ەرەميا 7:1—34
7 ەحوبا ەرەمياعا ٴسوزىن ارناپ بىلاي دەدى:
2 «ەحوبانىڭ ٷيىنىڭ قاقپاسىنىڭ الدىندا تۇرىپ، مىنا حاباردى جاريالا: —ەحوباعا باس ييۋ ٷشىن وسى قاقپالاردان كىرەتىن كۇللى ياھۋدا حالقى، ەحوبانىڭ سوزىنە قۇلاق سالىڭدار.
3 اسكەرباسى ەحوبا، يسرايل قۇدايى: «جولدارىڭدى تۇزەپ، ٸس-ارەكەتتەرىڭدى جوندەڭدەر، سوندا وسى جەردە مەكەندەۋگە قالدىرامىن»،— دەيدى+.
4 سەندەر «بۇل* — ەحوبانىڭ عيباداتحاناسى! ەحوبانىڭ عيباداتحاناسى! ەحوبانىڭ عيباداتحاناسى!» دەگەن جالعان سوزدەرگە سەنىم ارتپاڭدار+.
5 ەگەر شىنىمەن جولدارىڭدى تۇزەتىپ، ٸس-ارەكەتتەرىڭدى جوندەسەڭدەر؛ ادامداردىڭ اراسىندا ٵدىل سوت جۇرگىزسەڭدەر+؛
6 جاتجەرلىكتەرگە، جەتىمدەر مەن جەسىرلەرگە قىسىم كورسەتپەسەڭدەر+؛ وسى ورىندا جازىقسىز ادامنىڭ قانىن توكپەسەڭدەر؛ ٶز-وزدەرىڭە زيان كەلتىرىپ، بوتەن قۇدايلارعا تابىنباساڭدار+؛
7 مەن سەندەردى اتا-بابالارىڭا ٴبىرجولا بەرگەن وسى جەردە مەكەندەۋگە قالدىرامىن».
8 «ال سەندەر جالعان سوزدەرگە سەنىم ارتىپ جۇرسىڭدەر+، ٴبىراق بۇدان ەش پايدا جوق.
9 ۇرلىق جاساپ+، كىسى ٶلتىرىپ، ازعىندىققا سالىنىپ، وتىرىك انت بەرىپ+، باعالعا قۇرباندىقتار اكەلىپ*+، وزدەرىڭ بۇرىن بىلمەگەن قۇدايلارعا تابىناسىڭدار.
10 وسىنداي جيىركەنىشتى ىستەرىڭە قاراماستان، مەنىڭ ەسىمىممەن اتالاتىن وسى ۇيگە كەلىپ، قالايشا مەنىڭ الدىمدا تۇرىپ «ٴبىز امان قالامىز» دەيسىڭدەر؟
11 سوندا مەنىڭ ەسىمىممەن اتالاتىن وسى ٷي سەندەر ٷشىن قاراقشىلاردىڭ ورداسىنا اينالعانى ما+؟ مىنە، وسىنىڭ ٴبارىن مەن ٶز كوزىممەن كورىپ تۇرمىن»،— دەيدى ەحوبا.
12 «ال ەندى ٶز ەسىمىم ٷشىن ەڭ العاش تاڭداپ العان+ شيلوداعى+ ورنىما بارىپ، يسرايل حالقىمنىڭ زۇلىم ىستەرى ٷشىن سول جەرگە نە ىستەگەنىمدى كورىڭدەر+.
13 الايدا سەندەر وسى ىستەرىڭدى جاساي بەردىڭدەر، مەن سەندەرگە قايتا-قايتا* ايتسام دا، تىڭدامادىڭدار+،— دەيدى ەحوبا.— سەندەردى شاقىرۋمەن بولدىم، ٴبىراق جاۋاپ قاتپادىڭدار+.
14 سوندىقتان مەنىڭ ەسىمىممەن اتالاتىن وسى ۇيگە+، ياعني سەندەر سەنىم ارتاتىن+ جانە وزدەرىڭە ٵرى اتا-بابالارىڭا بەرگەن وسى ورىنعا، شيلوعا ىستەگەنىمدى ىستەيمىن+.
15 مەن سەندەردى الدىمنان باۋىرلارىڭ — ەفرەمنىڭ كۇللى ۇرپاقتارىن قۋعانداي قۋامىن+.
16 ال سەن بۇل حالىق ٷشىن دۇعا ەتپە. ولاردىڭ يگىلىگىن تىلەپ، جالىنىپ-جالبارىنبا+، ويتكەنى مەن سەنى تىڭدامايمىن+.
17 ولاردىڭ ياھۋدا قالالارىندا جانە يەرۋساليم كوشەلەرىندە نە ىستەپ جۇرگەندەرىن كورمەيسىڭ بە؟
18 اسپان پاتشايىمىنا*+ قۇرباندىق نانىن ٴپىسىرۋ ٷشىن، ۇلدارى وتىن جينايدى، اكەلەرى وت جاعادى، ايەلدەرى بولسا قامىر يلەيدى، سونداي-اق مەنى قورلاۋ ٷشىن وزگە تاڭىرلەرگە سۇيىق تارتۋلار قۇيىپ ۇسىنادى+.
