ەرەميانىڭ زارى 3:1—66
א [الەف]
3 مەن ونىڭ قاھارىنىڭ تاياعىنان زارداپ شەككەن اداممىن.
2 ول مەنى قۋىپ شىعىپ، جارىقتا ەمەس، تۇنەكتە جۇرگىزدى+.
3 كۇنۇزاققا ول قولىن ماعان قارسى كوتەرەدى+.
ב [بەت]
4 ول ٴتانىمدى السىرەتىپ، تەرىمدى توزدىردى،سۇيەكتەرىمدى سىندىردى.
5 مەنى قورشاۋعا الىپ، اينالاما ۋلى شوپتەر+ مەن قيىندىقتار قاپتاتتى.
6 باياعىدا ولگەن ادامداي، مەنى قاراڭعى جەرگە وتىرعىزدى.
ג [گيمەل]
7 قاشا الماۋىم ٷشىن، دۋالمەن قورشاپ قويدى.
ول ماعان اۋىر مىس كىسەن سالدى+.
8 كومەك سۇراپ جالىنىپ-جالبارىنعاندا، دۇعاما قۇلاق سالمايدى+.
9 جولىمدى قاشالعان تاستارمەن بوگەدى.
جولدارىمدى يرەلەڭدەتىپ قيسىق قىلدى+.
ד [دالەت]
10 ول مەنى ايۋداي اڭدىپ، ارىستانداي تورۋىلداپ جاتىر+.
11 جولدان سۇيرەپ شىعارىپ، پارشالاپ تاستادى*.
ول مەنى قاڭىراتىپ بوس قالدىردى+.
12 ساداعىن كەرىپ، مەنى جەبەسىنىڭ نىساناسى ەتتى.
ה [حە]
13 قورامساعىنداعى جەبەلەرمەن بۇيرەكتەرىمدى تۇيرەدى.
14 بارشا حالىق مەنى كۇلكىگە اينالدىرىپ، كۇنۇزاققا اندەرىنە قوسادى.
15 ول ٸشىمدى اشتىعا تولتىردى، جۋسانعا تويدىردى+.
ו [ۆاۆ]
16 تىستەرىمدى قيىرشىق تاسپەن سىندىردى.
مەنى ۇرەيدەن كۇل-قوقىستا بۇعىنىپ جاتۋعا ماجبۇرلەدى+.
17 جانىمدى تىنىشتىقتان ايىردىڭ، جاقسىلىقتىڭ نە ەكەنىن ۇمىتتىم.
18 سوندىقتان دا: «ٴسان-سالتاناتىم عايىپ بولىپ، ەحوباعا ارتقان ٷمىتىم دە ٷزىلدى»،— دەيمىن.
ז [زاين]
19 مەنىڭ ازابىمدى، ٷيسىز-كۇيسىز قالعانىمدى+، جۋسان مەن ۋلى ٴشوپ جەگەنىمدى ەسىڭە ال+.
20 سەن مىندەتتى تۇردە ەسىڭە الاسىڭ، قول ۇشىن بەرۋ ٷشىن ماعان ەڭكەيەسىڭ+.
21 مەن مۇنى جۇرەگىمدە ساقتايمىن، سول سەبەپتەن سەنى شىداممەن كۇتەمىن+.
ח [حەت]
22 ەحوبانىڭ اينىماس سۇيىسپەنشىلىگىنىڭ ارقاسىندا تۇگەل جويىلىپ كەتپەدىك+،ونىڭ مەيىرىمى ەشقاشان سارقىلمايدى+.
23 مەيىرىمى ونىڭ تاڭ اتقان سايىن جاڭارىپ وتىرادى+، ادالدىعى دا ۇلان-عايىر+.
24 «ەحوبا — مەنىڭ ۇلەسىم+، سوندىقتان ونى كۇتۋگە بەل بۋدىم+»،— دەدىم مەن.
ט [تەت]
25 ەحوبا وزىنە ٷمىت ارتقانعا+، ٶزىن ىزدەيتىن جانعا ىزگى+.
26 ادام ٷشىن ەحوبانىڭ قۇتقارعانىن+ ٷنسىز* كۇتۋ يگى+.
27 ادام ٷشىن جاس شاعىندا اۋىر جۇك* كوتەرگەنى يگى+.
י [يود]
28 قۇداي ونى موينىنا سالعاندا، وڭاشا وتىرىپ، ۇندەمەسىن+.
29 ول ەتپەتىمەن جەرگە جاتسىن*+، بالكىم، ٵلى دە ٷمىت بار شىعار+.
30 ٶزىن ۇرعانعا جاعىن توسسىن، قورلىققا سوڭىنا دەيىن ٴتوزسىن.
כ [كاف]
31 ەحوبا ٴبىزدى ٴبىرجولا تاستاپ كەتپەيدى+.
32 قاسىرەت جىبەرسە دە، اينىماس سۇيىسپەنشىلىگى زور بولعاندىقتان، بىزگە شاپاعاتىن تۇسىرەدى+.
33 ويتكەنى ونىڭ جۇرەگى ادام بالاسىنا قايعى-قاسىرەت شەكتىرۋدى قالامايدى+.
ל [لامەد]
34 جەر بەتىندەگى تۇتقىنداردى اياقپەن جانشۋ+،
35 قۇداي تاعالانىڭ الدىندا ادامنىڭ قۇقىعىن بۇزۋ+،
36 سوتتا ادىلدىكتى بۇرمالاۋ — مۇندايعا ەحوبا توزبەيدى.
