ەرەميا 41:1—18
41 سول جىلدىڭ جەتىنشى ايىندا ەليشامانىڭ نەمەرەسى، نەتانياحتىڭ ۇلى ىسماعۇل+ قاسىنداعى ون ادامىمەن ميسپاداعى احيقام ۇلى عودالياحقا كەلدى. ىسماعۇل پاتشا اۋلەتىنەن شىققان ٵرى لاۋازىمدى كىسىلەردىڭ ٴبىرى ەدى. ولار ميسپادا+ بىرگە اس ٸشىپ وتىرعاندا،
2 نەتانياح ۇلى ىسماعۇل جانە قاسىنداعى ون ادام ورىندارىنان تۇرىپ، شافاننىڭ نەمەرەسى، احيقامنىڭ ۇلى عودالياحتى سەمسەرمەن شاۋىپ ٶلتىردى. وسىلاي ول بابىل پاتشاسى ەلگە باسشى ەتىپ تاعايىنداپ كەتكەن ادامدى مەرت قىلدى.
3 سونداي-اق ميسپادا عودالياحتىڭ قاسىندا بولعان ياھۋديلەردىڭ ٴبارىن جانە سونداعى حالدەي ساربازدارىن ٶلتىردى.
4 عودالياح ولتىرىلگەننەن كەيىنگى ەكىنشى كۇنى، بۇل تۋرالى ٵلى ەشكىم بىلمەي تۇرعاندا،
5 سيحەمنەن+، شيلودان+ جانە ساماريادان+ ساقالدارى قىرىلعان، كيىمدەرىنىڭ ٶڭىرى جىرتىلعان، دەنەلەرى تىلگىلەنگەن+ 80 ادام قولدارىنا استىق تارتۋى مەن حوش ٴيىستى زاتتار الىپ+، ەحوبانىڭ ۇيىنە كەلە جاتتى.
6 نەتانياح ۇلى ىسماعۇل ميسپادان سولاردىڭ الدىنان جىلاپ-ەڭىرەپ شىقتى. قاستارىنا جەتكەندە، ول: «احيقام ۇلى عودالياحقا جۇرىڭدەر»،— دەدى.
7 الايدا قالاعا كىرگەندە، نەتانياح ۇلى ىسماعۇل مەن قاسىنداعى ادامدار الگىلەردى ٶلتىرىپ، مايىتتەرىن قۇدىققا* تاستادى.
8 ٴبىراق اراسىنداعى ون ادام ىسماعۇلعا: «ٴبىزدى ولتىرمەڭىزشى، دالادا جاسىرىپ قويعان بيداي، ارپا، ماي مەن بال قورىمىز بار»،— دەدى. سوندا ول بۇلارعا تيىسپەي، تەك باۋىرلارىن ٶلتىردى.
9 ىسماعۇل مايىتتەردى تاستاعان قۇدىق وتە ۇلكەن ەدى، ونى اسا پاتشا يسرايلدىڭ پاتشاسى باعاسادان قورعانۋ ٷشىن جاساعان بولاتىن+. وسى قۇدىقتى نەتانياح ۇلى ىسماعۇل ولگەندەردىڭ مايىتىنە تولتىرىپ تاستادى.
10 سوسىن ىسماعۇل ميسپادا+ قالعان جۇرتتىڭ ٴبارىن، پاتشانىڭ قىزدارىمەن قوسا، تۇتقىنعا الدى. بۇلاردى باس قورعاۋشى نابۋزاردان احيقام ۇلى عودالياحتىڭ+ قاراماعىنا بەرىپ كەتكەن ەدى. نەتانياح ۇلى ىسماعۇل تۇتقىنداردى الىپ، امموندىقتارعا+ وتپەك بولىپ، جولعا شىقتى.
11 قارەياح ۇلى جوحانان+ مەن قاسىنداعى اسكەر باسشىلارى نەتانياح ۇلى ىسماعۇلدىڭ جاساعان بار زۇلىمدىعى جايلى ەستىدى.
12 سوندا ولار ادامدارىنىڭ ٴبارىن جيناپ، نەتانياح ۇلى ىسماعۇلمەن شايقاسۋعا اتتاندى. ونى گيبەونداعى ۇلكەن سۋدىڭ* بويىنان تاپتى.
13 ىسماعۇل تۇتقىنعا العان ادامداردىڭ ٴبارى قارەياح ۇلى جوحانان مەن قاسىنداعى اسكەر باسشىلارىن كورگەندە، قۋانىپ كەتتى.
14 ٴسۇيتىپ، ىسماعۇل ميسپادان+ الىپ كەتكەن جۇرت كەرى بۇرىلىپ، قارەياح ۇلى جوحانانمەن بىرگە قايتتى.
15 ال نەتانياح ۇلى ىسماعۇل مەن قاسىنداعى سەگىز ادام جوحاناننان قاشىپ قۇتىلىپ، امموندىقتارعا ٶتىپ كەتتى.
16 وسىلايشا قارەياح ۇلى جوحانان مەن قاسىنداعى اسكەر باسشىلارى نەتانياحتىڭ ۇلى ىسماعۇل احيقامنىڭ ۇلى عودالياحتى ٶلتىرىپ+، ميسپادان تۇتقىنعا اكەتكەن جۇرتتى قۇتقارىپ قالدى. ولار ەر ادامداردى، ساربازداردى، ايەلدەردى، بالا-شاعا مەن ساراي قىزمەتكەرلەرىن گيبەوننان الىپ كەتتى.
17 مىسىرعا قاراي بەت العان+ بۇل كوش ٴبىراز ٴجۇرىپ، بەتلەحەمنىڭ+ جانىنداعى كيمحامنىڭ تۇراقجايىنا توقتادى.
18 ولار حالدەيلەردەن قورقىپ قاشىپ بارا جاتقان ەدى. ويتكەنى نەتانياح ۇلى ىسماعۇل بابىل پاتشاسى ەلگە باسشى ەتىپ تاعايىنداعان احيقام ۇلى عودالياحتى ولتىرگەن بولاتىن+.