ەرەميا 32:1—44
32 ياھۋدا پاتشاسى سەدەكيانىڭ بيلىگىنىڭ ونىنشى جىلى، ناۆۋحودونوسوردىڭ+ بيلىگىنىڭ ون سەگىزىنشى جىلى، ەحوبا ەرەمياعا ٴسوزىن ارنادى.
2 سول ۋاقىتتا بابىل پاتشاسىنىڭ اسكەرى يەرۋساليمدى قورشاپ تۇرعان ەدى. ال ەرەميا پايعامبار ياھۋدا پاتشاسىنىڭ سارايىنداعى كۇزەتشى اۋلاسىندا+ تۇتقىندا وتىرعان.
3 ياھۋدا پاتشاسى سەدەكيا وعان مىنا سوزدەردى ايتىپ، قاماپ قويعان ەدى+: «نەگە بۇلاي پايعامبارلىق ەتەسىڭ؟ سەن ەحوبا مىنانى ايتادى دەپ ٴجۇر ەكەنسىڭ: —مەن بۇل قالانى بابىل پاتشاسىنىڭ قولىنا بەرەمىن، ول ونى باسىپ الادى+.
4 ياھۋدا پاتشاسى سەدەكيا حالدەيلەردەن قاشىپ قۇتىلا المايدى، ول مىندەتتى تۇردە بابىل پاتشاسىنىڭ قولىنا ٴتۇسىپ، ونى ٶز كوزىمەن كورىپ، بەتپە-بەت سويلەسەتىن بولادى+.
5 ول سەدەكيانى بابىلعا الىپ كەتەدى. مەن وعان نازارىمدى سالعانشا، سوندا بولادى. حالدەيلەرمەن قانشا سوعىسساڭدار دا، جەڭىسكە جەتپەيسىڭدەر+،— دەيدى ەحوبا».
6 ەرەميا بىلاي دەدى: «ەحوبا ماعان ٴسوزىن ارناپ مىنانى ايتتى:
7 —ساعان اكەڭنىڭ باۋىرى شالۋمنىڭ ۇلى حانامەل كەلىپ: «مەنىڭ اناتوتتاعى+ تانابىمدى ساتىپ الىڭىز، ويتكەنى ونى ساتىپ الۋ قۇقى ٴبىرىنشى كەزەكتە سىزدىكى+»،— دەيتىن بولادى».
8 ەحوبا ايتقانداي، اعامنىڭ ۇلى حانامەل كۇزەتشى اۋلاسىنا كەلىپ، ماعان: «بەنيامين جەرىندە ورنالاسقان اناتوتتاعى تانابىمدى ساتىپ الىڭىزشى، ويتكەنى سىزدە ونى يەلەنۋ دە، ساتىپ الۋ دا قۇقى بار. سوندىقتان وزىڭىزگە ساتىپ الىڭىز»،— دەدى. سوندا مۇنىڭ ەحوبانىڭ سوزىنە ساي بولىپ جاتقانىن ۇقتىم.
9 ٴسۇيتىپ، مەن اعامنىڭ ۇلى حانامەلدەن اناتوتتاعى تانابىن ساتىپ الدىم. مەن وعان جەتى شەكەل* جانە ون كۇمىس شەكەل ولشەپ بەردىم+.
10 سودان ساتىپ الۋ قۇجاتىن جاساپ+، ٴمور باسىپ، كۋاگەرلەر شاقىرىپ+، اقشانى تارازىعا ولشەدىم.
11 سوسىن ساتىپ الۋ قۇجاتىن، زاڭعا جانە تالاپتارعا سايكەس مورلەنگەنىن، سونداي-اق مورلەنبەگەن قۇجاتتى قولىما الدىم.
12 سوسىن ساتىپ الۋ قۇجاتىن اعامنىڭ ۇلى حانامەلدىڭ، وسى قۇجاتقا قول قويعان كۋاگەرلەردىڭ جانە كۇزەتشى اۋلاسىندا+ وتىرعان ياھۋديلەردىڭ ٴبارىنىڭ كوزىنشە ماحسەياحتىڭ نەمەرەسى، نەرياحتىڭ+ ۇلى بارۋحقا+ بەردىم.
13 سولاردىڭ الدىندا بارۋحقا مىنانى بۇيىردىم:
14 «اسكەرباسى ەحوبا، يسرايلدىڭ قۇدايى بىلاي دەيدى: —مىنا قۇجاتتاردى — مورلەنگەن ساتىپ الۋ قۇجاتى مەن مورلەنبەگەن قۇجاتتى الىپ، ۇزاق ۋاقىت ساقتالۋ ٷشىن قىش قۇمىراعا سالىپ قوي.
15 ويتكەنى اسكەرباسى ەحوبا، يسرايلدىڭ قۇدايى: —بۇل ەلدە ۇيلەر، تاناپتار مەن جۇزىمدىكتەر قايتادان ساتىپ الىناتىن كەز كەلەدى+،— دەيدى».
