ەرەميا 1:1—19
1 بۇل — بەنيامين جەرىندەگى اناتوت+ قالاسىنداعى ٴدىني قىزمەتكەرلەردىڭ ٴبىرى حەلكيانىڭ ۇلى ەرەميانىڭ* سوزدەرى.
2 ياھۋدا پاتشاسى اموننىڭ+ ۇلى جوسيانىڭ+ بيلىك قۇرۋىنىڭ ون ٷشىنشى جىلىندا ەحوبا* قۇداي ەرەمياعا ٴسوزىن ارنادى.
3 سونداي-اق قۇداي وعان ٶز ٴسوزىن ياھۋدا پاتشاسى جوسيا ۇلى ەحوياكىمنىڭ+ كۇندەرىندە، ياھۋدا پاتشاسى جوسيا ۇلى سەدەكيانىڭ+ بيلىگىنىڭ سوڭىنا دەيىن (ياعني ون ٴبىرىنشى جىلىنا دەيىن)، يەرۋساليم تۇرعىندارى بەسىنشى ايدا جەر اۋدارىلعانعا دەيىن جەتكىزىپ وتىردى+.
4 ەحوبا ماعان بىلاي دەدى:
5 «انا قۇرساعىندا قالىپتاستىرماي تۇرىپ-اق مەن سەنى بىلگەنمىن*+،قۇرساقتان شىقپاي تۇرعانىڭدا-اق سەنى قاسيەتتى ەتكەنمىن*+.
حالىقتارعا سەنى پايعامبار ەتىپ قويعانمىن».
6 ٴبىراق مەن: «و، الەمنىڭ ٵمىرشىسى ەحوبا!
مەن جۇرت الدىندا سويلەي المايمىن+، ٵلى جاسپىن عوي+»،— دەدىم.
7 سوندا ەحوبا ماعان بىلاي دەدى:
«ٵلى جاسپىن دەمە،كىمگە جىبەرسەم، سولاردىڭ بارىنە باراسىڭ،نە بۇيىرسام، سونىڭ ٴبارىن ايتاسىڭ+.
8 ولاردى كورىپ قورىقپا+،مەن، ەحوبا، ساعان جار بولىپ، قۇتقارامىن دەيمىن+».
9 ٴسويتتى دە ەحوبا قولىن سوزىپ، اۋزىما تيگىزدى+. سوسىن ەحوبا ماعان: «مىنە، سوزدەرىمدى اۋزىڭا سالدىم+.
10 بۇگىن سەنى حالىقتار مەن پاتشالىقتاردان ۇستەم ەتەمىن. سەن ولاردى تامىرىمەن جۇلاسىڭ جانە قۇلاتاسىڭ، جوياسىڭ جانە قۇرتاسىڭ، تۇرعىزاسىڭ جانە ەگەسىڭ+»،— دەدى.
11 ەحوبا ماعان تاعى دا ٴسوزىن ارناپ: «ەرەميا، نە كورىپ تۇرسىڭ؟»— دەدى. مەن: «بادام اعاشىنىڭ* بۇتاعىن»،— دەپ جاۋاپ بەردىم.
12 سوندا ەحوبا ماعان: «دۇرىس. مەن ٴسوزىمدى جۇزەگە اسىرۋ ٷشىن سەرگەك* تۇرمىن»،— دەدى.
13 بۇدان كەيىن ەحوبا ماعان ەكىنشى رەت ٴسوزىن ارناپ بىلاي دەدى: «نە كورىپ تۇرسىڭ؟» مەن: «قايناپ تۇرعان ۇلكەن قازاندى كورىپ تۇرمىن. ونىڭ اۋزى سولتۇستىكتەن بەرى قاراي ەڭكەيگەن ەكەن»،— دەپ جاۋاپ بەردىم.
14 سوندا ەحوبا ماعان بىلاي دەدى:
«وسى ەلدىڭ بارلىق تۇرعىنىناسولتۇستىكتەن اپات كەلەدى+.
15 مەن، ەحوبا، بىلاي دەيمىن: —سولتۇستىكتەگى پاتشالىقتاردىڭ بار تايپاسىن شاقىرامىن+.
ولار كەلىپ، يەرۋساليم قاقپالارىنىڭ كىرەبەرىسىنە+
ٴارقايسىسى ٶز تاعىن ورناتادى.
قالانى قورشاعان قابىرعالارعا،ياھۋدانىڭ كۇللى قالاسىنا شابۋىلدايدى+.
16 مەن بار زۇلىمدىعى ٷشىن ۇكىمىمدى جاريالايمىن،سەبەبى ولار مەنى تاستاپ كەتتى+،وزگە تاڭىرلەرگە ارناپ قۇرباندىق ٴتۇتىنىن شىعارىپ+،ٶز قولدارىمەن جاساعان نارسەلەرگە تابىنۋدا+.
17 ال سەن بەلىڭدى بەكەم بۋ،تۇرىپ، بۇيىرعاندارىمنىڭ ٴبارىن ولارعا جەتكىز.
ولاردان ۇرەيلەنىپ قورىقپا+،ايتپەسە ولاردىڭ الدىندا ٶزىڭنىڭ ۇرەيىڭدى ۇشىرامىن.
18 بۇگىن مەن سەنى بۇكىل ەلگە قارسى تۇراتىن بەكىنىستى قالا،تەمىر باعانا جانە مىس قابىرعا ىسپەتتى ەتەمىن+.
وسىلاي ياھۋدانىڭ پاتشالارى مەن باسشىلارىنا،ونىڭ ٴدىني قىزمەتكەرلەرى مەن حالقىنا توتەپ بەرەسىڭ+.
19 ولار سەنىمەن كۇرەسەدى، ٴبىراق جەڭە المايدى،ويتكەنى ساعان جار بولىپ قۇتقارامىن،— دەيدى ەحوبا+».
سىلتەمەلەر
^ ماعىناسى «ەحوبا اسقاقتاتادى» بولسا كەرەك.
^ بۇل — قۇدايدىڭ ەسىمى. تۇسىندىرمەنى قاراڭىز.
^ نەمەسە «تاڭداعانمىن».
^ نەمەسە «ٴبولىپ العانمىن».
^ ەۆرەيشە «شاكەد». ماعىناسى «ويانعان؛ سەرگەك» دەگەندى بىلدىرەدى. ويتكەنى بادام — كوكتەمدە ەرتە گۇلدەيتىن اعاشتاردىڭ ٴبىرى.
^ نەمەسە «وياۋ». ەۆرەيشە «شوكەد». بۇل ٴسوز 11-تارماقتاعى «شاكەد» سوزىمەن ۇيقاس.
