ەرەميا 44:1—30
44 مىسىر جەرى — ميعدولدا+، تاحپانحەستە+، نوفتا*+ جانە پاتروستا+ تۇرىپ جاتقان ياھۋديلەرگە+ قاتىستى ەرەميانىڭ العان ٴسوزى:
2 «اسكەرباسى ەحوبا، يسرايلدىڭ قۇدايى مىنانى ايتادى: —سەندەر مەنىڭ يەرۋساليمگە جانە ياھۋدانىڭ بارلىق قالاسىنا جىبەرگەن اپاتتارىمدى+ ٶز كوزدەرىڭمەن كوردىڭدەر. بۇگىندە ولار تاس-تالقان بولىپ، ەلسىز بوس جاتىر+.
3 مۇنىڭ ٴبارى حالىقتىڭ زۇلىم ىستەرىنىڭ كەسىرىنەن بولدى. ولار مەنى قورلاپ، وزدەرى دە، اتا-بابالارى دا بىلمەگەن بوتەن تاڭىرلەرگە تابىندى+، قۇرباندىقتار شالىپ+، قۇلشىلىق ەتتى.
4 قىزمەتشىلەرىم — پايعامبارلاردى ولارعا قايتا-قايتا جىبەرىپ، «مەن جەك كورەتىن وسى جەركەنىشتى ٸستى جاساماڭدارشى» دەۋمەن بولدىم+.
5 ٴبىراق ولار تىڭداعان دا، قۇلاق اسقان دا جوق: زۇلىم جولدارىنان قايتپاي، بوتەن تاڭىرلەرگە قۇرباندىقتار شالۋدى دوعارمادى+.
6 سوندىقتان مەنىڭ لاپ ەتكەن اشۋىم مەن قاھارىم ياھۋدانىڭ قالالارىنا، يەرۋساليمنىڭ كوشەلەرىنە توگىلدى. بۇگىندە سول جەرلەر قيراپ، قاڭىراپ جاتىر+.
7 ەندى اسكەرباسى ٵرى يسرايلدىڭ قۇدايى ەحوبا بىلاي دەيدى: —نەگە ٶز باستارىڭا سۇراپىل اپات تىلەپ جاتىرسىڭدار؟ ەركەكتەر مەن ايەلدەردى، بالالار مەن نارەستەلەردى تۇگەل قىرعىنعا ۇشىراتىپ، ياھۋدانى تامتىقسىز قالدىرماقسىڭدار ما؟
8 وزدەرىڭ تۇرۋ ٷشىن كەلگەن مىسىر ەلىندە وزگە تاڭىرلەرگە قۇرباندىقتار شالىپ، قولدارىڭمەن جاساعان مۇسىندەرگە تابىنىپ، نەگە مەنى قورلايسىڭدار؟ سەندەر قۇرىپ كەتەسىڭدەر، جەر بەتىندەگى حالىقتاردىڭ قارعىسىنا قالىپ، ماسقارا بولاسىڭدار+.
9 ياھۋدا ەلىندە، يەرۋساليم كوشەلەرىندە اتا-بابالارىڭ، ياھۋدا پاتشالارى مەن ولاردىڭ ايەلدەرى+ جاساعان زۇلىم ىستەردى+، سونداي-اق وزدەرىڭنىڭ جانە ايەلدەرىڭنىڭ زۇلىم ىستەرىن+ ۇمىتتىڭدار ما؟
10 وسى كۇنگە دەيىن بۇلارىڭا وكىنگەن دە، مەنەن قورىققان دا جوقسىڭدار+. سونداي-اق وزدەرىڭە جانە اتا-بابالارىڭا بەرگەن زاڭىم مەن نۇسقاۋلارىما ساي جۇرمەدىڭدەر+.
11 سوندىقتان اسكەرباسى ەحوبا، يسرايلدىڭ قۇدايى بىلاي دەيدى: —مەن سەندەرگە اپات جىبەرىپ، ياھۋديلەردىڭ ٴبارىن قۇرتۋدى شەشتىم.
