ەرەميا 51:1—64
51 ەحوبا بىلاي دەيدى:
«مىنە، مەن جويقىن جەل تۇرعىزىپ،بابىلعا+ جانە لەب-كامايدىڭ* تۇرعىندارىنا سوققىزامىن.
2 بابىلعا استىق جەلپۋشىلەردى جىبەرەمىن،ولار ونى جەلپىپ، ەلىن بوس قالدىرادى،باسىنا اپات تۇسكەن كۇنى وعان جان-جاقتان تاپ بەرەدى+.
3 ساداقشى ساداعىن كەرمەسىن،ساۋىت كيگەننىڭ ەشقايسىسى ورنىنان تۇرماسىن.
جاس جىگىتتەرىن اياماڭدار+،اسكەرىن ونىڭ تۇگەل قىرىپ-جويىڭدار.
4 ولار حالدەيلەر جەرىندە مەرت بولادى،كوشەلەرىندە تۇيرەلىپ جاتادى+.
5 اسكەرباسى ەحوبا يسرايل مەن ياھۋدانى جەسىر ەتىپ قالدىرمادى+.
ال حالدەيلەردىڭ ەلى يسرايلدىڭ كيەلى قۇدايىنىڭ كوزىندە كۇناعا باتتى.
6 بابىلدان قاشىڭدار،جاندارىڭدى امان ساقتاڭدار+.
ونىڭ ايىبى ٷشىن قۇرىپ كەتپەڭدەر.
ويتكەنى ەحوبانىڭ كەك الاتىن ۋاقىتى كەلدى،وعان ٶز ىستەرىنىڭ ەسەسىن قايتارادى+.
7 بابىل ەحوبانىڭ قولىنداعى التىن توستاعان بولاتىن.
ول جەر بەتىندەگىلەردىڭ ٴبارىن ماس قىلدى.
حالىقتار ونداعى شاراپتان ٸشىپ ماس بولدى+،ولاردىڭ ەسى اۋىسقانى دا سودان+.
8 بابىل كەنەتتەن قۇلاپ، تاس-تالقان بولدى+،ونى جوقتاپ، زار ەڭىرەڭدەر+!
اۋىرسىنۋىن باساتىن شيپاماي الدىرتىڭدار، بالكىم، ساۋىعىپ كەتەر».
9 «ٴبىز بابىلدى ەمدەۋگە تىرىستىق، ٴبىراق ول ايىقپادى.
ونى تاستاپ، ٴارقايسىسىمىز ٶز ەلىمىزگە قايتايىق+.
جازاعا لايىق قىلمىسى كوككە جەتتى،بۇلتتارعا دەيىن كوتەرىلدى+.
10 ەحوبا ٴبىز ٷشىن ادىلدىك ورناتتى+،جۇرىڭدەر، سيوندا قۇدايىمىز ەحوبانىڭ ٸسىن پاش ەتەيىك+».
11 «جەبەلەرىڭدى ۇشكىرلەپ+، قولدارىڭا دوڭگەلەك قالقان الىڭدار*.
ەحوبا ميديا پاتشالارىنىڭ جۇرەگىنە قوزعاۋ سالدى+،سەبەبى ول بابىلدى كۇيرەتپەكشى.
وسىلاي ەحوبا كەك قايتارادى، ٶز عيباداتحاناسى ٷشىن كەك الادى.
12 بابىلدىڭ قابىرعالارىنا شابۋىلداۋ ٷشىن بەلگى ورناتىڭدار+.
كۇزەتتى كۇشەيتىڭدەر، قاراۋىل قويىڭدار.
تورۋىلداپ جاتقاندار دا دايىندالسىن.
ويتكەنى ەحوبا شابۋىل ٴتاسىلىن ويلاستىردى،بابىل تۇرعىندارىنا قاتىستى ايتقان ۋادەسىن ورىنداماق+».
13 «ۋا، كوپ سۋدىڭ ۇستىندە وتىرعان+،مول قازىناعا كەنەلگەن ايەل+،ٶزىڭنىڭ دە، ارام پايداڭنىڭ دا بىتكەن جەرى وسى+.
