ەرەميا 49:1—39
49 امموندىقتار+ تۋرالى ەحوبا بىلاي دەيدى:
«يسرايلدىڭ ۇلدارى جوق پا ەدى؟
الدە ونىڭ مۇراگەرى جوق پا ەكەن؟
نەگە مالحام+ عادتى يەمدەنىپ الدى+؟
نەلىكتەن وعان تابىنۋشىلار يسرايل قالالارىندا تۇرىپ جاتىر؟
2 مىنە، سوندىقتان دا امموندىقتاردىڭ+ رابباسىنا+ قارسىسوعىس دابىلى* ەستىلەتىن كۇندەر كەلە جاتىر.
ول قاڭىراپ بوس جاتقان توبەگە اينالادى،وعان قاراستى* قالالار ورتكە ورانادى،— دەيدى ەحوبا.
يسرايل ٶز جەرىن يەمدەنگەندەردىڭ جەرىن يەمدەنەتىن بولادى+،— دەيدى ەحوبا.
3 ەي، حەشبون، زار ەڭىرە، ويتكەنى گايدىڭ تاس-تالقانى شىقتى!
ەي، رابباعا قاراستى قالالار، ايعايلاڭدار!
ازالى كيىم كيىڭدەر.
زار ەڭىرەپ، تاس قورالاردى ارالاڭدار،جالعان ٴتاڭىر مالحام جەر اۋدارىلادى،ول ابىزدارى جانە امىرشىلەرىمەن قوسا ايدالادى+.
4 و، وپاسىز قىز، نەگە اڭعارلارىڭا ماقتاناسىڭ؟
نەگە اعىن سۋى مول اڭعارلارىڭا ماقتاناسىڭ؟
ٶز قازىناڭا سەنىم ارتىپ:
—كىم ماعان قارسى كەلەدى؟— دەپ ايتاسىڭ.
5 اينالاڭداعىنىڭ بارىنەنساعان قورقىنىشتى پالە اكەلە جاتىرمىن.
سەن جان-جاققا بىتىراپ كەتەسىڭ،قاشقىنداردى جينايتىن ەشكىم بولمايدى،— دەيدى الەمنىڭ ٵمىرشىسى اسكەرباسى ەحوبا.
6 ٴبىراق تۇتقىنعا كەتكەن امموندىقتاردى كەيىن قايتا جينايمىن،— دەيدى ەحوبا».
7 اسكەرباسى ەحوبا ەدوم تۋرالى بىلاي دەيدى:
«تەماندا+ دانالىقتىڭ قالماعانى ما؟
دانىشپانداردا جاقسى اقىل-كەڭەس قۇرىپ قالدى ما؟
ولاردىڭ دانالىعى جارامسىز بولدى ما؟
8 ۋا، دەداننىڭ+ تۇرعىندارى، كەرى بۇرىلىپ، قاشىڭدار!
بارىپ، تومەن جەرلەردە جاسىرىنىڭدار!
ويتكەنى ەساۋدىڭ ٷرىم-بۇتاعىن* جازالايتىن كەز كەلگەندە،ونىڭ باسىنا اپات تۇسىرەمىن.
9 ەگەر ساعان ٴجۇزىم جيناۋشىلار كەلسە،ارتىنان ماساق قالدىرماۋشى ما ەدى؟
ەگەر تۇندە ۇرىلار تۇسسە،قالاعانىن عانا توناپ اكەتپەيتىن بە ەدى+؟
10 ال مەن ەساۋدىڭ دىمىن قالدىرماي جالاڭاشتايمىن.
جاسىرىناتىن جەرلەرىنىڭ ٴبارىن اشىپ تاستايمىن،سوندا ونىڭ تىعىلاتىن جەرى قالمايدى.
بالالارى، باۋىرلارى مەن كورشىلەرى تۇگەل قىرىلادى+،ٶزى دە ٴبىرجولا قۇرىپ، جوق بولادى+.
11 جەتىم بالالارىڭدى قالدىر،ولاردىڭ ٶمىرىن ساقتاپ قالامىن،جەسىرلەرىڭ ماعان سەنىم ارتاتىن بولادى».
12 ەحوبا مىنانى ايتادى: «مىنە، قاھارىما تولى توستاعاننان ٸشۋ جازاسىنا كەسىلمەگەندەر ودان ىشەتىن بولسا، سەن قالاي جازاسىز قالماقسىڭ؟ سەن جازادان قاشىپ قۇتىلمايسىڭ، بۇل توستاعاننان ٴسوزسىز ىشەسىڭ+».
