ەرەميا 52:1—34
52 سەدەكيا+ پاتشا تاعىنا وتىرعاندا جيىرما ٴبىر جاستا بولاتىن. ول يەرۋساليمدە ون ٴبىر جىل بيلىك قۇردى. اناسىنىڭ اتى حامۋتال+ ەدى، ول ليبنالىق ەرەميانىڭ قىزى بولاتىن.
2 ەحوياكىم ەحوبانىڭ كوز الدىندا قانداي زۇلىم ىستەر جاساعان بولسا+، سەدەكيا دا سونىڭ ٴبارىن جاسادى.
3 ياھۋدا مەن يەرۋساليمدە ورىن العان وسىنداي ىستەر ٷشىن ەحوبا قاھارلانىپ، ولاردى وزىنەن الاستاتتى+. سەدەكيا بابىل پاتشاسىنا قارسى باس كوتەردى+.
4 سەدەكيانىڭ بيلىك قۇرۋىنىڭ توعىزىنشى جىلىنىڭ ونىنشى ايىنىڭ ونىنشى كۇنى بابىل پاتشاسى ناۆۋحودونوسور بۇكىل اسكەرىمەن يەرۋساليمگە كەلدى. ولار قالانىڭ اينالاسىنا قوس تىگىپ، ونى قورشاۋعا الۋ ٷشىن اينالدىرا دۋال تۇرعىزدى+.
5 قالا سەدەكيا پاتشانىڭ بيلىگىنىڭ ون ٴبىرىنشى جىلىنا دەيىن قورشاۋدا بولدى.
6 ٴتورتىنشى ايدىڭ توعىزىنشى كۇنى+ قالادا اشتىق ۇدەپ تۇردى. ەلدە جەيتىن ازىق-تۇلىك قالماعان ەدى+.
7 اقىر سوڭىندا قالا قابىرعاسى بۇزىلدى. حالدەيلەر قالانى قورشاپ تۇرعاندا، ونداعى ساربازدار تۇگەل قاشا جونەلدى: ولار ٴتۇن جامىلىپ پاتشا باعىنىڭ قاسىنداعى ەكى قابىرعانىڭ اراسىندا ورنالاسقان قاقپا ارقىلى قالادان شىعىپ، ارابا جولىنا ٴتۇستى+.
8 الايدا حالدەي اسكەرى پاتشانىڭ سوڭىنا ٴتۇسىپ، ونى يەريحوننىڭ ٴشول دالاسىندا قۋىپ جەتتى. سوندا بۇكىل جاساعى سەدەكيانى+ تاستاي سالا، جان-جاققا قاشىپ كەتتى.
9 حالدەيلەر پاتشانى ۇستاپ الىپ، حامات جەرىندەگى ريبلاعا، بابىل پاتشاسى ناۆۋحودونوسوردىڭ الدىنا اپاردى. پاتشا وعان سول جەردە ۇكىم شىعاردى.
10 بابىل پاتشاسى سەدەكيانىڭ كوزىنشە ونىڭ ۇلدارىن جانە ياھۋدانىڭ بۇكىل امىرشىلەرىن ريبلادا شاۋىپ ٶلتىردى.
11 سوسىن بابىل پاتشاسى سەدەكيانىڭ ەكى كوزىن ويىپ+، وعان مىس كىسەن سالىپ، بابىلعا اكەتتى. ٴسۇيتىپ، ونى ولگەنگە دەيىن قاماۋدا ۇستادى.
12 بەسىنشى ايدىڭ ونىنشى كۇنى، ياعني بابىل پاتشاسى ناۆۋحودونوسوردىڭ بيلىگىنىڭ ون توعىزىنشى جىلى، باس قورعاۋشى ٵرى بابىل پاتشاسىنىڭ قىزمەتشىسى نابۋزاردان يەرۋساليمگە كىردى+.
13 ول ەحوبانىڭ ۇيىنە+، پاتشا سارايىنا جانە قالاداعى ۇيلەردىڭ بارىنە وت قويدى. سونداي-اق ۇلكەن ۇيلەردىڭ ٴبارىن ورتەپ جىبەردى.
14 باس قورعاۋشىمەن كەلگەن كۇللى حالدەي اسكەرى يەرۋساليمدى قورشاعان قابىرعالاردى قيراتتى+.
15 باس قورعاۋشى نابۋزاردان كەدەيلەردىڭ كەيبىرىن، قالادا قالعان جۇرتتى، سونداي-اق بابىل پاتشاسىنىڭ جاعىنا شىققانداردى جانە قالعان شەبەرلەردى جەر اۋدارىپ اكەتتى+.
16 الايدا باس قورعاۋشى نابۋزاردان تاقىر كەدەيلەردىڭ كەيبىرىن جۇزىمدىكتەردە جانە باسقا دا جۇمىستاردى ىستەۋ ٷشىن ەلدە قالدىرىپ كەتتى+.
17 حالدەيلەر ەحوبانىڭ ۇيىندەگى مىس باعانالاردى+، ەحوبانىڭ ۇيىندەگى كەبەجە اربالاردى+ جانە مىس تەڭىزدى+ بولشەكتەپ سىندىرىپ، مىستىڭ ٴبارىن بابىلعا الىپ كەتتى+.
