ۋاعىزداۋشى 3:1—22
3 ٵر نارسەنىڭ ٶز ۋاقىتى بار،اسپان استىنداعى ٵربىر ٸستىڭ ٶز ۋاقىتى بار:
2 تۋىلاتىن ۋاقىت، ولەتىن ۋاقىت،ەگەتىن ۋاقىت، ەگىلگەندى جۇلاتىن ۋاقىت،
3 ولتىرەتىن ۋاقىت، ساۋىقتىراتىن ۋاقىت،بۇزاتىن ۋاقىت، سوعاتىن ۋاقىت،
4 جىلايتىن ۋاقىت، كۇلەتىن ۋاقىت،زار ەڭىرەيتىن ۋاقىت، بي بيلەيتىن ۋاقىت،
5 تاس لاقتىراتىن ۋاقىت، تاس جينايتىن ۋاقىت،قۇشاقتايتىن ۋاقىت، قۇشاققا المايتىن ۋاقىت،
6 ىزدەيتىن ۋاقىت، جوعالدى دەپ سانايتىن ۋاقىت،ساقتايتىن ۋاقىت، لاقتىراتىن ۋاقىت،
7 جىرتاتىن ۋاقىت+، بىرىكتىرىپ تىگەتىن ۋاقىت،ۇندەمەيتىن ۋاقىت+، سويلەيتىن ۋاقىت+،
8 سۇيەتىن ۋاقىت، جەك كورەتىن ۋاقىت+،سوعىساتىن ۋاقىت، تاتۋلاساتىن ۋاقىت.
9 ەندەشە بار بەينەتىنەن جۇمىسشىعا نە پايدا+؟
10 مەن قۇدايدىڭ ادام بالاسىنا ارتىپ قويعان قام-قارەكەتىن كوردىم.
11 ول ٴبارىن ٶز ۋاقىتىندا تاماشا* ەتىپ جاراتتى+. ول ٴتىپتى ادامنىڭ جۇرەگىنە ماڭگىلىكتى سالدى. ٴبىراق ولار قۇدايدىڭ ٸسىن باستان-اياق ۇعا المايدى.
12 ادام ٷشىن ومىردە قۋانۋدان جانە جاقسىلىق جاساۋدان ارتىق ەشتەڭە جوق ەكەنىن ٴتۇسىندىم+.
13 سونداي-اق ٵربىر ادام ٸشىپ-جەپ، ەڭبەگىنىڭ جەمىسىنە قۋانسىن. بۇل — قۇدايدىڭ سيى+.
14 قۇدايدىڭ بارلىق ٸسى ماڭگىگە قالاتىنىن ٴبىلدىم. ولارعا ەشتەڭە قوسىلمايدى دا، الىنبايدى دا. قۇداي بۇنى ادامدار وزىنەن قورىقسىن دەپ ىستەدى+.
15 بولىپ جاتقاندار بۇرىن دا بولعان، بولاشاقتا بولاتىندار دا بولىپ قويعان+. قۇداي قۋدالانعاندار ٷشىن يگىلىك ىزدەيدى*.
16 سونداي-اق جارىق كۇن استىندا كەلەسى جايتتى بايقادىم: ادىلەت ورنىنا زاڭسىزدىق، ادىلدىك ورنىنا زۇلىمدىق جۇرەدى ەكەن+.
17 سوندا مەن ىشتەي: «قۇداي ٵدىلدى دە، زۇلىمدى دا سوتتايدى+، ويتكەنى ٵربىر ٸستىڭ، ٵربىر ارەكەتتىڭ ٶز ۋاقىتى بار»،— دەدىم.
18 مەن ىشتەي تاعى: «قۇداي ادام بالاسىن تەكسەرىپ، ولاردىڭ جانۋارلارعا ۇقساس ەكەنىن كورسەتپەك»،— دەپ ويلادىم.
19 سەبەبى ادام بالاسىمەن نە بولسا، جانۋارمەن دە سول بولادى+. ادامنىڭ ولەتىنىندەي، جانۋار دا ولەدى، ەكەۋىنىڭ دە بويىنداعى ٶمىر كۇشى* بىردەي+. وسىلايشا ادامنىڭ جانۋاردان ارتىقشىلىعى جوق. ويتكەنى ٴبارى — بوس اۋرەشىلىك.
20 بارلىعى ٴبىر جەرگە بارادى+. بارلىعى توپىراقتان جاراتىلدى+، بارلىعى قايتادان توپىراققا اينالادى+.
21 ادامنىڭ ٶمىر كۇشى جوعارىعا كوتەرىلە مە، ال جانۋاردىكى تومەنگە، جەرگە تۇسە مە — كىم بىلەدى+؟
22 ادام ٷشىن ەڭبەگىنىڭ جەمىسىنە قۋانۋدان ارتىق ەشتەڭە جوق ەكەنىن كوردىم+، ويتكەنى بۇل — ونىڭ سيى. ولگەن سوڭ، وعان بولىپ جاتقان جايتتاردى كىم كورسەتە الار دەيسىڭ+؟!
سىلتەمەلەر
^ نەمەسە «جاقسى ۇيلەسكەن؛ ورىندى؛ لايىقتى».
^ مۇمكىن: «ٶتىپ كەتكەندى ىزدەيدى».
^ سوزبە-ٴسوز «رۋح».
