ەرەميا 14:1—22
14 ەحوبانىڭ ەرەمياعا قۋاڭشىلىق جايلى ايتقان ٴسوزى+:
2 ياھۋدا قايعىرىپ+، قالا قاقپالارى ٴبۇلىندى.
ولاردىڭ ەڭسەسى ٴتۇسىپ، جەرگە شوكتى،يەرۋساليمنەن زارلى داۋىستار شىعىپ جاتىر.
3 قوجايىندار قىزمەتشىلەرىن سۋعا جۇمساعاندا،ولار قۇدىقتارعا* بارىپ، سۋ تاپپاي،بوس ىدىسپەن ورالۋدا.
ۇمىتتەرى اقتالماي، ۇياتقا قالىپ،قايعىدان باستارىن جاۋىپ العان.
4 جاۋىن-شاشىن بولماي،جەر كەۋىپ جارىلىپ كەتكەندىكتەن+،ديقانشىلار مۇڭايىپ، باستارىن جاۋىپ العان.
5 كوك ٴشوپتىڭ جوقتىعىنان،ٴتىپتى مارال جاڭا تۋعان ٴتولىن تاستاپ كەتۋدە.
6 قۇلان تاقىر توبەگە شىعىپ،شيبورىدەي اۋانى دەمىگە جۇتۋدا.
جايىلاتىن ٴشوپتىڭ جوقتىعىنان ونىڭ كوزى قاراۋىتقان+.
7 كۇنالارىمىز وزىمىزگە قارسى كۋالىك ەتسە دە،ۋا، ەحوبا، ٶز ەسىمىڭ ٷشىن ارەكەت ەتشى+.
وپاسىز ىستەرىمىز باسىمىزدان اسادى+،ٴبىز ساعان قارسى كۇنا جاسادىق.
8 ۋا، يسرايلدىڭ ٷمىتى، قيىن شاقتاعى قۇتقارۋشىسى+،نەگە وسى ەلدە جاتجەرلىك سياقتىسىڭ؟
تۇنەۋگە عانا توقتاعان جولاۋشىدايسىڭ؟
9 نەگە ابدىراپ تۇرىپ قالعان ادامدايسىڭ؟
قۇتقارا المايتىن مىقتى كىسىدەيسىڭ؟
ۋا، ەحوبا، ارامىزداسىڭ عوي+،ٴبىز سەنىڭ ەسىمىڭمەن اتالامىز+.
ٴبىزدى تاستاپ كەتە كورمە.
10 بۇل حالىققا قاتىستى ەحوبا بىلاي دەيدى: «ولار قاڭعىعاندى جاقسى كورەدى+، اياقتارىنا ەش دامىل بەرمەيدى+. سوندىقتان دا مەن، ەحوبا، ولاردى جاراتپايمىن+. مىنە، ەندى ولاردىڭ قىلمىستارىن ەسىمە الىپ، كۇنالارى ٷشىن جاۋاپقا تارتامىن+».
11 سوسىن ەحوبا ماعان بىلاي دەدى: «بۇل حالىقتىڭ يگىلىگىن تىلەپ، دۇعا ەتپە+.
12 ولار ورازا تۇتىپ، جالىنىپ-جالبارىنعاندا، قۇلاق اسپايمىن+. تۇگەل ورتەلەتىن قۇرباندىقتار مەن استىق تارتۋلار اكەلگەندە، رازى بولمايمىن+. سەمسەردىڭ جۇزىمەن، اشتىقپەن جانە ىندەتپەن كوزدەرىن قۇرتامىن+».
13 بۇعان مەن بىلاي دەدىم: «و، الەمنىڭ ٵمىرشىسى ەحوبا! مىنە، پايعامبارلار جۇرتقا: —سەمسەردىڭ ٴجۇزىن دە، اشتىقتى دا كورمەيسىڭدەر. قۇداي وسى ەلگە شىنايى تىنىشتىق ورناتادى،— دەپ ٴجۇر»+.
