ەرەميا 28:1—17
-
ەرەميا جانە جالعان پايعامبار حانانياح (1—17)
28 سول جىلى، ياھۋدا پاتشاسى سەدەكيانىڭ+ بيلىگىنىڭ باسىندا، ٴتورتىنشى جىلىنىڭ بەسىنشى ايىندا، گيبەوننان+ شىققان ازۋر ۇلى حانانياح پايعامبار ەحوبانىڭ ۇيىندە، ٴدىني قىزمەتكەرلەر مەن بۇكىل حالىقتىڭ الدىندا ماعان مىنانى ايتتى:
2 «اسكەرباسى ەحوبا، يسرايلدىڭ قۇدايى بىلاي دەيدى: —مەن بابىل پاتشاسىنىڭ مويىناعاشىن سىندىرامىن+.
3 بابىل پاتشاسى ناۆۋحودونوسوردىڭ وسى جەردەن الىپ، بابىلعا اكەتكەن ەحوبانىڭ ٷيىنىڭ بار بۇيىمىن+ ەكى جىلدىڭ ىشىندە وسىندا قايتىپ اكەلەمىن.
4 مەن ياھۋدانىڭ پاتشاسى ەحوياكىمنىڭ+ ۇلى ەحونيانى+ جانە ياھۋدادان بابىلعا جەر اۋدارىلعانداردىڭ ٴبارىن+ وسىندا قايتارامىن. سەبەبى مەن بابىل پاتشاسىنىڭ مويىناعاشىن سىندىرامىن،— دەيدى ەحوبا».
5 سوندا ەرەميا پايعامبار ەحوبانىڭ ۇيىندە جينالعان ٴدىني قىزمەتكەرلەر مەن بۇكىل جۇرتتىڭ الدىندا حانانياح پايعامبارعا ٴتىل قاتىپ،
6 بىلاي دەدى: «اۋمين! ەحوبا وسىلاي ىستەسىن! سەن ايتقان وسى پايعامبارلىق سوزدەردى ەحوبا جۇزەگە اسىرىپ، ەحوبانىڭ ٷيىنىڭ ىدىس-اياقتارى مەن جەر اۋدارىلعان حالىقتى تۇگەلىمەن بابىلدان وسى جەرگە قايتارسىن.
7 الايدا ساعان جانە وسىندا جينالعان بارشا جۇرتقا ايتاتىن ٴسوزىمدى تىڭداشى.
8 ماعان جانە ساعان دەيىن ٶمىر سۇرگەن ەرتەدەگى پايعامبارلار كوپتەگەن ەلدەر مەن ۇلى پاتشالىقتارعا قاتىستى سوعىس، اپات، ىندەت جايلى پايعامبارلىق ەتىپ ٴجۇردى.
9 ەگەر ٴبىر پايعامبار تىنىشتىق جايلى پايعامبارلىق ەتىپ، بۇنىسى ورىندالسا عانا، سول پايعامباردى شىنىمەن ەحوبانىڭ جىبەرگەنى بەلگىلى بولاتىن».
10 سوندا حانانياح پايعامبار ەرەميا پايعامباردىڭ موينىنداعى مويىناعاشتى الىپ، سىندىرىپ تاستادى دا+،
11 بۇكىل جۇرتتىڭ الدىندا مىنانى ايتتى: «ەحوبا: —مەن تۋرا وسىلاي بابىلدىڭ پاتشاسى ناۆۋحودونوسوردىڭ بارلىق حالىقتارعا سالعان مويىناعاشىن ەكى جىلدىڭ ىشىندە سىندىرىپ تاستايمىن،— دەيدى»+. وسىدان كەيىن ەرەميا پايعامبار ٶز جونىنە كەتتى.
12 حانانياح پايعامبار ەرەميا پايعامباردىڭ موينىنداعى مويىناعاشتى سىندىرىپ تاستاعاننان كەيىن، ەحوبا ەرەمياعا كەلەسى حاباردى ايتتى:
13 «بار دا، حانانياحقا ەحوبا مىنانى ايتادى دە: —سەن اعاشتان جاسالعان مويىناعاشتى سىندىرىپ تاستادىڭ+، ەندى ونىڭ ورنىنا تەمىردەن مويىناعاش جاسايسىڭ.
14 ويتكەنى اسكەرباسى ەحوبا، يسرايلدىڭ قۇدايى بىلاي دەيدى: —مەن وسى حالىقتاردى بابىل پاتشاسى ناۆۋحودونوسورعا قىزمەت ەتكىزۋ ٷشىن، مويىندارىنا تەمىردەن جاسالعان مويىناعاش كيگىزەمىن، ولار وعان قىزمەت ەتەتىن بولادى+. وعان ٴتىپتى دالاداعى جابايى اڭداردى دا باعىندىرامىن+».
15 ەرەميا پايعامبار حانانياح+ پايعامبارعا بىلاي دەدى: «ۋا، حانانياح، تىڭداشى! ەحوبا سەنى جىبەرگەن جوق. سوندا دا مىنا حالىقتى جالعان نارسەگە يلاندىرىپ قويدىڭ+.
16 سوندىقتان ەحوبا ساعان بىلاي دەيدى: —مىنە، مەن سەنى جەر بەتىنەن جوق قىلامىن. حالىقتى ەحوباعا قارسى كوتەرگەنىڭ ٷشىن سەن وسى جىلى ولەسىڭ+».
17 ايتقانداي-اق، حانانياح پايعامبار سول جىلدىڭ جەتىنشى ايىندا كوز جۇمدى.