13 «وزىممەن انت ەتەمىن،— دەيدى ەحوبا،— بوسرا قالاسى ادام شوشىرلىق كۇيگە ٴتۇسىپ+، مازاققا قالىپ، جەرمەن-جەكسەن بولادى جانە قارعىسقا ۇشىرايدى. وعان قاراستى قالالاردىڭ ٴبارى ٴبىرجولا قيرايدى+».
14 مەن ەحوبادان حابار الدىم،حالىقتاردىڭ اراسىنا ەلشى جىبەرىلدى.
ول: «باس قوسىپ، وعان قارسى اتتانىڭدار،شايقاسۋعا دايىندالىڭدار»،— دەپ جاريالايدى+.
15 «مىنە، مەن سەنى حالىقتاردىڭ اراسىندا ماڭىزسىز،ادامداردىڭ اراسىندا جەككورىنىشتى ەتتىم+.
16 سەن وزگەلەردىڭ ۇرەيىن ۇشىرعانىڭا،جۇرەگىڭنىڭ مەنمەندىگىنە الداندىڭ.
ەي، بيىك توبەگە ورنىعىپ،جارتاستار اراسىن مەكەندەۋشى!
ۇياڭدى بۇركىت سياقتى قياعا سالساڭ دا،مەن سەنى سول جەردەن قۇلاتامىن»،— دەيدى ەحوبا.
17 «ەدوم ادام شوشىرلىق كۇيگە تۇسەدى+. وتكەن-كەتكەندەر ونىڭ باسىنا تۇسكەن اپاتتىڭ ٴبارىن كورگەندە، جاندارى تۇرشىگىپ، تاڭعالا ىسقىراتىن بولادى.
18 مەن سودوم، عومورا جانە كورشىلەس قالالارىن قۇرتقانىمداي+، ونى دا قۇرتامىن،— دەيدى ەحوبا،— وندا ەشكىم قونىستانبايدى، ادام بالاسى تۇرمايدى+.
19 مىنە، يورداننىڭ بويىنداعى قالىڭ توعايلاردان قاۋىپسىز جايىلىمعا شىعا كەلگەن ارىستانداي بىرەۋ كەلەدى+، سول ساتتە-اق مەن ونى ٶز جەرىنەن قاشۋعا ٴماجبۇر ەتەمىن. سوسىن سول جەردىڭ ۇستىنەن ٶزىم تاڭداعان بىرەۋدى تاعايىندايمىن. ماعان تەڭ كەلەتىن كىم بار؟ مەنىمەن داۋلاسۋعا كىمنىڭ ٴداتى بارادى؟ قانداي باعۋشى ماعان قارسى تۇرا الادى+؟
20 ولاي بولسا، ۋا، ادامدار، ەحوبانىڭ ەدومعا شىعارعان شەشىمىن جانە تەماننىڭ+ تۇرعىندارىنا قارسى نە ويلاستىرعانىن تىڭداڭدار:
وتارداعى توقتىلار سۇيرەپ اكەتىلەدى.
ىستەگەن زۇلىمدىقتارىنىڭ كەسىرىنەن مەكەندەرى قاڭىراپ بوس قالدىرىلادى+.
21 ولاردىڭ قۇلاعان گۇرسىلىنەن جەر سىلكىندى.
ايقايلاعان داۋىستار شىعۋدا.
ول قىزىل تەڭىزگە+ دەيىن جەتۋدە.
22 مىنە، ول بۇركىت سياقتى اسپانعا كوتەرىلىپ الىپ،سوسىن تومەن قاراي شۇيلىگەدى+،قاناتتارىن بوسرا قالاسىنىڭ ۇستىنە جايادى+.
سول كۇنى ەدوم ساربازدارىنىڭ جۇرەگىتولعاتقان ايەلدىڭ جۇرەگىندەي بولادى».
23 داماسك تۋرالى حابار+.
«حامات+ پەن ارپاد قالالارى،سۋىق حابار ەستىپ، ۇياتقا قالدى.
ولاردىڭ جىگەرى قۇم بولدى.
حالىق بۋىرقانعان تەڭىزدەي تىنىشتالار ەمەس.
24 داماسك باتىلدىعىنان ايىرىلدى.
ول كەرى قاشپاق ەدى، ٴبىراق قاتتى شوشىپ تۇرىپ قالدى.
