ەرەميا 20:1—18
20 يمەردىڭ ۇرپاعى پاشحۋر ەرەميانىڭ پايعامبارلىق ەتىپ، وسى جايتتاردى ايتقانىن ەستىپ تۇردى. پاشحۋر ٴدىني قىزمەتكەر ٵرى ەحوبانىڭ ٷيىنىڭ باس مەڭگەرۋشىسى ەدى.
2 سوندا ول ەرەميا پايعامبارعا دۇرە سوعىپ، ونى ەحوبانىڭ ۇيىندەگى جوعارعى بەنيامين قاقپاسىنىڭ ماڭىندا تۇرعان اعاش بۇعاۋعا وتىرعىزىپ قويدى+.
3 كەلەسى كۇنى پاشحۋر ەرەميانى بۇعاۋدان بوساتتى. سوندا ەرەميا وعان بىلاي دەدى: «ەحوبا اتىڭدى پاشحۋر* ەمەس، ماگورميسابيب*+ دەپ اتادى.
4 ەحوبا مىنانى ايتادى: —مەن سەنى وزىڭە دە، دوستارىڭنىڭ بارىنە دە قورقىنىشتى بولاتىنداي كۇيگە تۇسىرەمىن. ولار سەنىڭ كوز الدىڭدا جاۋلارىنىڭ سەمسەرىنەن مەرت بولادى+. بۇكىل ياھۋدانى بابىل پاتشاسىنىڭ قولىنا بەرەمىن. ول حالىقتى بابىلعا جەر اۋدارىپ اكەتەدى جانە سەمسەردىڭ جۇزىمەن قىرادى+.
5 مەن مىنا قالانىڭ بار بايلىعىن، بار دۇنيە-مۇلكىن، بار قىمبات زاتتارىن، سونداي-اق ياھۋدا پاتشالارىنىڭ بۇكىل قازىناسىن جاۋلارىنىڭ قولىنا بەرەمىن+. مۇنىڭ ٴبارىن ولار توناپ، تارتىپ الىپ، بابىلعا اكەتەدى+.
6 ال سەن، پاشحۋر، ٷي ىشىڭمەن بىرگە تۇتقىندالىپ، بابىلعا ايدالاسىڭ. سول جەردە قازا تاۋىپ، دوستارىڭمەن بىرگە جەرلەنەسىڭ. سەبەبى سەن ولارعا جالعان پايعامبارلىق ايتتىڭ+».
7 سەن مەنى الدادىڭ، ۋا، ەحوبا، مەن الدانىپ قالدىم.
كۇشىڭدى قولدانىپ، مەنەن باسىم ٴتۇستىڭ+.
كۇنى بويى جۇرت ۇستىمنەن كۇلىپ،ٴبارى مەنى كەلەكە ەتەدى+.
8 ٴسوزىڭدى ولارعا جەتكىزگەن سايىن، مەن ايعايلاپ:
«زورلىق-زومبىلىق پەن جويقىن اپات!»— دەپ جار سالۋىم كەرەك.
ەحوبانىڭ ٴسوزى ٷشىن كۇنۇزاققا قورلىق كورىپ، ۇرىس ەستۋدەمىن+.
9 سوندا مەن: «بۇدان بىلاي ول تۋرالى ايتپايمىن،ونىڭ اتىنان سويلەمەيمىن»،— دەدىم+.
ٴبىراق ونىڭ ٴسوزى جۇرەگىمدە جانعان وتتاي،سۇيەكتەرىمدە قامالعان جالىنداي بولدى.
ونى ۇستاپ تۇرامىن دەپ شارشادىم.
ودان ٵرى شىداي المادىم+.
10 مەن كوپشىلىكتىڭ جامان سىبىسىن ەستىدىم.
اينالام تولعان قورقىنىش+.
«ۇستىنەن شاعىمدانىڭدار! كەلىڭدەر، شاعىم ايتايىق!»
ماعان اماندىق تىلەگەنسىماقتار قۇلاعانىمدى كۇتىپ+:
«ول ٴبىر اقىماقتىق جاساپ قويار،سوندا ودان باسىم ٴتۇسىپ، ٶش الارمىز»،— دەپ ٴجۇر.
11 ٴبىراق ەحوبا ايبارلى جاۋىنگەردەي مەنىڭ جانىمدا+.
سوندىقتان دا مەنى قۋدالاعاندار ٴسۇرىنىپ، جەڭە المايدى+.
نيەتتەرى ىسكە اسپاي، ولار ابدەن ۇياتقا قالادى.
ماسقارا بولعاندارى ەشقاشان ۇمىتىلمايدى+.
12 ٴبىراق سەن، ۋا، اسكەرباسى ەحوبا، ٵدىل جاندى تەكسەرەسىڭ،كوڭىل تۇبىندەگى وي-سەزىمدى* جانە جۇرەكتى كورەسىڭ+.
ولاردان كەك العانىڭدى كورسەتشى ماعان+،ويتكەنى ٸسىمدى سەنىڭ قولىڭا تاپسىردىم+.
13 ەحوباعا ٵن شىرقاڭدار! ەحوبانى ماداقتاڭدار!
ويتكەنى ول بەيشارانىڭ جانىن زۇلىمنىڭ قولىنان قۇتقاردى.
14 جارىق دۇنيەگە كەلگەن كۇنىمدى قارعىس اتسىن!
انامنىڭ مەنى تۋعان كۇنى قاراڭ قالسىن+!
15 «پەرزەنتتى بولدىڭ، ۇل تۋىلدى!»— دەپ،اكەمە جاقسى حابار اكەلىپ،ونى زور قۋانىشقا بولەگەن كىسىنى قارعىس اتسىن!
16 ول ەحوبانىڭ اياۋسىز قۇرتىپ جىبەرگەن قالالارىنا ۇقساسىن.
تاڭەرتەڭ ايقاي-شۋ، تال تۇستە دابىل ەستىسىن.
17 نەگە ول مەنى انامنىڭ قۇرساعىندا ولتىرمەدى ەكەن؟
سوندا انامنىڭ قۇرساعى قابىرىمە اينالىپ،ول جۇكتى بولىپ قالا بەرەر ەدى عوي+.
18 نەگە عانا قۇرساقتان شىقتىم ەكەن؟!
ازاپ پەن قايعى-قاسىرەت كورۋ ٷشىن بە؟
الدە ومىردەن ماسقارا بولىپ ٶتۋ ٷشىن بە+؟
سىلتەمەلەر
^ ماعىناسى «اينالادا قالعاندار».
^ ماعىناسى «اينالا تولعان قورقىنىش».
^ سوزبە-ٴسوز «بۇيرەكتى».