14 اسكەرباسى ەحوبا وزىمەن انت ەتىپ:
—مەن ساعان شەگىرتكەدەي سانسىز كوپ ادام جىبەرەمىن،ولار سەنى جەڭىپ، شاتتانا ايقايلايدى+،— دەدى.
15 ول — جاراتۋشى، قۇدىرەتىمەن جەردى جاراتقان،دانالىعىمەن قۇنارلى جەردى بەرىك ەتىپ ورناتقان+،اقىل-پاراساتىمەن اسپان كەڭىستىگىن جايعان+.
16 ونىڭ داۋسى ەستىلگەندە،اسپانداعى سۋلار بۋىرقانادى.
ول جەردىڭ شەت-شەتىنەن بۇلتتاردى* كوتەرەدى.
جاڭبىر جاۋعىزۋ ٷشىن نايزاعاي ويناتادى*،قويمالارىنان جەلدى الىپ شىعادى+.
17 ٴبارى پاراساتسىزدىقپەن، بىلىمسىزدىكپەن ارەكەت ەتەدى.
تەمىر ۇستاسى بالقىتىپ جاساعان ٴمۇسىنى ٷشىن ماسقاراعا قالادى+.
مۇنداي ٴمۇسىن جالعان، وندا تىرشىلىك لەبى* جوق+.
18 پۇتتار — بوس نارسە+، ٵجۋا-مازاققا قالاتىندار.
جاۋاپقا تارتىلاتىن كۇن كەلگەندە، قۇرىپ جوق بولادى.
19 جاقىپتىڭ قۇدايى* سول نارسەلەردەي ەمەس.
ول ٴبارىنىڭ — جاراتۋشىسى،ٴتىپتى ٶزىنىڭ مەنشىگىنىڭ اساتاياعى+.
ونىڭ ەسىمى — اسكەرباسى ەحوبا+».
20 «سەن سوعىسقا ارنالعان سويىلىمسىڭ، قارۋىمسىڭ.
سەن ارقىلى حالىقتاردى كۇل-تالقان ەتەمىن،سەن ارقىلى پاتشالىقتاردى ويراندايمىن.
21 سەن ارقىلى جويامىن ات پەن سالت اتتىنى،سوعىس ارباسى مەن ونىڭ ايداۋشىسىن.
22 سەن ارقىلى قىرامىن ەركەك پەن ايەلدى،كارى مەن بالانى، جاس جىگىت پەن بويجەتكەندى.
23 سەن ارقىلى قۇرتامىن شوپان مەن ونىڭ وتارىن،ديقان مەن ونىڭ جەر جىرتاتىن مالىن،بيلەۋشىلەر مەن باسقارۋشىلاردى.
24 كوز الدارىڭدا سيوندا جاساعان بار زۇلىمدىعى ٷشىن،بابىل مەن حالدەي تۇرعىندارىنا ٴتيىستى جازاسىن بەرەمىن+»،— دەيدى ەحوبا.
25 «مەن ساعان قارسى شىعامىن+، و، ويرانداتۋشى تاۋ،بۇكىل جەر بەتىن قىرىپ-جويۋشى+.
ساعان قارسى كۇشىمدى قولدانىپ، جارتاستان تومەن دومالاتامىن،سەنى تىپ-تيپىل بوپ ورتەنىپ كەتكەن تاۋعا اينالدىرامىن»،— دەيدى ەحوبا.
26 «جۇرت سەنەن نە بۇرىشقا، نە ىرگەتاسقا قوياتىن تاس المايتىن بولادى،ويتكەنى سەن ماڭگىلىككە قاڭىراپ بوس قالاسىڭ+»،— دەيدى ەحوبا.
27 «ەلدە بەلگى ورناتىڭدار+،حالىقتار اراسىندا كەرنەيلەتىڭدەر.
بابىلمەن سوعىسۋعا حالىقتاردى تاعايىنداڭدار*.
ارارات+، مينني، اشكەناز+ پاتشالىقتارىن جيناڭدار.
وعان قارسى اسكەر جينايتىن جاۋىنگەر سايلاڭدار،اتتاردى قۇجىناعان جاس شەگىرتكەدەي قاپتاتىڭدار.
