ەرەميا 39:1—18
39 ياھۋدا پاتشاسى سەدەكيانىڭ بيلىك قۇرۋىنىڭ توعىزىنشى جىلىنىڭ ونىنشى ايىندا بابىل پاتشاسى ناۆۋحودونوسور بۇكىل اسكەرىمەن كەلىپ، يەرۋساليمدى قورشاپ الدى+.
2 سەدەكيانىڭ بيلىك قۇرۋىنىڭ ون ٴبىرىنشى جىلىنىڭ ٴتورتىنشى ايىنىڭ توعىزىنشى كۇنى ولار قالا قابىرعاسىن بۇزدى+.
3 بابىل پاتشاسىنىڭ كۇللى ٵمىرشىسى، اتاپ ايتقاندا: سامعار* نەرگال-شارەزەر، رابساريس* نەبو-سارسەكيم*، رابماگ* نەرگال-شارەزەر مەن بابىل پاتشاسىنىڭ باسقا دا امىرشىلەرى — قالاعا كىردى. ولار ورتاڭعى قاقپا ماڭىنا بارىپ جايعاستى+.
4 ياھۋدا پاتشاسى سەدەكيا مەن ونىڭ ساربازدارىنىڭ ٴبارى ولاردى كورگەندە، قاشپاق بولدى+. ولار ٴتۇن جامىلىپ پاتشا باعىنىڭ قاسىنداعى جولمەن ٴجۇرىپ، ەكى قابىرعانىڭ اراسىندا ورنالاسقان قاقپا ارقىلى قالادان شىقتى دا، ارابا جولىنا ٴتۇستى+.
5 ٴبىراق حالدەي اسكەرى ولاردىڭ سوڭىنا ٴتۇسىپ، سەدەكيانى يەريحون ماڭىنداعى ٴشول دالادا قۋىپ جەتتى+. ٴسۇيتىپ، ونى ۇستاپ الدى دا، حامات+ جەرىندەگى ريبلاعا+، بابىل پاتشاسى ناۆۋحودونوسوردىڭ الدىنا اپاردى. پاتشا وعان سول جەردە ۇكىم شىعاردى.
6 ول ريبلادا سەدەكيانىڭ كوزىنشە ۇلدارىن جانە ياھۋدانىڭ بۇكىل لاۋازىمدى ادامدارىن شاۋىپ ٶلتىرتتى+.
7 سوسىن سەدەكيانىڭ ەكى كوزىن ويىپ، بابىلعا اكەتۋ ٷشىن وعان مىس كىسەن سالدى+.
8 حالدەيلەر پاتشانىڭ سارايىنا جانە جۇرتتىڭ ۇيلەرىنە وت قويىپ+، يەرۋساليم قابىرعالارىن قيراتتى+.
9 باس قورعاۋشى نابۋزاردان+ قالادا قالعان ادامداردى، بابىلدىقتار جاعىنا شىققانداردى جانە ەلدە قالعان باسقا دا جۇرتتى بابىلعا جەر اۋدارىپ اكەتتى.
10 الايدا باس قورعاۋشى نابۋزاردان تاقىر كەدەيلەردىڭ كەيبىرىن ياھۋدا جەرىندە قالدىرىپ، جۇزىمدىكتەردە جۇمىس ىستەۋدى جانە باسقا دا ىستەردى اتقارۋدى* تاپسىرىپ كەتتى+.
11 بابىل پاتشاسى ناۆۋحودونوسور باس قورعاۋشى نابۋزاردانعا ەرەمياعا قاتىستى بۇيرىق بەرىپ:
12 «ونى الدىرتىپ، كوز قىرىڭدى سالىپ ٴجۇر، وعان ەش جاماندىق جاساما، سۇراعانىنىڭ ٴبارىن بەر+»،— دەگەن بولاتىن.
13 سودان باس قورعاۋشى نابۋزاردان، رابساريس نابۋشازبان، رابماگ نەرگال-شارەزەر جانە بابىل پاتشاسىنىڭ باسقا دا لاۋازىمدى ادامدارىنىڭ ٴبارى كىسى جىبەرىپ،
14 كۇزەتشى اۋلاسىندا قاماۋدا وتىرعان ەرەميانى الدىرتتى+. ٴسۇيتىپ، ونى شافاننىڭ+ نەمەرەسى، احيقامنىڭ+ ۇلى عودالياحتىڭ+ قولىنا بەرىپ، ٶز ۇيىنە اپارۋدى تاپسىردى. وسىلاي ەرەميا حالىقتىڭ اراسىندا تۇرىپ جاتتى.
15 ەرەميا كۇزەتشى اۋلاسىندا قاماۋدا وتىرعاندا+، ەحوبا وعان ٴسوزىن ارناپ بىلاي دەگەن ەدى:
16 «ەفيوپيالىق ابدىمالىككە+ بارىپ، اسكەرباسى ەحوبا، يسرايلدىڭ قۇدايى مىنانى ايتادى دە: —وسى قالاعا جاقسىلىق ەمەس، اپات جىبەرەمىن دەگەن ٴسوزىمدى ورىندايمىن. مۇنى ٶز كوزىڭمەن كورەسىڭ.
17 سول كۇنى مەن سەنى امان الىپ قالامىن. ٶزىڭ قورقاتىن ادامداردىڭ قولىنا تۇسپەيسىڭ،— دەيدى ەحوبا.
18 سەنى مىندەتتى تۇردە قۇتقارامىن، سەمسەردىڭ جۇزىنەن ولمەيسىڭ. ماعان سەنىم ارتقانىڭ ٷشىن+، ٶز جانىڭ وزىڭە ولجا بولادى+،— دەيدى ەحوبا».
سىلتەمەلەر
^ بۇل لاۋازىم بولسا كەرەك.
^ نەمەسە «سارايدىڭ باس قىزمەتكەرى».
^ نەمەسە ەۆرەي ماتىنىندەگى سوزدەردىڭ ٴبولىنۋىنىڭ باسقا نۇسقاسىنا ساي: «نەرگال-شارەزەر، سامعار-نەبو، سارسەكيم، رابساريس».
^ نەمەسە «باس ابىز (جۇلدىزجورامالشى)».
^ مۇمكىن: «ەرىكسىز اتقارىلاتىن جۇمىستار».