ەرەميا 17:1—27
17 «ياھۋدانىڭ كۇناسى تەمىر قالاممەن جازىلعان.
ول الماس قۇرالمەن جۇرەكتەرىنىڭ تاقتاشاسىنا،قۇرباندىق وشاقتارىنىڭ مۇيىزدەرىنە ويىپ جازىلعان.
2 ٴتىپتى قۇرباندىق ورىندارى مەن قاسيەتتى اعاش باعانالارى* ۇلدارىنىڭ ەسىندە+.
بۇلار جايقالعان اعاشتىڭ ماڭىندا، عيبادات توبەلەرىنىڭ ۇستىندە+،
3 اشىق جەردەگى تاۋلاردىڭ توبەسىندە ورناتىلعان.
دۇنيە-مۇلكىڭ مەن كۇللى قازىناڭدى وزگەگە ولجا ەتىپ بەرەمىن+.
بۇكىل ەلدە جاساعان كۇناڭ ٷشىن عيبادات توبەلەرىڭدى دە قوسىپ بەرەمىن+.
4 مەن سيلاعان مۇرالىق مەنشىگىڭدى ٶز ەركىڭمەن بەرەسىڭ+.
سەنى بەيتانىس ەلدە جاۋلارىڭا قىزمەت ەتكىزەمىن+،ويتكەنى قاھارىمدى وتتاي تۇتاتتىڭ*+،ول ارقاشان لاۋلاپ تۇرادى».
5 ەحوبا مىنانى ايتادى:
«پەندەگە سەنىم ارتاتىن+،ادامنىڭ كۇشىنە ارقا سۇيەيتىن+،جۇرەگى ەحوبادان الشاقتاعان جاندى قارعىس اتسىن.
6 مۇنداي جان قۇلا تۇزدەگى جالعىز اعاشتاي بولادى،جاقسىلىقتىڭ كەلگەنىن كورمەيدى.
ول يەن دالانىڭ قۋاڭ تارتقان جەرلەرىندە،ادام تۇرمايتىن سورتاڭ جەردە مەكەندەيدى.
7 ەحوباعا سەنىم ارتاتىن،ەحوباعا ارقا سۇيەيتىن ادام جارىلقانسىن+.
8 ول سۋدىڭ جاعاسىنا وتىرعىزىلعان،تامىرىن اققان سۋعا قاراي جايعان اعاشتاي بولادى.
اپتاپ تۇسكەندە، ونى ەلەمەيدى،جاپىراقتارى ٵردايىم جايقالىپ تۇرادى+.
قۋاڭشىلىق جىلى ەش ابىرجىمايدى،ۇدايى جەمىس بەرىپ تۇرادى.
9 ادام جۇرەگى بارىنەن دە الدامشى* ٵرى ەشتەڭەدەن تايىنبايدى*+.
ونى كىم بىلە الادى؟
10 مەن، ەحوبا، جۇرەكتى زەرتتەيمىن+،كوڭىل تۇبىندەگى وي-سەزىمدى* تەكسەرەمىن،ٴسۇيتىپ، اركىمگە ۇستانعان جولىنا قاراي،ٸس-ارەكەتىنىڭ جەمىسىنە قاراي قارىمتاسىن بەرەمىن+.
11 ارام بايلىق جينايتىن ادام+
ٶزى سالماعان جۇمىرتقانى جينايتىن كەكىلىككە ۇقسايدى.
ول ٶمىرىنىڭ بەل ورتاسىندا ودان ايىرىلىپ قالادى،اقىر سوڭىندا اقىماقتىعى ايان بولادى».
12 قۇدايدىڭ و باستان-اق مارتەبەسى بيىك،سالتاناتتى تاعى — ٴبىزدىڭ قاسيەتتى ورنىمىز+.
13 ۋا، ەحوبا، يسرايلدىڭ ٷمىتى،سەنى تاستاپ كەتكەندەردىڭ ٴبارى ۇياتقا قالادى.
سەنەن* شەتتەگەندەردىڭ ەسىمدەرى توپىراققا جازىلادى+،ويتكەنى ولار ٶمىر سۋىنىڭ قاينار كوزى سەنى، ەحوبا، تاستاپ كەتتى+.
14 ساۋىقتىرا كور مەنى، ۋا، ەحوبا، سوندا ساۋىعامىن.
قۇتقارا كور، سوندا قۇتقارىلامىن+.
سەبەبى مەن تەك ٶزىڭدى دارىپتەيمىن.
15 مىنە، ماعان: «ەحوبانىڭ ايتقان ٴسوزى قايدا+؟
سونىسى ورىندالسىنشى!»— دەپ جۇرگەندەر بار.
16 ال مەن باعۋشى رەتىندە ساعان ىلەسۋدەن باس تارتقان ەمەسپىن،اپات كۇنىن دە اڭساپ تىلەگەن جوقپىن.