12 مىسىرعا بارىپ تۇرۋعا بەل بۋعان ياھۋدانىڭ تامتىعى مىسىر ەلىندە قۇريدى+. ۇلكەنىنەن كىشىسىنە دەيىن سەمسەردىڭ جۇزىنەن قۇلاپ، اشتىقتان قىرىلادى. ٴيا، ولاردىڭ اجالى سەمسەر مەن اشتىقتان كەلەدى. ولار قارعىسقا ۇشىراپ، ادام شوشىرلىق كۇيگە ٴتۇسىپ، ماسقارا مەن مازاققا قالادى+.
13 يەرۋساليمدى جازالاعانىمداي، مىسىردا تۇرىپ جاتقانداردى دا سەمسەرمەن، اشتىقپەن جانە ىندەتپەن جازالايمىن+.
14 مىسىرعا تۇرۋ ٷشىن بارعان ياھۋديلەردىڭ تامتىعى ياھۋدا جەرىنە ورالۋ ٷشىن قاشىپ قۇتىلمايدى، امان قالمايدى. ولار سول جاققا قايتا ورالىپ، مەكەن ەتۋدى قانشا اڭساعانىمەن، قاشىپ قۇتىلعان بىرەن-سارانىنان باسقا ەشكىم ورالمايدى».
15 سوندا ايەلدەرىنىڭ وزگە تاڭىرلەرگە قۇرباندىق شالىپ جۇرگەندەرىن بىلەتىن ەركەكتەردىڭ ٴبارى، سول جەردە تۇرعان ايەلدەردىڭ توبىرى جانە مىسىر ەلىندە+، پاتروستا+، تۇرىپ جاتقان كۇللى جۇرت ەرەمياعا:
16 «ەحوبانىڭ اتىنان ايتقان سوزدەرىڭىزدى تىڭدامايمىز.
17 قايتا، ٶزىمىز ايتقانداردىڭ ٴبارىن ورىنداپ، اسپان پاتشايىمىنا* قۇرباندىقتار ۇسىنىپ، وعان ارناپ سۇيىق تارتۋلار توگە بەرەمىز+. وسىلاي ياھۋدانىڭ قالالارىندا، يەرۋساليمنىڭ كوشەلەرىندە ٶزىمىز دە، اتا-بابالارىمىز دا، پاتشالارىمىز بەن امىرشىلەرىمىز دە جاساعاندى جاسايمىز. ويتكەنى سول كەزدە ٴبىز تويىنا نان جەپ، جاعدايىمىز جاقسى بولاتىن، باسىمىزعا ەشقانداي اپات تۇسكەن ەمەس ەدى.
18 اسپان پاتشايىمىنا قۇرباندىقتار ۇسىنۋدى جانە وعان ارناپ سۇيىق تارتۋلار توگۋدى قويعالى بەرى، ٴبىز جوقشىلىق كورىپ، سەمسەر مەن اشتىقتان قىرىلىپ كەلەمىز»،— دەدى.
19 ايەلدەر بولسا: «ٴبىز كەزىندە اسپان پاتشايىمىنا قۇرباندىقتار ۇسىنىپ، وعان ارناپ سۇيىق تارتۋلار توككەندە، سونىڭ بەينەسىنە ۇقساتىپ قۇرباندىق نانىن جاساعانىمىزدى، سۇيىق تارتۋلار ۇسىنعانىمىزدى كۇيەۋلەرىمىز ٴبىلىپ، رۇقسات ەتتى عوي»،— دەپ قوستى.
20 ەرەميا سوندا تۇرعان كۇللى جۇرتقا — ايەلدەر مەن ەركەكتەرگە، وزىمەن سويلەسىپ تۇرعان ادامدارعا — بىلاي دەدى:
21 «ياھۋدانىڭ قالالارى مەن يەرۋساليمنىڭ كوشەلەرىندە+ وزدەرىڭ، اتا-بابالارىڭ، پاتشالارىڭ، امىرشىلەرىڭ جانە بۇكىل جۇرتتىڭ اكەلگەن سول قۇرباندىقتارىن ەحوبا ەسىنەن شىعارماي، ويىندا ۇستادى.
22 ەحوبا سەندەردىڭ زۇلىم دا جەركەنىشتى ىستەرىڭە ٵرى قاراي شىداي المادى. سوندىقتان جەرلەرىڭ بۇگىندە كۇل-تالقان بولىپ، ادام شوشىرلىق كۇيگە ٴتۇسىپ، قارعىسقا ۇشىرادى، ەلسىز بوس جاتىر+.