16 نەرياح ۇلى بارۋحقا ساتىپ الۋ قۇجاتىن بەرگەن سوڭ، ەحوباعا بىلاي دەپ دۇعا ەتتىم:
17 «ۋا، الەمنىڭ ٵمىرشىسى ەحوبا! زور كۇشىڭمەن جانە قۇدىرەتتى قولىڭمەن اسپان مەن جەردى جاراتتىڭ+. سەنىڭ قولىڭنان كەلمەيتىن ەش نارسە جوق.
18 مىڭداعاندارعا* اينىماس سۇيىسپەنشىلىك تانىتاسىڭ، ٴبىراق اكەلەرى جاساعان كۇنانىڭ سالدارىن بالالارىنا تارتقىزاسىڭ*+. سەن ۇلى دا قۇدىرەتتى، شىنايى قۇدايسىڭ، ەسىمىڭ — اسكەرباسى ەحوبا.
19 سەنىڭ وي-نيەتىڭ ۇلى، ىستەرىڭ قۇدىرەتتى+. سەنىڭ جانارىڭ ادام بالاسىنىڭ جولىن باقىلايدى+، ٴارقايسىسىنا جۇرگەن جولى مەن ىستەگەن ىسىنە ساي قارىمتاسىن قايتاراسىڭ+.
20 مىسىر ەلىندە بەلگىلەر مەن كەرەمەتتەر جاسادىڭ (بۇل ٵلى كۇنگە دەيىن ايگىلى)، وسىلاي يسرايل مەن بۇكىل ادامزاتقا اتىڭدى شىعاردىڭ+، قازىر دە بۇل سولاي.
21 حالقىڭ يسرايلدى مىسىر ەلىنەن بەلگىلەرمەن، كەرەمەتتەرمەن، قۋاتتى دا قۇدىرەتتى قولىڭمەن، ۇرەي تۋدىراتىن ىستەرمەن الىپ شىقتىڭ+.
22 كەيىنىرەك سەن ولارعا اتا-بابالارىنا ۋادە ەتكەن+ وسى اعى مەن بالى اعىل-تەگىل مول جەردى بەردىڭ+.
23 ولار وسى ەلگە كەلىپ، ونى يەمدەندى، ٴبىراق سەنىڭ ايتقانىڭا مويىنسۇنبادى، زاڭىڭا ساي جۇرمەدى. بۇيىرعاندارىڭنىڭ ٴبىرىن دە ورىندامادى، سوندىقتان دا باستارىنا وسى اپاتتىڭ ٴبارىن جىبەردىڭ+.
24 مىنە، ادامدار كەلىپ، قالانى باسىپ الۋ ٷشىن ٷيىندى جاساپ جاتىر+. سەمسەردەن+، اشتىق پەن ىندەتتەن+ زارداپ شەككەن قالا وزىنە شابۋىل جاساپ جاتقان حالدەيلەردىڭ قولىنا بەرىلەدى. ٶزىڭ كورىپ تۇرعانداي، ايتقاندارىڭنىڭ ٴبارى ورىندالۋدا.
25 ۋا، الەمنىڭ ٵمىرشىسى ەحوبا، بۇل قالا حالدەيلەردىڭ قولىنا بەرىلەتىنىنە قاراماستان، سەن ماعان: —اقشاعا تاناپ ساتىپ ال، بۇعان كۋاگەرلەر شاقىر،— دەپ ايتتىڭ».
26 سوندا ەحوبا ەرەمياعا ٴسوزىن ارناپ بىلاي دەدى:
27 «مەن ەحوبامىن، بۇكىل ادامزاتتىڭ قۇدايىمىن. مەنىڭ قولىمنان كەلمەيتىن نارسە بار ما؟
28 سوندىقتان ەحوبا بىلاي دەيدى: —مىنە، مىنا قالانى حالدەيلەردىڭ جانە بابىل پاتشاسى ناۆۋحودونوسوردىڭ قولىنا بەرمەكپىن. ول قالانى جاۋلاپ الادى+.
29 قالاعا شابۋىل جاساپ جاتقان حالدەيلەر ىشكە كىرىپ، وعان وت قويادى دا، ۇيلەرىمەن قوسا ورتەپ جىبەرەدى+. حالىق وسى ۇيلەردىڭ توبەلەرىندە باعالعا قۇرباندىقتار شالىپ، وزگە تاڭىرلەرگە سۇيىق تارتۋلار توگىپ، مەنى قورلاعان ەدى+.
30 يسرايل مەن ياھۋدا حالقى جاستايىنان مەنىڭ كوز الدىمدا تەك جامان ىستەر جاساپ كەلەدى+. يسرايل حالقى ٸس-ارەكەتتەرىمەن مەنى قورلاۋىن قويار ەمەس،— دەيدى ەحوبا.—
31 مىنا قالا سوعىلعان كۇنىنەن باستاپ بۇگىنگە دەيىن تەك اشۋىم مەن قاھارىمدى تۋعىزىپ كەلەدى+، سوندىقتان ول مەنىڭ كوز الدىمنان قۇرۋعا ٴتيىس+.