14 سوندا ەحوبا ماعان بىلاي دەدى: «پايعامبارلار مەنىڭ اتىمنان جالعان پايعامبارلىق ەتىپ ٴجۇر+. مەن ولاردى جىبەرگەن دە، ولارعا بۇيىرعان دا، سويلەگەن دە ەمەسپىن+. ولار سەندەرگە جالعان اياندارىن، ساۋەگەيلىكپەن بىلگەن بولجامدارى مەن ويدان شىعارعاندارىن ايتىپ ٴجۇر+.
15 سوندىقتان جىبەرمەسەم دە، اتىمنان پايعامبارلىق ەتىپ، بۇل ەلگە سەمسەردىڭ ٴجۇزى دە، اشتىق تا ٴتونىپ تۇرعان جوق دەگەندى ايتىپ جۇرگەن پايعامبارلار تۋرالى مەن، ەحوبا، بىلاي دەيمىن: —بۇل پايعامبارلار سەمسەردىڭ جۇزىنەن جانە اشتىقتان ولەدى+.
16 ال سولاردىڭ پايعامبارلىعىن ەستىپ جۇرگەن جۇرت اشتىق پەن سەمسەردىڭ جۇزىنەن قىرىلىپ، يەرۋساليم كوشەلەرىنە لاقتىرىپ تاستالادى. ولاردىڭ وزدەرىن دە، ايەلدەرى مەن ۇل-قىزدارىن دا جەرلەيتىن ەشكىم بولمايدى+. ويتكەنى لايىقتى جازاسىن بەرىپ، اپاتقا ۇشىراتامىن+.
17 سەن ولارعا بىلاي دە:
—كۇنى-ٴتۇنى كوز جاسىم توگىلىپ، توقتاماسىن+،حالقىمنىڭ پاك قىزى قاتتى كۇيرەپ، قيرادى+،وتە اۋىر جاراقات الدى.
18 دالاعا شىعىپ، قاراسام،مىنە، سەمسەردىڭ جۇزىنەن قىرىلعاندار+!
ال قالاعا كىرىپ قاراسام،مىنە، اشتىقتان ىندەتكە شالدىققاندار+!
پايعامبارلار مەن ٴدىني قىزمەتكەرلەر بەيتانىس ەلدە سەندەلىپ ٴجۇر+».
19 سەن ياھۋدادان مۇلدەم باس تارتتىڭ با؟
سيوندى جانىڭ جەك كورىپ كەتتى مە+؟
نەگە بىزگە ايىقپاستاي ەتىپ سوققى جەگىزدىڭ+؟
تىنىشتىق ورنايدى دەپ ۇمىتتەنىپ ەدىك، ٴبىراق ەش جاقسىلىق بولمادى.
ساۋىعاتىن ۋاقىتتى كۇتىپ ەدىك، ٴبىراق قورقىنىش جايلادى+!
20 ۋا، ەحوبا، جاساعان زۇلىمدىعىمىزدى،اتا-بابالارىمىزدىڭ قىلمىسىن مويىندايمىز.
سەبەبى ٴبىز ساعان قارسى كۇنا جاسادىق+.
21 ٶز ەسىمىڭ ٷشىن بىزدەن باس تارتا كورمە+،سالتاناتتى تاعىڭا مەنسىنبەي قاراما.
بىزبەن جاساسقان كەلىسىمىڭدى ەسىڭە الىپ، بۇزا كورمە+!
22 حالىقتاردىڭ تۇككە تۇرعىسىز پۇتتارى جاڭبىر جاۋدىرا الا ما؟
اسپان دا وزدىگىنەن نوسەر توگە الا ما؟
مۇنى ىستەيتىن سەن ەمەس پە، ۋا، قۇدايىمىز ەحوبا+؟!
ٴبىز ساعان ٷمىت ارتامىز،وسىنىڭ ٴبارىن ىستەيتىن تەك ٶزىڭسىڭ.
سىلتەمەلەر
^ نەمەسە «شاعىن سۋ قويمالارىنا».