18 سونداي-اق ولار عيباداتحاناداعى قىزمەت كەزىندە قولداناتىن كۇل شىعاراتىن شەلەكتەر، كۇرەكتەر، شام سوندىرگىشتەر، كەرسەندەر+، توستاعاندار+ مەن باسقا دا مىس بۇيىمداردى اكەتتى.
19 باس قورعاۋشى ساف التىن مەن تازا كۇمىستەن جاسالعان كەرسەندەردى+، شوقسالعىشتاردى، تاباقتاردى، كۇلسالعىشتاردى، شامدالداردى+، توستاعاندار مەن باسقا تاباقتاردى دا الدى+.
20 سۇلەيمەن پاتشا ەحوبانىڭ ۇيىنە ارناپ جاساتقان ەكى باعاناداعى، تەڭىز بەن ونىڭ استىندا تۇرعان 12 بۇقا مۇسىنىندەگى+ جانە كەبەجە اربالارداعى بار مىستىڭ سالماعىن ولشەۋ مۇمكىن ەمەس ەدى.
21 ٵر باعانانىڭ بيىكتىگى 18 شىنتاق*، ال ەنى جىپپەن اينالدىرا ولشەگەندە 12 شىنتاق بولاتىن+. ٸشى قۋىس وسى باعانالاردىڭ قالىڭدىعى ٴتورت ەلى* ەدى.
22 باعانانىڭ توبەسىنە مىستان جاساپ قويىلعان ٴتاجدىڭ بيىكتىگى 5 شىنتاق بولاتىن+. ٴتاجدى بەزەندىرگەن تور مەن اينالدىرا ورناتىلعان انار جەمىستەرى تۇگەل مىستان جاسالعان ەدى. ەكىنشى باعانا مەن ونداعى انارلار دا ٴدال وسىنداي ەدى.
23 باعانانىڭ بەتكى جاعىندا 96 انار، ال بارلىعى توردى اينالدىرا 100 انار ورناتىلعان بولاتىن+.
24 بۇلارعا قوسا، باس قورعاۋشى وزىمەن بىرگە جوعارعى ٴدىني قىزمەتكەر سەراياحتى+، ودان كەيىنگى ٴدىني قىزمەتكەر سافونيانى+ جانە ٷش قاقپا كۇزەتشىسىن الىپ كەتتى+.
25 ول قالادان ساربازداردىڭ ۇستىنەن قويىلعان ٴبىر ساراي قىزمەتكەرىن، پاتشانىڭ جەتى ٴۋازىرىن، قولباسشىنىڭ اسكەر جينايتىن حاتشىسىن اكەتتى، سونداي-اق قاراپايىم 60 ادامدى الا كەتتى. بۇلار دا قالادان تابىلعان بولاتىن.
26 باس قورعاۋشى نابۋزاردان ولاردىڭ ٴبارىن ريبلاداعى بابىل پاتشاسىنا اپاردى.
27 پاتشا ولاردى حامات جەرىندەگى ريبلادا ولىمگە كەسىپ، مەرت قىلدى+. وسىلاي ياھۋدا حالقى ٶز ەلىنەن باسقا جاققا جەر اۋدارىلىپ كەتتى+.
28 ناۆۋحودونوسور ٶزى بيلىك قۇرۋىنىڭ جەتىنشى جىلى 3023 ٴياھۋديدى جەر اۋدارىپ اكەتتى+.
29 ال ونىڭ بيلىك قۇرۋىنىڭ ون سەگىزىنشى جىلى+ يەرۋساليمنەن 832 جان اكەتىلدى.
30 ناۆۋحودونوسور بيلىگىنىڭ جيىرما ٷشىنشى جىلى باس قورعاۋشى نابۋزاردان ياھۋديلەردەن 745 جاندى ايداپ اكەتتى+.
جەر اۋدارىلعانداردىڭ بارلىعى — 4600 جان.
31 ياھۋدا پاتشاسى ەحونيا+ جەر اۋدارىلعاننان كەيىن وتىز جەتىنشى جىلدىڭ ون ەكىنشى ايىنىڭ جيىرما بەسىنشى كۇنى بابىل پاتشاسى ەبىل-مەروداح ياھۋدا پاتشاسى ەحونياعا بوستاندىق بەرىپ، قاماۋدان شىعاردى. ەبىل-مەروداح سول جىلى تاققا وتىرعان بولاتىن+.
32 پاتشا ونىمەن جىلى سويلەسىپ، ونىڭ تاعىن بابىلدا ٶز قاسىندا بولعان باسقا پاتشالاردىكىنەن دە جوعارى قويدى.
33 ەحونيا قاماۋدا كيگەن كيىمدەرىن تاستاپ، ٶمىرىنىڭ سوڭىنا دەيىن پاتشا داستارقانىنان تاماقتانىپ ٴجۇردى.
34 وسىلاي بابىل پاتشاسى ەحونياعا كۇن سايىن، عۇمىر بويى، كوز جۇمعانعا دەيىن قاجەتتى ازىق-اۋقاتىن بەرىپ وتىردى.
سىلتەمەلەر
^ 1 شىنتاق 5.44 سانتيمەترگە تەڭ. B14 قوسىمشاسىن قاراڭىز.
^ 1 ەلى 85.1 سانتيمەترگە تەڭ. B14 قوسىمشاسىن قاراڭىز.