32 يسرايل مەن ياھۋدا حالقى مەنى قورلاپ، جاساعان بار زۇلىم ىستەرى ٷشىن وزدەرى دە، پاتشالارى دا+، امىرشىلەرى دە+، ٴدىني قىزمەتكەرلەرى دە، پايعامبارلارى دا+، ياھۋدا جۇرتى مەن يەرۋساليم تۇرعىندارى دا جويىلۋ كەرەك.
33 ولار مەنەن بەت بۇرىپ، تەرىس اينالدى+. ولارعا قايتا-قايتا* ٴتالىم بەردىم، ٴبىراق بىردە-بىرەۋى ونى قابىل الىپ، جونگە سالۋىما كونبەدى+.
34 مەنىڭ ەسىمىممەن اتالاتىن ۇيگە جيىركەنىشتى پۇتتارىن قويىپ، ونى ارامدادى+.
35 سونىمەن قاتار بەن-حەننوم* اڭعارىندا+ باعالعا عيبادات ەتەتىن توبەلەر جاساپ، سول جەردە ۇل-قىزدارىن ورتەپ، مولەككە قۇربان ەتتى+. مەن مۇنى بۇيىرعان دا ەمەسپىن+، مۇنداي جيىركەنىشتى ٸس ويىما* دا كەلگەن ەمەس. وسىلاي ياھۋدا اۋىر كۇناعا باتتى.
36 سوندىقتان سەندەر سەمسەردەن، اشتىق پەن ىندەتتەن زارداپ شەگىپ، بابىل پاتشاسىنىڭ قولىنا بەرىلەدى دەپ جۇرگەن قالا جايلى يسرايلدىڭ قۇدايى ەحوبا بىلاي دەيدى:
37 —اشۋمەن، ىزامەن، زور قاھارمەن بىتىراتىپ جىبەرگەن حالىقتى بارلىق ەلدەردەن قايتا جيناپ+، وسى جەرگە اكەلەمىن، ولار قاۋىپ-قاتەرسىز ٶمىر كەشەدى+.
38 ولار مەنىڭ حالقىم، ال مەن ولاردىڭ قۇدايى بولامىن+.
39 مەن ولارعا ٴبىر جۇرەك+، ٴبىر جول بەرەمىن. سوندا ولار وزدەرىنىڭ دە، كەيىنگى بالالارىنىڭ دا يگىلىگى ٷشىن مەنەن قورقىپ جۇرەتىن بولادى+.
40 مەن ولارمەن ماڭگىلىك كەلىسىم جاساسىپ+، جاقسىلىق جاساۋدى توقتاتپايمىن+. مەنەن سىرت اينالىپ كەتپەۋلەرى ٷشىن، مەنەن قورقۋدى جۇرەكتەرىنە ۇيالاتامىن+.
41 ولارعا قۋانا-قۋانا جاقسىلىق جاسايمىن+، ولاردى بار جۇرەگىممەن، بار جانىممەن وسى ەلدە بەرىك وتىرعىزامىن+.
42 ەحوبا بىلاي دەيدى: —مىنا حالىققا وسىنداي زور اپاتتاردى قالاي جىبەرگەن بولسام، ۋادە ەتكەن بارلىق يگىلىگىمدى دە سولاي توگەمىن+.
43 وزدەرىڭ «ادام دا، اڭ دا تۇرمايتىن ٵرى حالدەيلەردىڭ قولىنا بەرىلگەن قاڭىراعان ەل» دەپ ايتىپ جۇرگەن وسى ەلدە قايتادان تاناپتار ساتىپ الىناتىن بولادى+.
44 بەنيامين جەرىندە، يەرۋساليمنىڭ توڭىرەگىندە، ياھۋدانىڭ قالالارىندا+، تاۋلى وڭىردەگى قالالاردا، ەڭىستەگى قالالاردا+، وڭتۇستىكتەگى قالالاردا تاناپتار اقشاعا ساتىپ الىنادى، ساتىپ الۋ قۇجاتتارى جازىلىپ، ٴمور باسىلىپ، كۋاگەرلەر شاقىرىلادى+. ويتكەنى مەن ولاردىڭ تۇتقىنعا كەتكەندەرىن قايتارامىن+،— دەيدى ەحوبا».
سىلتەمەلەر
^ 1 شەكەل 4.11 گرامعا تەڭ. B14 قوسىمشاسىن قاراڭىز.
^ سوزبە-ٴسوز «اكەلەرىنىڭ كۇناسىن بالالارىنىڭ قوينىنا سالاسىڭ».
^ نەمەسە «مىڭداعان ۇرپاققا».
^ سوزبە-ٴسوز «ەرتە تۇرىپ».
^ تۇسىندىرمەدەگى «جاھاننام» ٴسوزىن قاراڭىز.
^ سوزبە-ٴسوز «جۇرەگىمە».