ەرەميا 33:1—26
33 ەرەميا كۇزەت اۋلاسىندا+ تۇتقىندا وتىرعان كەزدە، ەحوبا وعان ەكىنشى رەت ٴسوزىن ارناپ بىلاي دەدى:
2 «جەردى جاراتۋشى ەحوبا، ونى قالىپتاستىرىپ، بەرىك ورناتقان ەحوبا — ەسىمى ونىڭ ەحوبا — مىنانى ايتادى:
3 —مەنى شاقىر، مەن ساعان جاۋاپ قاتامىن، ٶزىڭ بىلمەيتىن ۇلى ٵرى ادام اقىلىنان اسقان جايتتاردى ايتامىن+.
4 مەن، يسرايلدىڭ قۇدايى ەحوبا، قالا سىرتىنداعى جاۋدىڭ جاساعان ۇيىندىلەرى مەن سەمسەرىنەن قورعانۋ ٷشىن بۇزىلعان وسى قالاداعى ۇيلەر مەن ياھۋدا پاتشاسىنىڭ سارايلارىنا+ قاتىستى،
5 سونداي-اق حالدەيلەرمەن سوعىسۋعا كەلگەن ادامدارعا قاتىستى جانە مەنىڭ اشۋىم مەن قاھارىمنان قىرىلعانداردىڭ (ولاردىڭ زۇلىمدىعىنىڭ كەسىرىنەن وسى قالادان ٴجۇزىمدى جاسىرعانمىن) مايىتىنە تولعان ۇيلەرگە قاتىستى
6 مىنانى ايتامىن: —بۇل قالانى قالپىنا كەلتىرىپ، ايىقتىرامىن+. حالقىن ساۋىقتىرىپ، مول تىنىشتىق پەن قاۋىپسىزدىك* سيلايمىن+.
7 تۇتقىنعا كەتكەن ياھۋدا مەن يسرايلدىڭ حالقىن قايتارامىن+، ولاردى قايتا تۇرعىزىپ، بۇرىنعى قالپىنا كەلتىرەمىن+.
8 ولاردى ماعان قارسى جاساعان بارلىق كۇناسىنان تازارتامىن+، مەنىڭ الدىمدا جاساعان بار كۇناسى مەن قىلمىسىن كەشىرەمىن+.
9 بۇل قالانىڭ اتى مەنى شاتتىققا كەنەلتەدى، وعان ىستەگەن بار جاقسىلىعىمدى ەستىگەن جەر بەتىندەگى بۇكىل حالىقتاردىڭ الدىندا مەنى ماداق پەن ٴسان-سالتاناتقا بولەيدى+. ولار قالاعا ٷيىپ-توككەن جاقسىلىعىم مەن تىنىشتىعىمدى ەستىگەندە+، قورقىپ دىرىلدەيتىن بولادى+.
10 ەحوبا بىلاي دەيدى: —سەندەر ادام دا، مال دا تۇرمايتىن قاڭىراعان ەل دەيتىن وسى جەردە، تۇرعىنى دا، مالى دا جوق ياھۋدانىڭ قالالارى مەن يەرۋساليمنىڭ كوشەلەرىندە قايتادان داۋىستار ەستىلەتىن بولادى.
11 قۋانىش پەن شاتتىقتىڭ+، كۇيەۋجىگىت پەن قالىڭدىقتىڭ ٷنى ەستىلەدى، سونداي-اق «اسكەرباسى ەحوباعا ريزاشىلىق بىلدىرىڭدەر، ويتكەنى ەحوبا ىزگى+، ونىڭ اينىماس سۇيىسپەنشىلىگى ماڭگى+!» دەيتىندەردىڭ داۋسى شىعادى.
ولار ەحوبانىڭ ۇيىنە ريزاشىلىق تارتۋلارىن اكەلەدى+، ويتكەنى وسى ەلدىڭ تۇتقىنعا كەتكەن تۇرعىندارىن قايتارىپ، بۇرىنعى قالپىنا كەلتىرەمىن،— دەيدى ەحوبا.
12 اسكەرباسى ەحوبا مىنانى ايتادى: —ادام دا، مال دا تۇرمايتىن قاڭىراعان وسى ەلدە جانە ونىڭ بارلىق قالاسىنىڭ ماڭىندا قايتادان قويشىلار وتارىن جۋساتاتىن جايىلىمدار بولادى+.