تولعاتىپ جاتقان ايەلدەي قينالىپ، ازاپقا ٴتۇستى.
25 سالتاناتتى، قۋانىشقا تولى قالانىتۇرعىندارى نەگە تاستاپ كەتپەدى؟
26 ەندەشە، جاس جىگىتتەرى كوپشىلىك الاڭداردا مەرت بولادى،ساربازدارىنىڭ ٴبارى سول كۇنى قىرىلادى،— دەيدى اسكەرباسى ەحوبا.
27 —مەن داماسكىنىڭ قابىرعالارىنا وت قويامىن،سوندا ول بەن-حادادتىڭ بەكىنىس مۇنارالارىن جالمايدى+».
28 بابىل پاتشاسى ناۆۋحودونوسور كۇيرەتكەن كەدار+ مەن حاسور پاتشالىعى تۋرالى ەحوبا بىلاي دەيدى:
«تۇرىڭدار دا، كەدارعا ورلەپ بارىڭدار،شىعىس ۇلدارىنىڭ كوزىن قۇرتىڭدار.
29 ولاردىڭ شاتىرلارى مەن وتارلارى،شاتىر جابىندارى مەن دۇنيە-مۇلكى تارتىپ الىنادى.
تۇيەلەرى ايداپ اكەتىلەدى،سوندا ادامدار: —اينالانى قورقىنىش جايلادى!— دەپ ايعايلايدى».
30 «ۋا، حاسوردىڭ تۇرعىندارى،قاشىڭدار، الىسقا قاشىڭدار!
بارىپ، تەرەڭ جەرلەرگە جاسىرىنىڭدار!
ويتكەنى بابىل پاتشاسى ناۆۋحودونوسور شابۋىل ٴتاسىلىن جوسپارلادى،سەندەرگە قارسى ايلا-امال ويلاستىردى»،— دەيدى ەحوبا.
31 «تۇرىڭدار دا، بەيبىت جاتقان حالىققا،قاۋىپسىز تۇرىپ جاتقاندارعا اتتانىڭدار!»— دەيدى ەحوبا.
«ولاردىڭ ەسىكتەرى دە، ىسىرمالارى دا جوق، وقشاۋ تۇرىپ جاتىر.
32 تۇيەلەرى تونالىپ،قىرۋار وتار-تابىندارى ولجا بولادى.
مەن ساماي شاشتارىن قىراتىنداردى+
جان-جاققا بىتىراتامىن.
ولارعا شارتاراپتان اپات جىبەرەمىن،— دەيدى ەحوبا.
33 —حاسور شيبورىلەردىڭ مەكەنىنە اينالىپ،ٴبىرجولا قاڭىراپ بوس قالادى.
وندا ەشكىم قونىستانبايدى،ادام بالاسى تۇرمايدى».
34 ياھۋدا پاتشاسى سەدەكيانىڭ+ بيلىك قۇرۋىنىڭ باسىندا ەحوبا ەرەميا پايعامبارعا ٴسوزىن ارناپ، ەلام+ تۋرالى ايتقاندارى:
35 «اسكەرباسى ەحوبا بىلاي دەيدى: —مەن ەلامنىڭ+ كۇش-قۋاتىنىڭ كوزى بولعان ساداعىن سىندىرامىن.
36 ەلامعا جەردىڭ ٴتورت بۇرىشىنان ٴتورت جەل سوققىزىپ، وسى جەلمەن ولاردى شاشىراتىپ جىبەرەمىن. سوندا ەلام قاشىپ بارماعان ەشبىر ەل قالمايدى».
37 «مەن جانىن العىسى كەلىپ جۇرگەن جاۋلارىنىڭ الدىندا ەلامدىقتاردىڭ ۇرەيىن ۇشىرامىن. ولاردىڭ باسىنا اپات جىبەرىپ، لاۋلاپ تۇرعان قاھارىمدى توگەمىن،— دەيدى ەحوبا.— ولاردىڭ كوزىن تولىعىمەن قۇرتپايىنشا، سوڭدارىنان سەمسەر جىبەرەمىن».
38 «ەلامعا+ تاعىمدى ورناتىپ، سول جەردەگى پاتشانى دا، امىرشىلەردى دە جويامىن»،— دەيدى ەحوبا.
39 «ٴبىراق سوڭعى كۇندەرى مەن ەلامنىڭ تۇتقىنعا كەتكەن حالقىن قايتا جينايمىن»،— دەيدى ەحوبا.
