ەرەميا 21:1—14
21 ەحوبا ەرەمياعا تاعى دا ٴسوزىن ارنادى. سەبەبى سەدەكيا+ پاتشا ەرەمياعا مالحياح ۇلى پاشحۋر+ مەن ٴدىني قىزمەتكەر ماعاسەياح ۇلى سافونيانى+ جىبەرىپ، بىلاي دەپ سۇراتقان ەدى:
2 «وتىنەمىن، ەحوبادان ٴبىز ٷشىن سۇراشى. بابىلدىڭ پاتشاسى ناۆۋحودونوسور بىزبەن سوعىسىپ جاتىر+. بالكىم، ەحوبا ٴبىز ٷشىن كەرەمەت ىستەرىنىڭ ٴبىرىن جاساپ، پاتشا كەرى شەگىنىپ كەتەر+».
3 ەرەميا ولارعا بىلاي دەدى: «سەدەكياعا
4 يسرايلدىڭ قۇدايى ەحوبا مىنانى ايتادى دەڭدەر: —قالا سىرتىنان قورشاۋعا العان بابىل پاتشاسى مەن حالدەيلەرگە قولدانىپ جاتقان قولداعى قارۋلارىڭدى وزدەرىڭە قارسى بۇرامىن+. مەن ولاردى قالانىڭ ورتاسىنا جينايمىن.
5 سەندەرگە قارسى اشۋ-ىزامەن، قاھارمەن، قۇدىرەتتى* دە قۋاتتى قولمەن+ ٶزىم سوعىسامىن+.
6 بۇل قالادا مەكەندەيتىن ادامدى دا، مالدى دا قۇرتامىن. ولار قورقىنىشتى ىندەتتەن قىرىلادى+.
7 سوسىن مەن ياھۋدانىڭ پاتشاسى سەدەكيانى، ونىڭ قىزمەتشىلەرىن جانە وسى قالانىڭ تۇرعىندارىن — ىندەتتەن، سەمسەردىڭ جۇزىنەن، اشتىقتان امان قالعانداردىڭ ٴبارىن بابىل پاتشاسى ناۆۋحودونوسوردىڭ، ولاردىڭ جانىن العىسى كەلگەن جاۋلارىنىڭ قولىنا بەرەمىن+. پاتشا ولاردى سەمسەردىڭ جۇزىمەن ولتىرەدى. ول اياۋشىلىق، جاناشىرلىق تانىتپايدى، راقىم دا ەتپەيدى+،— دەيدى ەحوبا.
8 ال مىنا حالىققا سەن ەحوبا مىنانى ايتادى دە: —مىنە، مەن سەندەرگە ٶمىر جولى مەن ٶلىم جولىن ۇسىنىپ وتىرمىن.
9 وسى قالادا قالعاندار سەمسەردەن، اشتىقتان، ىندەتتەن ولەدى. ال سىرتقا شىعىپ، قورشاۋعا العان حالدەيلەردىڭ قولىنا بەرىلگەندەر امان قالىپ، ٶز جانى وزىنە ولجا بولادى+.
10 مەن بۇل قالادان باس تارتتىم، وعان جاقسىلىق ەمەس، اپات جىبەرەمىن+. ونى بابىل پاتشاسىنىڭ قولىنا بەرەمىن+، ول قالانى وتقا ورايدى+،— دەيدى ەحوبا.
11 ياھۋدا پاتشاسىنىڭ ٷي ىشىنە مىنانى ايت: —ەحوبانىڭ ٴسوزىن تىڭداڭدار.
12 ۋا، ٴداۋىتتىڭ ٷيى، ەحوبا بىلاي دەيدى:
«كۇندە تاڭەرتەڭ ادىلەتتى ۇكىم شىعارىڭدار،جابىرلەنۋشىنى توناۋشىنىڭ قولىنان قۇتقارىڭدار+،ايتپەسە جاساعان زۇلىم ىستەرىڭ ٷشىن+
قاھارىم وتتاي لاۋلايدى+،ەشكىم ونى سوندىرە المايدى».
13 مەن ساعان قارسى شىعامىن، ۋا، اڭعاردىڭ تۇرعىنى،ۋا، جازىقتاعى جارتاستا ورنالاسقان قالا،— دەيدى ەحوبا.
ال سەندەر: «بىزگە قارسى شىعاتىن كىم؟
ٴبىزدىڭ مەكەنىمىزدى كىم جاۋلاپ الماق؟»— دەيسىڭدەر،
14 وندا ٴبىلىپ قويىڭدار، جاساعان ىستەرىڭە قاراي+،سەندەردى جاۋاپقا تارتامىن،— دەيدى ەحوبا.
قالا ماڭىنداعى ورمانعا وت قويامىن.
وت اينالاسىنداعىنى تۇگەل جالماپ قويادى+».
سىلتەمەلەر
^ سوزبە-ٴسوز «سوزىلعان».