13 تاۋلى ٶڭىردىڭ قالالارىندا، ەڭىستەگى قالالاردا، وڭتۇستىكتەگى قالالاردا، بەنيامين جەرىندە، يەرۋساليمنىڭ اينالاسىندا+، ياھۋدانىڭ قالالارىندا+ وتارداعى قويلار قايتادان ساناقشىنىڭ قول استىنان وتەتىن بولادى،— دەيدى ەحوبا.
14 ەحوبا مىنانى ايتادى: —مىنە، يسرايلدىڭ ۇيىنە جانە ياھۋدانىڭ ۇيىنە قاتىستى بەرگەن ىزگى ۋادەمدى ورىندايتىن كۇندەر كەلە جاتىر+.
15 سول كۇندەرى، سول ۋاقىتتا ٴداۋىتتىڭ اۋلەتىنەن ٵدىل وسكىن*+ شىعارامىن، ول وسى جەرگە ادىلەت پەن ادىلدىك ورناتادى+.
16 سول كۇندەرى ياھۋدا قۇتقارىلىپ+، يەرۋساليم قاۋىپسىز ٶمىر كەشەدى+. سوندا قالا «ادىلدىگىمىزدىڭ قاينارى — ەحوبا» دەپ اتالاتىن بولادى+.
17 ەحوبا مىنانى ايتادى: —ٴداۋىتتىڭ ۇرپاعىنان ارقاشان يسرايل ٷيىنىڭ تاعىندا وتىراتىن ادام بولادى+.
18 سونداي-اق مەنىڭ الدىمدا تۇرىپ، تۇگەل ورتەلەتىن قۇرباندىقتار اكەلەتىن، استىق تارتۋلارىن ورتەيتىن جانە باسقا دا قۇرباندىقتاردى ۇسىناتىن لەۋى رۋىنان ٴدىني قىزمەتكەر دە ٵردايىم بولادى».
19 ەحوبا تاعى دا ەرەمياعا ٴسوزىن ارناپ مىنانى ايتتى:
20 «ەحوبا بىلاي دەيدى: —مەنىڭ كۇن مەن تۇنگە قاتىستى كەلىسىمىمدى بۇزىپ، كۇن مەن ٴتۇننىڭ ٶز ۋاقىتىندا الماسۋىن+ توقتاتا الساڭدار،
21 سوندا عانا قىزمەتشىم داۋىتپەن جاساسقان كەلىسىمىم بۇزىلىپ+، ونىڭ تاعىنا پاتشا رەتىندە وتىراتىن ۇلى بولمايدى+. سوندا عانا ماعان قىزمەت ەتەتىن لەۋى رۋىنان شىققان ٴدىني قىزمەتكەرلەرمەن جاساسقان كەلىسىمىم بۇزىلادى+.
22 اسپان دەنەلەرى مەن تەڭىز جاعاسىنداعى قۇم قيىرشىقتارىنىڭ سانسىز كوپ بولعانىنداي، قىزمەتشىم ٴداۋىتتىڭ ۇرپاعىن جانە ماعان قىزمەت ەتىپ جۇرگەن لەۋىلىكتەردى سانسىز كوپ ەتەمىن».
23 ەحوبا ەرەمياعا تاعى دا ٴسوزىن ارناپ بىلاي دەدى:
24 «مىنا حالىقتىڭ «ەحوبا تاڭداپ العان ەكى اۋلەتتەن باس تارتادى» دەپ جۇرگەنىن ەستىمەدىڭ بە؟ ولار مەنىڭ حالقىمدى مەنسىنبەيدى، ونى حالىق دەپ ساناۋدى قويعان.
25 ەحوبا بىلاي دەيدى: —كۇن مەن تۇنگە+ قاتىستى كەلىسىمىم جانە اسپان مەن جەرگە ورناتقان زاڭدارىم حاق ەكەنىندەي+،
26 جاقىپ پەن قىزمەتشىم ٴداۋىتتىڭ ۇرپاعىنان ەشقاشان باس تارتپايتىنىم دا حاق. سوندىقتان ونىڭ ۇرپاعىنان شىققان بيلەۋشىلەر ىبىرايىمنىڭ، ىسقاقتىڭ جانە جاقىپتىڭ ٷرىم-بۇتاعىنىڭ ۇستىنەن بيلىك ەتەدى. مەن ولاردىڭ تۇتقىندالىپ كەتكەندەرىن قايتا جيناپ+، ولاردى اياپ-مۇسىركەيمىن+».