28 وعان قارسى شىعۋعا حالىقتاردى،ميديا پاتشالارىن+، ونىڭ بيلەۋشىلەرى مەن باسقارۋشىلارىن،ولاردىڭ قول استىنداعى بارلىق ەلدەردى تاعايىنداڭدار*.
29 جەر سىلكىنىپ، دىرىلدەسىن،ويتكەنى بابىل ەلىن قاڭىراتىپ، ادام شوشىرلىق كۇيگە ٴتۇسىرۋ ٷشىن،ەحوبانىڭ بابىلعا قارسى ويلاعاندارى جۇزەگە اسىرىلادى+.
30 بابىلدىڭ جاۋىنگەرلەرى سوعىسۋدى دوعارىپ،ٶز بەكىنىستەرىندە وتىر.
كۇش-قايراتتارى تاۋسىلعان+.
ولار ايەل ىسپەتتى ٵلسىز بولىپ قالعان+.
ۇيلەرگە وت قويىلعان.
ەسىك ىسىرمالارى سىندىرىلعان+.
31 قالاسىنىڭ جان-جاقتان باسىپ الىنىپ جاتقانىن ايتۋ ٷشىن،بابىل پاتشاسىنا ٴبىر شابارماننان كەيىن ەكىنشى شابارمان،ٴبىر حابارشىدان كەيىن ەكىنشى حابارشى جۇگىرىپ كەلەدى+.
32 ولار وزەن وتكەلدەرى جاۋ قولىنا تۇسكەنىن+،قامىس قايىقتار ورتەنىپ كەتكەنىن،ساربازداردىڭ ۇرەيى ۇشقانىن پاتشاعا جەتكىزبەكشى».
33 اسكەرباسى ەحوبا، يسرايلدىڭ قۇدايى بىلاي دەيدى:
«بابىل قىزى استىق باستىراتىن قىرمانداي.
ونى تاپتايتىن ۋاقىت كەلدى.
وعان وراق سالاتىن كەز تاياپ قالدى».
34 «بابىل پاتشاسى ناۆۋحودونوسور مەنى جالماپ قويدى+.
ابدەن ابىر-سابىرعا ٴتۇسىردى.
ول مەنى بوس ىدىستاي ەتىپ تاستادى.
ابجىلان سياقتى جۇتىپ قويدى+.
قارنىن باعالى مۇلىكتەرىممەن تولتىردى.
مەنى سۋمەن شايىپ، توگىپ تاستادى.
35 —ماعان جانە دەنەمە زورلىق-زومبىلىق كورسەتكەنىبابىلدىڭ ٶز باسىنا ٴتۇسسىن!— دەيدى سيوننىڭ تۇرعىنى+.
—قانىم حالدەي تۇرعىندارىنىڭ موينىنا جۇكتەلسىن!— دەيدى يەرۋساليم».
36 سوندىقتان دا ەحوبا مىنانى ايتادى:
«مەن ٸسىڭدى قاراستىرعاندا، مۇددەڭدى قورعاپ+،سەن ٷشىن كەك الامىن+.
ونىڭ دارياسىن قۇرعاتىپ، قۇدىقتارىن كەپتىرىپ تاستايمىن+.
37 بابىل تاس ۇيىندىلەرىنە+،شيبورىلەردىڭ مەكەنىنە اينالادى+.
ادام شوشيتىن، تاڭعالىپ ىسقىراتىن كۇيگە تۇسەدى.
وندا ەشكىم تۇرمايتىن بولادى+.
38 ولاردىڭ ٴبارى جاس ارىستانداي اقىرىپ،ارىستاننىڭ كۇشىكتەرىندەي ىرىلدايتىن بولادى».
39 «ولار ابدەن قىزعان شاقتا، توي-دۋمان جاساپ، ماس قىلامىن.
وسىلاي شات-شادىمان بولادى+.
سودان ولار ماڭگى ۇيقىعا كەتىپ،ەشقاشان ويانبايدى+،— دەيدى ەحوبا.
40 —مەن ولاردى توقتىلارداي،قوشقارلار مەن تەكەلەردەي باۋىزداۋعا اكەلەمىن».