מ [مەم]
37 ەحوبا سولاي بولسىن دەمەسە، كىم بىردەڭە ايتىپ، ونىسىن ورىنداي الادى؟!
38 قۇداي تاعالانىڭ اۋزىنان جاقسىلىقپەن بىرگە جاماندىق شىقپايدى.
39 ٴتىرى جان كۇناسىنىڭ زاردابىن تارتقاندا، نەسىنە نارازى بولادى+؟
נ [نۋن]
40 جولىمىزدى تەكسەرىپ، سارالايىق+، ٴسۇيتىپ، ەحوباعا قايتا ورالايىق+.
41 كوكتەگى قۇدايعا قولىمىزدى جايىپ، شىن جۇرەكتەن دۇعا ەتەيىك+:
42 «ٴبىز قىلمىس جاساپ، بۇلىك شىعاردىق+، سەن ٴبىزدى كەشىرگەن جوقسىڭ+.
ס [سامەح]
43 اشۋلانىپ، وزىڭە جاقىنداۋىمىزعا توسقاۋىل قويدىڭ+.
ٴبىزدى قۋدالاپ، قىرىپ سالدىڭ، اياۋشىلىق تانىتپادىڭ+.
44 دۇعامىز وزىڭە جەتپەۋ ٷشىن، بۇلتپەن بوگەت قويدىڭ+.
45 ٴبىزدى حالىقتاردىڭ اراسىنداعى قوقىس پەن سىپىرىندىعا اينالدىردىڭ».
פ [پە]
46 دۇشپاندارىمىز بىزگە اۋزىن اشىپ، كەلەمەجدەۋدە+.
47 ۇرەي مەن قازىلعان ور+، ويراندالۋ مەن جويىلۋ ەنشىمىزگە ٴتيدى+.
48 حالقىمنىڭ قىزىنىڭ كۇيرەگەنىن كورىپ، كوز جاسىم كول-داريا بولدى+.
ע [اين]
49 كوز جاسىم سورعالاپ، ەش تىيىلمايدى+،
50 ەحوبا كوكتەن قاراپ، بىزگە نازار سالمايىنشا+.
51 قالامنىڭ قىزدارىمەن* نە بولعانىن كورىپ، جانىم قايعى-مۇڭعا باتتى+.
צ [سادي]
52 جاۋلارىم قۇس اۋلاعانداي، سەبەپسىزدەن-سەبەپسىز سوڭىما ٴتۇستى.
53 ٶمىرىمدى ۇزبەك بولىپ، ورعا تاستادى. تاسپەن مەنى اتقىلادى.
54 سۋلار باسىمنان اسىپ جاتتى.
سوندا: «قۇرىعان جەرىم وسى!»— دەدىم.
ק [كوف]
55 ۋا، ەحوبا، قۇدىقتىڭ تۇبىنەن ەسىمىڭدى شاقىردىم+.
56 داۋسىمدى ەستىشى، كومەك پەن جەڭىلدىك سۇراپ جالىنعاندا، قۇلاعىڭدى جاپپاشى.
57 ٶزىڭدى شاقىرعان كۇنى جانىما جاقىن كەلىپ: «قورىقپا!»— دەدىڭ.
ר [رەش]
58 ۋا، ەحوبا، سوتتا مەنىڭ مۇددەمدى قورعادىڭ، ٶمىرىمدى ازات ەتتىڭ*+.
59 ۋا، ەحوبا، ماعان جاسالعان قياناتتى كوردىڭ، مەن ٷشىن ادىلدىك ورناتا كورشى+.
60 سەن ولاردىڭ بارلىق كەكشىل ارەكەتىن، ماعان قارسى ويلاستىرعان بار ايلا-امالىن كوردىڭ.
ש [سين] نە [شين]
61 ۋا، ەحوبا، ولاردىڭ قالاي تابالاعانىن، ماعان زىمياندىق ويلاستىرعانىن ەستىدىڭ+،
62 قارسىلاستارىمنىڭ ايتقان سوزدەرى، كۇنۇزاققا مەن جايلى كۇبىرلەسكەنى دە قۇلاعىڭا جەتتى.
63 قاراشى، ولار وتىرسا دا، تۇرسا دا، مەنى اندەرىنە قوسىپ مازاق ەتەدى!
ת [تاۆ]
64 ۋا، ەحوبا، ىستەرىنە ساي، ولاردىڭ ەسەسىن قايتاراسىڭ.
65 ولاردى قارعىسقا ۇشىراتىپ، جۇرەكتەرىن قاسارىستىراسىڭ.
66 سەن، ەحوبا، قاھارلانا ولاردىڭ سوڭىنا تۇسەسىڭ جانە جەر بەتىنەن كوزىن قۇرتاسىڭ.
سىلتەمەلەر
^ مۇمكىن: «ارەكەتسىز كۇيدە قالدىردى».
^ نەمەسە «سابىرمەن».
^ سوزبە-ٴسوز «مويىناعاش».
^ ياعني تولىقتاي باعىنسىن.
^ نەمەسە «قالاما قاراستى قالاشىقتارمەن».
^ نەمەسە «قۇن تولەپ ازات ەتتىڭ».
