدار دا، ابىرجىماڭدار دا+.
15 قايتا، جۇرەكتەرىڭدە ٴماسىحتى يەمىز دەپ قاستەرلەڭدەر. ۇمىتتەرىڭدى ٴتۇسىندىرىپ بەرۋدى تالاپ ەتكەن كەز كەلگەن ادامنىڭ الدىندا ونى قورعاپ سويلەۋگە ٵردايىم دايىن بولىڭدار، ٴبىراق مۇنى جۇمساقتىقپەن+ ٵرى زور قۇرمەتپەن ىستەڭدەر+.
16 ار-ۇجداندارىڭدى تازا ساقتاڭدار+، سوندا سەندەردى جاماندايتىندار ٴماسىح جولىنداعى جاقسى ٴجۇرىس-تۇرىستارىڭدى+ كورىپ ۇيالاتىن بولسىن+.
17 ەگەر سەندەردىڭ جاقسىلىق جاساي تۇرا، جاپا شەككەندەرىڭ+ قۇدايدىڭ قالاۋى بولسا، بۇل جاماندىق جاساپ، جاپا شەككەننەن الدەقايدا جاقسى+.
18 ويتكەنى ٴماسىح تە ٵدىل بولا تۇرا، ادىلەتسىزدەر ٷشىن ٴبىر رەت ٶلىپ+، ولاردى كۇنالارىنان ارىلتتى+. مۇنى ول سەندەردى قۇدايعا اكەلۋ ٷشىن ىستەدى+. ول تانىندە ٶلتىرىلىپ+، رۋحاني دەنەمەن ٴتىرىلدى+.
19 سوسىن كوككە باردى جانە قاپاستاعى رۋحتارعا ۋاعىزدادى+.
20 بۇلار كەزىندە قۇدايعا مويىنسۇنباعان رۋحتار. قۇداي نۇح پايعامباردىڭ زامانىندا+ كەمە* سوعىلعانشا+ شىدامدىلىقپەن كۇتكەن ەدى. سول كەمەگە كىرگەن ازعانا ادام، سەگىز جان، توپان سۋدان امان قالعان بولاتىن+.
21 بۇل جايت — قازىر سەندەردى يسا ٴماسىحتىڭ قايتا ٴتىرىلۋى ارقىلى قۇتقارىپ جاتقان نارسەنىڭ، ياعني شومىلدىرۋ ٴراسىمىنىڭ* (دەنەنى كىردەن تازارتۋدىڭ ەمەس، قۇدايدان تازا ار-ۇجدان سۇراۋدىڭ+) بەلگىسى.
22 ٴماسىح كوككە كوتەرىلىپ، قۇدايدىڭ وڭ جاعىنا وتىردى+. قۇداي وعان پەرىشتەلەردى، بيلەۋشىلەر مەن كۇش اتاۋلىنى باعىندىرىپ بەردى+.
سىلتەمەلەر
^ نەمەسە «جۇرەكتەرىڭدەگى جاسىرىن بولمىستارىڭنىڭ شىرىمەس اشەكەيلەرى».
^ سوزبە-ٴسوز «رۋحتارىڭ».
^ نەمەسە «سەزىمدەرىن ەسكەرىپ؛ تۇسىنىكپەن قاراپ».
^ مۇمكىن: «ولاردىڭ قوقان-لوقىسىنان».
^ بۇل كەمە جاشىك ٴپىشىندى بولعان.
^ تۇسىندىرمەنى قاراڭىز.
