ەرەميا 22:1—30
22 ەحوبا بىلاي دەيدى: «ياھۋدا پاتشاسىنىڭ سارايىنا بار دا، مىنا حاباردى جەتكىزىپ،
2 بىلاي دە: —ۋا، ٴداۋىتتىڭ تاعىندا وتىرعان ياھۋدا پاتشاسى، ٶزىڭ دە، وسى قاقپالاردان كىرەتىن قىزمەتشىلەرىڭ مەن حالقىڭ دا ەحوبانىڭ ٴسوزىن تىڭداڭدار.
3 ەحوبا سەندەرگە بىلاي دەيدى: «ادىلەت پەن ادىلدىكتى ۇستانىڭدار. جابىرلەنۋشىنى توناۋشىنىڭ قولىنان قۇتقارىڭدار. جاتجەرلىككە ٴجابىر كورسەتپەڭدەر، جەتىم-جەسىرلەرگە دە قيانات جاساماڭدار+. وسى جەردە جازىقسىزدىڭ قانىن توكپەڭدەر+.
4 ەگەر بۇل سوزدەرىمدى مۇقيات ورىنداساڭدار، ٴداۋىتتىڭ تاعىندا وتىرعان پاتشالار+ وسى ٷيدىڭ قاقپالارىنان كۇيمە مەن اتتارعا ٴمىنىپ، قىزمەتشىلەرى مەن حالقىن ەرتىپ كىرەتىن بولادى+».
5 ال وسى سوزدەرىمە مويىنسۇنباساڭدار، وزىممەن انت ەتەمىن، مىنا ٷي كۇل-تالقان بولادى+،— دەيدى ەحوبا.
6 ەحوبا ياھۋدا پاتشاسىنىڭ ۇيىنە قاتىستى بىلاي دەيدى:
—سەن مەن ٷشىن عالاقاتتايسىڭ،ليۆاننىڭ شىڭىندايسىڭ.
ايتسە دە سەنى ٴشول دالاعا اينالدىرامىن،قالالارىڭدا بىردە-ٴبىر تۇرعىن قالمايدى+.
7 ساعان قارسى قىرىپ-جويۋشىلاردى تاعايىندايمىن*.
ولاردىڭ ٴارقايسىسى قارۋ-جاراعىن اسىنىپ الادى+.
ەڭ تاڭداۋلى قاراعايلارىڭدى كەسىپ، وتقا تاستايدى+.
8 كوپتەگەن حالىقتار وسى قالانىڭ جانىنان ٶتىپ بارا جاتىپ، ٴبىر-بىرىنە: «ەحوبا مىنا ۇلى قالاعا نەگە بۇلاي ەتتى ەكەن؟»— دەسەدى+.
9 سوندا: «ويتكەنى ولار ٶز قۇدايلارى ەحوبامەن جاساسقان كەلىسىمدى بۇزىپ، وزگە تاڭىرلەرگە باس ٴيىپ، قۇلشىلىق ەتىپ كەتتى+»،— دەگەن جاۋاپ ەستيدى.
10 مارقۇمدى جوقتاپ جىلاماڭدار، ول ٷشىن قايعىرماڭدار.
قايتا، جەر اۋدارىلىپ بارا جاتقان ادام ٷشىن قاتتىراق جىلاڭدار،ويتكەنى ول قايتا ورالىپ، تۋعان جەرىن كورمەيدى.
11 اكەسى جوسيانىڭ+ ورنىنا تاققا وتىرعان ٵرى وسى ەلدەن جەر اۋدارىلىپ كەتكەن جوسيا ۇلى شالۋم*+ تۋرالى ەحوبا بىلاي دەيدى: —ول ەندى مۇندا ورالمايدى.
12 ول ايدالىپ كەتكەن جەرىندە قازا تابادى، بۇل ەلدى قايتىپ كورمەيدى+.
13 ٷيىن ادىلەتسىزدىكپەن تۇرعىزىپ جاتقان،جوعارى بولمەلەرىن زاڭسىزدىقپەن سالىپ جاتقان ادامعا* قاسىرەت!
ول جۇمىسشىلاردى وزىنە تەگىن ىستەتىپ،ولارعا ٴتيىستى ەڭبەكاقىلارىن تولەمەيدى+.
14 ول: «وزىمە ٴزاۋلىم ٷي سوعامىن،جوعارى بولمەلەرىن كەڭ قىلامىن،ۇلكەن ەتىپ تەرەزەلەر سالامىن،قابىرعاسىن قاراعايمەن قاپتاپ، قىزىل تۇسپەن بويايمىن»، — دەيدى.
15 قاراعايىڭ وزگەنىكىنەن كوپ بولعاندىقتان،پاتشالىق قۇرا بەرەمىن دەپ ويلايسىڭ با؟
كەزىندە سەنىڭ اكەڭ دە ٸشىپ-جەگەن،ٴبىراق ول ادىلدىك پەن ادىلەتتى ۇستانعان+،سوندىقتان دا ومىرىندە يگىلىك كورگەن.
