ەرەميا 48:1—47
-
مواب تۋرالى پايعامبارلىق (1—47)
48 مواب+ تۋرالى اسكەرباسى ەحوبا، يسرايل قۇدايى مىنانى ايتادى:
«نەبوعا+ قاسىرەت، ويتكەنى ول جويىلدى!
كيرياتايىم+ ماسقارا بولىپ، جاۋ قولىنا ٴتۇستى.
بەرىك قورعانى ماسقارا بولىپ، كۇل-تالقانى شىقتى+.
2 بۇدان بىلاي مواب دارىپتەلمەيدى.
حەشبوندا+ جاۋلار ونى قۇلاتۋدى ويلاستىرىپ:
—جۇرىڭدەر، ونىڭ حالىق دەگەن اتىن وشىرەيىك،— دەۋدە.
ۋا، مادمەن، سەن دە ٷنسىز قال،سەبەبى سوڭىڭا سەمسەر ٴتۇستى.
3 حورونايمنەن+ قاتتى ايعاي،قيراتىلىپ، تاس-تالقان بولىپ جاتقان شۋ ەستىلۋدە.
4 مواب كۇيرەدى،كىشكەنە بالالارى زار ەڭىرەۋدە.
5 لۋحيتكە ورلەپ بارا جاتقاندار توقتاماي جىلاۋدا،حورونايمنەن ٴتۇسىپ كەلە جاتقاندار اپاتتان زار يلەگەندەردىڭ داۋسىن ەستۋدە+.
6 باسساۋعالاپ، قاشىڭدار!
قۇلا تۇزدەگى ارشاداي بولىپ جاسىرىنىڭدار.
7 جەتىستىكتەرىڭ مەن قازىناڭا سەنىم ارتقانىڭ ٷشىن،سەن دە تۇتقىنعا تۇسەسىڭ.
ٴدىني قىزمەتكەرلەرى جانە امىرشىلەرىمەن قوسا،ٴتاڭىرىڭ حاموس+ جەر اۋدارىلىپ كەتەدى.
8 قىرىپ-جويۋشى ٵربىر قالاعا شابۋىلداپ،بىردە-ٴبىر قالا امان قالمايدى+.
اڭعار قۇرىپ كەتەدى،ٷستىرت تە تىپ-تيپىل ەتىلىپ، ەحوبانىڭ ايتقانىنداي بولادى.
9 مواب ٷشىن جول بەلگىسىن قويىڭدار،ول قيراعاندا، تۇرعىندارى قاشا جونەلەدى.
قالالارى ادام شوشىرلىق كۇيگە ٴتۇسىپ، ەل-جۇرتسىز قالادى+.
10 ەحوبانىڭ تاپسىرماسىن سالعىرت ورىندايتىن جاندى قارعىس اتسىن!
سەمسەرىمەن قان توگۋدەن جالتارعان ادامدى قارعىس اتسىن!
11 موابتىقتار جاستايىنان بەيقام ٶمىر كەشىپ كەلەدى،ولار تۇنباسى تۇبىنە تۇسكەن شاراپقا ۇقسايدى.
ولار ٴبىر ىدىستان باسقاسىنا قۇيىلماعان،ەشقاشان جەر اۋدارىلماعان.
سوندىقتان دا ونىڭ ٴدامى جاقسارماعان،ٴيىسى دە ەش وزگەرمەگەن.
12 مىنە، سوندىقتان ولاردى توڭكەرىپ تاستايتىن ادامداردى جىبەرەتىن كۇندەر كەلە جاتىر،— دەيدى ەحوبا.— بۇلار كەلىپ، ولاردىڭ ىدىستارىن توڭكەرىپ، بوساتادى، ۇلكەن قۇمىرالارىنىڭ بىت-شىتىن شىعارادى.
13 يسرايل ٷيى ٶزى سەنىم ارتقان بەتەل ٷشىن ۇياتقا قالعانىنداي، موابتىقتار دا حاموس ٷشىن ۇياتقا قالادى+.
14 وزدەرىڭدى «شايقاسقا دايىن مىقتى جاۋىنگەرمىز»+ دەۋگە قالاي اۋىزدارىڭ بارادى؟
15 مواب جويىلدى، قالالارى باسىپ الىندى+،بەتكە ۇستار جاس جىگىتتەرى قىرىلدى+،— دەيدى پاتشا،ەسىمى ونىڭ — اسكەرباسى ەحوبا+.