اۋزىمنان شىققان سوزدەرىمدى بىلەسىڭ،ولاردىڭ ٴبارى سەنىڭ الدىڭدا ايتىلعان.
17 مەنى تاستاپ كەتىپ، قورقىتپاشى،اپات كۇنى باسساۋعالايتىن پانامسىڭ.
18 قۋدالاۋشىلارىم ماسقارا بولسىن+،ال مەنى ماسقارالىقتان ساقتاي كور.
ولاردىڭ ۇرەيى ۇشسىن،ال مەنى ۇرەيدەن ساقتاي كور.
ولاردىڭ باسىنا اپات كۇنىن ٴتۇسىرىپ+،كۇل-تالقانىن شىعارىپ، مۇلدەم* جويىپ جىبەرە كور.
19 ەحوبا ماعان بىلاي دەدى: «بار دا، ياھۋدانىڭ پاتشالارى كىرىپ-شىعاتىن باستى قاقپا* مەن يەرۋساليمنىڭ بارلىق قاقپاسىنىڭ الدىنا بارىپ تۇر+.
20 ولارعا مىنانى ايت: —وسى قاقپالاردان كىرىپ-شىعاتىن ياھۋدانىڭ پاتشالارى، ياھۋدانىڭ كۇللى حالقى، يەرۋساليمنىڭ بار تۇرعىنى، ەحوبانىڭ ٴسوزىن تىڭداڭدار.
21 ەحوبا سەندەرگە: «وزدەرىڭە مۇقيات بولىڭدار. دەمالىس كۇنى ەشقانداي جۇك كوتەرمەڭدەر، ولاردى يەرۋساليمنىڭ قاقپالارىنان الىپ وتپەڭدەر+.
22 دەمالىس كۇنى ۇيلەرىڭنەن جۇك الىپ شىقپاڭدار، ەشقانداي جۇمىس تا ىستەمەڭدەر+. اتا-بابالارىڭا بۇيىرعانىمداي، دەمالىس كۇنىن قاسيەتتى تۇتىڭدار+.
23 ٴبىراق اتا-بابالارىڭ تىڭدامادى، قۇلاق تا اسپادى. ماعان مويىنسۇنۋدان جانە تۇزەتۋدى قابىل الۋدان قاسارىسىپ باس تارتتى+»،— دەيدى.
24 ال سەندەر ماعان تولىعىمەن مويىنسۇناتىن بولساڭدار،— دەيدى ەحوبا،— دەمالىس كۇنى وسى قالانىڭ قاقپالارىنان ەشقانداي جۇك الىپ وتپەسەڭدەر، ٵرى ەش جۇمىس ىستەمەي، دەمالىس كۇنىن قاسيەتتى تۇتساڭدار+،
25 ٴداۋىتتىڭ تاعىندا وتىرعان پاتشالار مەن امىرشىلەر+ كۇيمەلەر مەن اتتارعا وتىرىپ وسى قالانىڭ قاقپالارىنان كىرەتىن بولادى. ولار دا، امىرشىلەر دە، ياھۋدانىڭ ادامدارى مەن يەرۋساليمنىڭ تۇرعىندارى دا كىرەدى+. بۇل قالادا ارقاشان ەل-جۇرت تۇراتىن بولادى.
26 ياھۋدا قالالارىنان، يەرۋساليمنىڭ اينالاسىنان، بەنيامين جەرىنەن+، ەڭىستىكتەن+ جانە تاۋلى وڭىردەن، نەگەۆتەن ادامدار وسىندا كەلەدى. ولار ەحوبانىڭ ۇيىنە تۇگەل ورتەلەتىن+ جانە باسقا دا قۇرباندىقتاردى+، استىق تارتۋلارىن+، لادان مەن ريزاشىلىق قۇرباندىقتارىن اكەلەدى+.
27 ال ەگەر ماعان مويىنسۇنباي، دەمالىس كۇنىن قاسيەتتى تۇتپاساڭدار جانە سول كۇنى جۇك كوتەرىپ، يەرۋساليمنىڭ قاقپالارىنان الىپ وتسەڭدەر، ونىڭ قاقپالارىنا وت قويامىن. وت يەرۋساليمنىڭ بەكىنىس مۇنارالارىن جالمايدى+، ەشقاشان سونبەيدى+».
سىلتەمەلەر
^ تۇسىندىرمەنى قاراڭىز.
^ مۇمكىن: «سەن قاھارىما وتتاي تۇتاندىڭ».
^ نەمەسە «وپاسىز، ساتقىن».
^ مۇمكىن: «ايىقپاس».
^ سوزبە-ٴسوز «بۇيرەكتى».
^ سوزبە-ٴسوز «مەنەن». ەحوبانى ايتىپ تۇرسا كەرەك.
^ نەمەسە «ەكى قايتارا».
^ سوزبە-ٴسوز «حالقىمنىڭ ۇلدارىنىڭ قاقپاسى».