16 ول ٴمۇساپىر مەن كەدەيدىڭ زاڭدى مۇددەسىن قورعاعان،سول سەبەپتى ٴبارى جاقسى بولعان.
مەنى ٴبىلۋ دەگەن وسى ەمەس پە؟— دەيدى ەحوبا.
17 ال سەنىڭ كوزىڭ مەن جۇرەگىڭنىڭ بار كوكسەگەنى —ارام پايدا، جازىقسىزدىڭ قانىن توگۋ،الاياقتىق جاساۋ، وزگەنى بوپسالاۋ.
18 سوندىقتان ەحوبا ياھۋدا پاتشاسى جوسيا ۇلى ەحوياكىمگە+ قاتىستى بىلاي دەيدى:
—جۇرت ونى «باۋىرىم-اي! قارىنداسىم-اي!» دەپ جوقتامايدى،ەشكىم دە «قايران، قوجايىنىم-اي! قايران، سەنىڭ داڭقىڭ-اي!» دەپ جوقتامايدى.
19 ول ەسەك سياقتى جەرلەنەتىن بولادى+:
سۇيەگىن يەرۋساليمنىڭ قاقپالارىنانسىرتقا سۇيرەپ، لاقتىرىپ تاستايدى+.
20 ۋا، ياھۋدا، ليۆانعا شىعىپ، ايعايلا،باشاندا تۇرىپ، داۋىستا،اباريمنەن+ ايقاي سال،ويتكەنى سۇيىكتى كوڭىلدەستەرىڭنىڭ ٴبارى ويران بولدى+.
21 قاۋىپسىز سەزىنگەن كەزىڭدە ساعان ٴتىل قاتقان ەدىم.
ٴبىراق سەن: —ايتقانىڭدى تىڭدامايمىن+،— دەدىڭ.
جاستايىڭنان-اق وسىلاي ەتىپ،ايتقانىما مويىنسۇنباي كەلەسىڭ+.
22 باعۋشىلارىڭنىڭ ٴبارىن جەل ايداپ اكەتەدى+،سۇيىكتى كوڭىلدەستەرىڭ دە تۇتقىندالىپ كەتەدى.
باسىڭا تۇسكەن بار اپاتتان ۇياتقا قالىپ، ماسقارا بولاسىڭ.
23 ۋا، قاراعايلار اراسىنا ۇيالاپ+، ليۆاندى+ مەكەن ەتۋشى!
تولعاعىڭ قىسقاندا، قالايشا ىڭقىلدار ەكەنسىڭ،بوسانىپ جاتقان ايەلدەي قالايشا ازاپتانار ەكەنسىڭ+!
24 ەحوبا بىلاي دەيدى: —ياھۋدا پاتشاسى ەحوياكىم+ ۇلى قونيا*+، سەن وڭ قولىمداعى ٴمورلى جۇزىگىم بولساڭ دا، شەشىپ تاستايمىن! بۇل — مەنىڭ ٴتىرى ەكەنىمدەي حاق!
25 سەنى جانىڭدى العىسى كەلگەندەردىڭ قولىنا، ٶزىڭ قورقاتىن ادامداردىڭ، بابىل پاتشاسى ناۆۋحودونوسور مەن حالدەيلەردىڭ قولىنا بەرەمىن+.
26 سەنى جانە دۇنيەگە اكەلگەن اناڭدى ٶزىڭ تۋىلماعان جەرگە لاقتىرىپ تاستايمىن، سول جەردە ولەتىن بولاسىڭ.
27 اڭساپ ساعىنعان جەرلەرىڭە ەشقاشان ورالمايسىڭدار+.
28 قونيا ەشكىم مەنسىنبەيتىن، سىنعان قازانداي،ەشكىم قولدانعىسى كەلمەيتىن ىدىستاي بولعانى ما؟
نەلىكتەن ول ٷرىم-بۇتاعىمەن بىرگە جەرگە تاستالادى؟
وزدەرى بىلمەيتىن ەلگە لاقتىرىلادى+؟
29 ۋا، جەر*، جەر، جەر! ەحوبانىڭ ٴسوزىن تىڭدا.
30 بۇل كىسىنى ۇرپاقسىز، ومىردە تابىستى بولمايدى دەپ جازىپ قوي،ونىڭ ۇرپاعىنان ەشكىم ٴداۋىتتىڭ تاعىنا وتىرمايدى،— دەيدى ەحوبا.
قايتادان ياھۋداعا بيلىك ەتپەيدى+».
سىلتەمەلەر
^ نەمەسە «قاسيەتتى ەتەمىن». تۇسىندىرمەدەگى «قاسيەتتى» ٴسوزىن قاراڭىز.
^ ەحوحاز دەپ تە اتالادى.
^ 13—17-تارماقتاردا ياھۋدا پاتشاسى ەحوياكىم تۋرالى ايتىلىپ تۇر.
^ ەحونيا دەپ تە اتالادى.
^ نەمەسە «ەل».