23 وسىنداي قۇرباندىقتار اكەلگەندەرىڭ ٷشىن جانە ەحوبانىڭ ايتقانىن تىڭداماي، زاڭدارى مەن نۇسقاۋلارىن، ەسكەرتۋلەرىن ورىنداماي، ەحوباعا قارسى كۇنا جاساعاندارىڭ ٷشىن، باستارىڭا وسىنداي اپات ٴتۇستى. بۇگىندە مۇنى وزدەرىڭ كورىپ وتىرسىڭدار+».
24 ەرەميا ٴسوزىن جالعاپ، كۇللى حالىققا جانە سونداعى ايەلدەرگە بىلاي دەدى: «مىسىر جەرىندە تۇرىپ جاتقان بارشا ياھۋديلەر، ەحوبانىڭ ٴسوزىن تىڭداڭدار!
25 اسكەرباسى ەحوبا، يسرايلدىڭ قۇدايى بىلاي دەيدى: —وزدەرىڭ دە، ايەلدەرىڭ دە اۋىزبەن ايتقاندارىڭدى قولدارىڭمەن ىستەدىڭدەر. ويتكەنى سەندەر «اسپان پاتشايىمىنا ارناپ قۇرباندىقتار ۇسىنامىز جانە سۇيىق تارتۋلار توگەمىز دەگەن انتىمىزدى مىندەتتى تۇردە ورىندايمىز» دەگەن ەدىڭدەر+. مەيلى، ايەلدەر، سول انتتارىڭدى ورىنداپ، جۇزەگە اسىرا بەرىڭدەر.
26 ەندەشە، مىسىر ەلىندە تۇرىپ جاتقان كۇللى ياھۋديلەر، ەحوبانىڭ ٴسوزىن تىڭداڭدار! ەحوبا بىلاي دەيدى: —مىنە، مەن ۇلى ەسىمىممەن انت ەتەمىن. مىسىر ەلىندە تۇرىپ جاتقان ەشبىر ياھۋدي بۇدان بىلاي «بۇل — الەمنىڭ ٵمىرشىسى ەحوبانىڭ ٴتىرى ەكەنىندەي حاق!»+ دەگەن سوزدەرمەن ەسىمىمدى اۋزىنا الىپ، انت ەتپەيتىن بولادى+.
27 مەن ولارعا جاقسىلىق ەمەس، اپات جىبەرمەك بولىپ باقىلاپ تۇرمىن+. مىسىر ەلىندەگى ياھۋديلەردىڭ ٴبارى قۇرىپ كەتپەيىنشە، سەمسەر مەن اشتىقتان قىرىلادى+.
28 مىسىردان ياھۋداعا سەمسەردەن قاشىپ قۇتىلعان ازعانتاي ادام عانا ورالادى+. سوندا مىسىر ەلىنە تۇرۋعا كەلگەن ياھۋدانىڭ تامتىعى كىمنىڭ ٴسوزى راس ەكەنىنە: مەنىڭ بە، الدە ولاردىڭ با، سوعان كوزدەرى جەتەدى.
29 ەحوبا بىلاي دەيدى: —باستارىڭا اپات تۇسىرەمىن دەگەن ۋادەمنىڭ مىندەتتى تۇردە ورىندالاتىنىن بىلۋلەرىڭ ٷشىن، مەن سەندەردى وسى جەردە جازالايمىن. مۇنىڭ بەلگىسى مىناۋ بولماق:
30 ياھۋدانىڭ پاتشاسى سەدەكيانى جانىن العىسى كەلگەن جاۋى بابىل پاتشاسى ناۆۋحودونوسوردىڭ قولىنا بەرگەنىمدەي+،— دەيدى ەحوبا،— مىسىردىڭ پاتشاسى حوپرا پەرعاۋىندى دا جانىن العىسى كەلىپ جۇرگەن جاۋلارىنىڭ قولىنا بەرەمىن».
سىلتەمەلەر
^ نەمەسە «مەمفيستە».
^ بۇل — جولدان تايعان يسرايلدىكتەر تابىنعان ايەل ٴتاڭىر. تۇسىندىرمەنى قاراڭىز.