16 موابتىقتاردىڭ باسىنا تۇسەتىن اپات جاقىن قالدى،ولاردىڭ كۇيرەيتىن كەزى اسىعىپ كەلەدى+.
17 ولارعا اينالاسىنداعىلاردىڭ بارلىعى،ولاردىڭ ەسىمىن بىلەتىندەردىڭ ٴبارى، ايانىشپەن قارايتىن بولادى.
ولارعا: —قالايشا مىقتى دا اسەم اساتاياق سىنىپ قالدى؟!— دەڭدەر.
18 ۋا، ديبوندا+ تۇرىپ جاتقان قىز،اتاق-داڭقىڭنان باس تارت، سۋساپ-شولدەپ وتىر*!
سەبەبى موابتى قىرىپ-جويۋشى ساعان كەلىپ قالدى،ول بەكىنىستى جەرلەرىڭدى ويران ەتەدى+.
19 اروگەردىڭ+ تۇرعىنى، جول بويىنا شىعىپ، قارا.
قاشىپ كەلە جاتقان ەركەكتەن، باسساۋعالاعان ايەلدەن: —نە بولدى؟— دەپ سۇرا.
20 مواب ماسقارا بولدى، ونىڭ ۇرەيى ۇشتى.
زار ەڭىرەپ، جىلاپ-سىقتاڭدار.
موابتىڭ كۇيرەگەنىن ارنوندا+ جاريالاڭدار.
21 ٷستىرتتى ەلدەگى بارلىق قالاعا ۇكىم شىعارىلدى+. اتاپ ايتقاندا، حولونعا، ياحاسقا+، مەفاعاتقا+،
22 ديبونعا+، نەبوعا+، بەت-ديبلاتايمگە،
23 كيرياتايىمعا+، بەت-عامۋل مەن بەت-مەونعا+،
24 كەريوتقا+، بوسراعا جانە موابتىڭ الىس-جاقىن باسقا قالالارىنىڭ بارىنە ۇكىم شىعارىلدى.
25 موابتىڭ كۇشى* كۇيرەتىلدى.
قۇدىرەتتى قولى سىندىرىلدى،— دەيدى ەحوبا.
26 ونى ماس قىل+، ويتكەنى ەحوبانىڭ الدىندا كەۋدە كوتەردى+.
مواب ٶز قۇسىعىنا اۋناۋدا.
ول كۇلكى-مازاققا اينالدى.
27 سەن يسرايلدى مازاق ەتپەپ پە ەدىڭ+؟
باسىڭدى شايقاپ، وعان قارسى سويلەيتىندەي،ول ۇرىلاردىڭ اراسىنان ۇستالىپ پا ەدى؟
28 موابتىڭ تۇرعىندارى، قالالاردان كەتىپ، جارتاستاردى مەكەن ەتىڭدەر،قۇزدارعا ۇيا سالاتىن كەپتەرلەرگە ۇقساڭدار».
29 «موابتىڭ وركوكىرەكتىگى تۋرالى ەستىدىك، ول وتە تاكاپپار.
ونىڭ داندايسىعانى، كەۋدە كوتەرگەنى، تاكاپپارلانعانى، جۇرەگىنىڭ پاڭدانعانى قۇلاعىمىزعا جەتتى+».
30 «مەن ونىڭ اشۋ-ىزاسىن بىلەمىن،— دەيدى ەحوبا،ول قۇر ماقتانادى، بىردە-ٴبىر ٴسوزىن ورىندامايدى.
31 سوندىقتان مواب ٷشىن ەڭىرەيمىن،بۇكىل موابتى ويلاپ زارلايمىن.
كير-حەرەس ادامدارى ٷشىن كۇڭىرەنەمىن+.
32 جازەر+ ٷشىن قايعىرىپ جىلاعانىمنان،ۋا، سيبمانىڭ+ ٴجۇزىم بۇتاعى، سەن ٷشىن قاتتىراق جىلايمىن.
جايقالعان ساباقتارىڭ تەڭىزدىڭ ارعى بەتىنە جەتتى.
ولار تەڭىزگە دەيىن، جازەرگە دەيىن جەتتى.
جازعى جەمىستەرىڭ مەن جيناعان جۇزىمدەرىڭەقىرىپ-جويۋشى باس سالدى+.
33 مواب جەرىندەگى، باق ىشىندەگىقۋانىش پەن شاتتىق ٷنى ٶشتى+.
مەن ٴجۇزىم سىعاتىن ورىننان شىرىن اقپايتىن ەتتىم.