41 «شەشاق* قالايشا جاۋ قولىنا ٴتۇستى+!
جەر بەتىندەگى حالىقتار ماداقتاعان قالا قالايشا باسىپ الىندى+!
بابىل قالايشا حالىقتار شوشىناتىن كۇيگە ٴتۇستى!
42 بابىلدى تەڭىز سۋى باسىپ قالدى.
ول ۇشى-قيىرى جوق تولقىنداردىڭ استىندا قالدى.
43 ونىڭ قالالارى قورقىنىشتى كۇيگە ٴتۇستى، سۋسىز جەرگە، ٴشول دالاعا اينالدى.
وندا ەشكىم تۇرمايدى، ول جەرمەن ەشكىم وتپەيدى+.
44 مەن بابىلدىڭ ٴتاڭىرى بەلدى+ جازالايمىن،جۇتقاندارىن اۋزىنان شىعارامىن+.
حالىقتار وعان ەندى اعىلىپ كەلمەيتىن بولادى،بابىلدىڭ قابىرعاسى قۇلايدى+.
45 ۋا، حالقىم، ونىڭ ىشىنەن شىق+!
مەنىڭ، ەحوبانىڭ، لاۋلاعان قاھارىما+ ۇشىراماس ٷشىن باسساۋعالا+!
46 ەل ىشىندە تاراعان سۋىق حاباردان سەسكەنىپ، قورىقپا.
ٴبىر جىلى وسىنداي حابار تاراسا،كەلەسى جىلى مىناداي حابار تارايدى:
ەلدە زورلىق جايلاپ، بيلەۋشى بيلەۋشىگە قارسى اتتانادى.
47 مىنە، مەن بابىلدىڭ ٴتاڭىر مۇسىندەرىنە نازار سالىپ،ولاردى جازالايتىن كۇندەر كەلە جاتىر.
سوندا بابىل ەلى ۇياتقا قالادى،مەرت بولعاندار ەل ىشىندە شاشىلىپ جاتادى+.
48 كوك پەن جەر جانە ونداعىلاردىڭ ٴبارىبابىل قۇلاعاندا، شاتتانىپ قۋانادى+.
ويتكەنى وعان سولتۇستىكتەن قىرىپ-جويۋشى كەلەدى+»،— دەيدى ەحوبا.
49 «بابىل يسرايلدى عانا قىرعىنعا ۇشىراتقان جوق+،بابىلدا كوپتەگەن ۇلتتار دا قىرعىنعا ۇشىرادى.
50 سەمسەردەن قۇتىلعاندار، توقتاماڭدار، كەتىڭدەر+.
الىس جەردە ەحوبانى ەسكە الىڭدار،يەرۋساليم جايلى ويلاڭدار+».
51 «ٴبىز تابالاعان سوزدەر ەستىپ، ۇياتقا قالدىق،ماسقارا بولىپ، ٴجۇزىمىزدى كوتەرە المادىق.
سەبەبى بوتەندەر ەحوبانىڭ ۇيىندەگى قاسيەتتى ورىندارعا باسا-كوكتەپ كىردى+».
52 «مىنە، سوندىقتان مەن بابىلدىڭ ٴتاڭىر مۇسىندەرىنە نازار سالىپ،ولاردى جازالايتىن كۇندەر كەلە جاتىر.
سوندا بۇكىل ەلدە جارالانعاندار ىڭىرسىپ جاتادى+»،— دەيدى ەحوبا.
53 «بابىل ٴتىپتى اسپانعا كوتەرىلسە دە+،ٴتىپتى بەكىنىستەرىن مىقتاپ نىعايتسا دا،مەن وعان قىرىپ-جويۋشىلاردى جىبەرەمىن+»،— دەيدى ەحوبا.
54 «قۇلاق تۇرىڭدەر! بابىلدان ايقايدىڭ+،حالدەيلەردىڭ جەرىنەن جويقىن الاپاتتىڭ ٷنى ەستىلەدى+.
55 ويتكەنى ەحوبا بابىلدى قيراتىپ جاتىر،ونىڭ زور داۋىسىن وشىرەدى.
ولاردىڭ تولقىنى تاسقىن سۋداي گۇرىلدەيدى.
