ەرەميا 47:1—7
-
فىلىستىرلەر تۋرالى پايعامبارلىق (1—7)
47 پەرعاۋىن گازانى ٵلى كۇيرەتپەي تۇرعاندا، ەحوبا ەرەميا پايعامبارعا فىلىستىرلەرگە+ قاتىستى ٴسوزىن ارنادى.
2 ەحوبا بىلاي دەيدى:
«مىنە، سولتۇستىكتەن تاسقىن سۋ كوتەرىلىپ كەلەدى.
ول توپان سۋعا اينالىپ،ەل مەن سونداعىنىڭ ٴبارىن،قالا مەن تۇرعىندارىن باسىپ قالادى.
ادامدار ايقاي سالىپ،ەلدە تۇراتىنداردىڭ ٴبارى زار ەڭىرەيتىن بولادى.
3 ايعىرلاردىڭ تۇياق ٴدۇبىرىن،سوعىس اربالارىنىڭ ٴدۇرسىلىن،دوڭگەلەكتەرىنىڭ شۋىلىن ەستىگەندە،ۇرەيى ۇشقان اكەلەر بالالارىن قۇتقارماي،الدى-ارتىنا قاراماي قاشا جونەلەدى.
4 فىلىستىرلەر+ تۇگەلىمەن جويىلاتىن كۇن كەلەدى،سول كۇنى تير+ مەن سيدوندا+ قالعان وداقتاستارىنىڭ ٴبارى قۇريدى.
ويتكەنى ەحوبا فىلىستىرلەردى،قاپتور*+ ارالىنان امان قالعانداردى، قۇرتادى.
5 گازا تاز* بولادى.
اشكەلون ٷنسىز قالادى+.
ۋا، اڭعاردا قالعان ولاردىڭ تامتىعى،قاشانعى دەنەلەرىڭدى تىلگىلەيسىڭدەر+؟
6 ەي، ەحوبانىڭ سەمسەرى+!
قاشان تىنىم تاباسىڭ؟
قىنابىڭا قايتا ورال،دامىل تاۋىپ، تىنىشتال.
7 ول قالاي تىنىم تاپسىن،ەحوبا بۇيىردى عوي.
اشكەلون مەن تەڭىز جاعالاۋىنا قارسى+
ول ونى باعىتتادى عوي».