بۇدان بىلاي ەشكىم قۋانا ايقايلاپ ٴجۇزىم تاپتامايدى،ەندىگى ايقاي قۋانىشتىڭ ايقايى بولمايدى+».
34 «حەشبونداعى+ قاتتى داۋىس ەلالەحكە+ جەتىپ تۇر،ولاردىڭ ٷنى ياحاسقا+ دەيىن، سيعوردان حورونايمگە+ دەيىن،ودان ٵرى ەگلات-شەليشياعا دەيىن ەستىلەدى.
ٴتىپتى ٴنيمريمنىڭ سۋلارى تارتىلىپ قالادى+.
35 بۇدان بىلاي مواب جەرىندە،— دەيدى ەحوبا،عيبادات توبەلەرىندە قۇرباندىق شالاتىندار،ٶز قۇدايىنا حوش ٴيىستى زاتتار تۇتەتەتىندەر بولمايدى.
36 سوندىقتان دا مواب ٷشىن جۇرەگىم سىبىزعىداي سىڭسىپ قايعىرادى+.
كير-حەرەستىڭ ادامدارى ٷشىن جۇرەگىم سىبىزعىداي سىڭسىپ قايعىرادى.
ونىڭ جيىپ-تەرگەن بايلىعى قۇرىپ كەتەدى.
37 قايعىدان ٴبارى شاشىن تاقىرلاپ+،ساقالدارىن قىرىپ تاستاعان.
ٴبارىنىڭ قولدارى تىلگىلەنگەن+،بەلدەرىنە ازالى كيىم* بايلانعان+.
38 موابتىڭ ٵربىر ٷيىنىڭ توبەسىندە،كوپشىلىك الاڭداردىڭ بارلىعىندازار يلەگەن داۋىستار عانا ەستىلەدى.
ويتكەنى مەن كەرەكسىز قۇمىراداي،موابتى سىندىرىپ تاستادىم،— دەيدى ەحوبا.
39 ونىڭ زارە-قۇتى قاشقان!
وكسىپ جىلاڭدار، مواب تۇرعىندارى!
مواب ماسقارا بولىپ، تەرىس اينالدى!
ول كۇلكى-مازاققا قالدى،اينالاسىنداعىلار شوشىناتىن كۇيگە ٴتۇستى.
40 سوندىقتان ەحوبا بىلاي دەيدى:
—مىنە، جاۋ بۇركىتتەي جەمتىگىنە شۇيلىگىپ+،موابتىڭ ۇستىنەن قاناتىن جايادى+.
41 قالالارى جاۋ قولىنا وتەدى،بەكىنىستەرى باسىپ الىنادى.
سول كۇنى مواب ساربازدارىنىڭ جۇرەگىتولعاتقان ايەلدىڭ جۇرەگىندەي بولادى.
42 مواب حالىق بولۋدان قالادى+،ويتكەنى ول ەحوبانىڭ الدىندا كەۋدەسىن كەردى+.
43 سەندەردى ۇرەي، ور مەن تۇزاق كۇتىپ تۇر،و، موابتىڭ تۇرعىندارى،— دەيدى ەحوبا.
44 ۇرەيدەن قاشقاندار ورعا قۇلايدى،ال وردان شىققاندار تۇزاققا تۇسەدى.
ويتكەنى مەن موابتى جازالايتىن جىل كەلەدى،— دەيدى ەحوبا.
45 قاشقىندار ابدەن السىرەپ،حەشبوننىڭ كولەڭكەسىندە تۇرادى.
ويتكەنى حەشبوننان وت،سيحوننىڭ+ ىشىنەن جالىن شىعىپ،موابتىڭ ماڭدايىن،ابىرجىعان ۇلدارىنىڭ توبەسىن جالمايدى+.
46 ۋا، مواب، قاسىرەتكە قالدىڭ!
حاموسقا+ تابىناتىن حالىق قۇرىپ كەتتى.
ۇلدارىڭ تۇتقىنعا الىنىپ،قىزدارىڭ جەر اۋدارىلدى+.
47 ٴبىراق مەن سوڭعى كۇندەرى موابتىڭ تۇتقىنداعى حالقىن قايتا جينايمىن،— دەيدى ەحوبا.
موابقا قاتىستى ايتىلعان ۇكىم وسىمەن بىتەدى+».
سىلتەمەلەر
^ مۇمكىن: «قۇرعاق جەرگە وتىر».
^ سوزبە-ٴسوز «ٴمۇيىزى».
^ تۇسىندىرمەنى قاراڭىز.