ايعايلاعان داۋىستارى ەستىلەدى.
56 بابىلعا قىرىپ-جويۋشى كەلەدى+،ونىڭ ساربازدارى تۇتقىندالىپ، ساداقتارى سىندىرىلادى+.
ويتكەنى ەحوبا — ٴتيىستى جازاسىن بەرەتىن قۇداي+.
ول مىندەتتى تۇردە ەسەسىن قايتارادى+.
57 مەن ونىڭ بيلەۋشىلەرى مەن دانىشپاندارىن،امىرشىلەرىن، باسقارۋشىلارى مەن ساربازدارىن ماس قىلامىن+.
سودان ولار ماڭگى ۇيقىعا كەتىپ،ەشقاشان ويانبايدى+»،— دەيدى پاتشا،ەسىمى ونىڭ — اسكەرباسى ەحوبا.
58 اسكەرباسى ەحوبا مىنانى ايتادى:
«بابىلدىڭ قابىرعاسى قانشا قالىڭ بولسا دا، جەرمەن-جەكسەن بولادى+،قاقپالارى قانشا بيىك بولسا دا، وتقا ورانادى.
ادامداردىڭ ەڭبەگى زايا كەتەدى،ۇلتتاردىڭ شارشاپ-شالدىعىپ ىستەگەنىن ٶرت جالمايدى+».
59 ياھۋدا پاتشاسى سەدەكيانىڭ بيلىك قۇرۋىنىڭ ٴتورتىنشى جىلى ماحسەياحتىڭ نەمەرەسى، نەرياحتىڭ ۇلى+ سەراياح بابىلعا پاتشامەن بىرگە باردى. سەراياح ساراي باسقارۋشىسى بولاتىن. سوندا ەرەميا پايعامبار وعان نۇسقاۋ بەردى.
60 ەرەميا بابىلدىڭ باسىنا تۇسەتىن بار اپاتتى، بابىلعا قارسى ايتىلعان وسى سوزدەردىڭ ٴبارىن، ٴبىر شيىرشىققا جازىپ قويدى.
61 سوسىن ول سەراياحقا بىلاي دەپ تاپسىردى: «بابىلعا كەلىپ، قالانى كورگەندە، وسى سوزدەردىڭ ٴبارىن داۋىستاپ وقى.
62 كەيىن: —ۋا، ەحوبا، وسى ورىننىڭ قيراتىلىپ، ەشبىر جان — ادام دا، مال دا — قالمايتىنىن، ٴسۇيتىپ، ونىڭ ماڭگىلىككە قاڭىراپ بوس جاتاتىنىن ايتتىڭ+،— دەپ ايت.
63 وسى شيىرشىقتى وقىپ بىتكەن سوڭ، وعان تاس بايلاپ، ەۆفراتتىڭ ورتاسىنا لاقتىرىپ جىبەر.
64 بۇدان سوڭ: —بابىل ٴدال وسىلاي باتىپ كەتەدى. مەن جىبەرگەن اپاتتان ول ەشقاشان باس كوتەرمەيدى+، ونىڭ تۇرعىندارى ابدەن قالجىراپ بىتەدى+،— دەپ ايت».
ەرەميانىڭ ٴسوزى وسى جەردەن اياقتالادى.
سىلتەمەلەر
^ ماعىناسى «ماعان قارسىلاسقانداردىڭ جۇرەگى». بۇل حالدەيانىڭ قۇپيا اتى بولسا كەرەك.
^ مۇمكىن: «قورامساقتارىڭدى تولتىرىڭدار».
^ نەمەسە «بۋدى».
^ مۇمكىن: «قاقپالاردى اشادى».
^ نەمەسە «رۋح».
^ سوزبە-ٴسوز «ۇلەسى».
^ نەمەسە «قاسيەتتى ەتىڭدەر». تۇسىندىرمەدەگى «قاسيەتتى» ٴسوزىن قاراڭىز.
^ نەمەسە «قاسيەتتى ەتىڭدەر». تۇسىندىرمەدەگى «قاسيەتتى» ٴسوزىن قاراڭىز.
^ بابىلدىڭ قۇپيا اتى بولسا كەرەك.