19 بۇدان جاپا شەگەتىن* مەن بە؟— دەيدى ەحوبا.— قايتا، وزدەرى ەمەس پە؟ وزدەرى ۇياتقا قالماي ما+؟
20 سوندىقتان الەمنىڭ ٵمىرشىسى ەحوبا: —مىنە، مەن وسى ورىنعا — ادام مەن مالعا، دالاداعى اعاشتار مەن جەردىڭ ونىمىنە — اشۋىم مەن قاھارىمدى توگەمىن+. ول لاۋلاپ جانىپ، وشپەيدى،— دەيدى+.
21 اسكەرباسى ەحوبا، يسرايلدىڭ قۇدايى بىلاي دەيدى: —تۇگەل ورتەلەتىن قۇرباندىقتارىڭدى باسقا قۇرباندىقتارىڭا قوسىپ، ەتىن وزدەرىڭ جەي بەرىڭدەر+.
22 سەبەبى اتا-بابالارىڭدى مىسىر ەلىنەن الىپ شىققاندا، تۇگەل ورتەلەتىن قۇرباندىقتار مەن باسقا قۇرباندىقتار تۋرالى ايتقان دا، بۇيىرعان دا ەمەسپىن+.
23 قايتا، مەن ولارعا: «داۋسىما قۇلاق اسىڭدار، سوندا مەن سەندەردىڭ قۇدايلارىڭ، ال سەندەر مەنىڭ حالقىم بولاسىڭدار+. وزدەرىڭە جاقسى بولۋ ٷشىن، مەن بۇيىرعان جولدارمەن جۇرىڭدەر»،— دەپ بۇيىرعانمىن+.
24 ٴبىراق ولار تىڭداعان دا، سوزىمە قۇلاق سالعان دا جوق+. ولار ٶز اقىلدارىنا جۇگىنىپ، قىڭىرلىقپەن زۇلىم جۇرەكتەرىنىڭ قالاۋىمەن ٴجۇردى+، العا باسپاي، كەرى شەگىندى.
25 بۇل جاعداي اتا-بابالارىڭ مىسىر ەلىنەن شىققاننان وسى كۇنگە دەيىن جالعاسىپ كەلەدى+. سوندىقتان قىزمەتشىلەرىم — پايعامبارلاردى كۇن سايىن، قايتا-قايتا جىبەرۋمەن بولدىم+.
26 ٴبىراق حالىق مەنى تىڭدامادى، قۇلاق تا اسپادى+. قايتا، توڭمويىندانىپ، اتا-بابالارىنان دا بەتەر زۇلىمدىق جاسادى!
27 سەن ولارعا وسى سوزدەردىڭ ٴبارىن ايتاسىڭ+، ٴبىراق ولار تىڭدامايدى. ولاردى شاقىراسىڭ، ٴبىراق ساعان جاۋاپ بەرمەيدى.
28 سوندا سەن ولارعا: —بۇل حالىق قۇدايلارى ەحوبانىڭ داۋسىنا قۇلاق اسپادى، جونگە سالعانىنا كونبەدى. ارالارىندا بىردە-ٴبىر ادال جان جوق، ٴتىپتى ادالدىق دەگەن اۋىزعا دا الىنبادى،— دەيسىڭ+.
29 سەن* قىرقىلماعان* شاشىڭدى قىرقىپ، لاقتىرىپ تاستا، تاقىر توبەلەردىڭ ۇستىندە جوقتاۋ ايت. ويتكەنى ەحوبا اشۋىنا تيگەن بۇل ۇرپاقتان باس تارتىپ، تاستاپ كەتتى.
30 ياھۋدا حالقى مەنىڭ كوز الدىمدا جاماندىق جاسادى،— دەيدى ەحوبا.— ولار مەنىڭ ەسىمىممەن اتالاتىن ٷيدى ارامداۋ ٷشىن، ونىڭ ىشىنە جيىركەنىشتى پۇتتارىن قويدى+.
31 سونداي-اق ولار بەن-حەننوم* اڭعارىنداعى+ توفەتتە عيبادات توبەلەرىن جاساپ، ۇلدارى مەن قىزدارىن ورتەپ قۇربان ەتتى+. مۇندايدى مەن ولارعا بۇيىرعان جوقپىن، بۇل ٴتىپتى ويىما* دا كەلگەن ەمەس+.
32 سوندىقتان، مىنە، بۇل جەر توفەت نە بەن-حەننوم اڭعارى ەمەس، قايتا، قىرعىن اڭعارى دەپ اتالاتىن كۇندەر كەلە جاتىر،— دەيدى ەحوبا.— ولار توفەتتە بوس ورىن قالمايىنشا، ولىكتەرىن جەرلەيتىن بولادى+.
33 مايىتتەرى اسپانداعى قۇستار مەن جەردەگى اڭدارعا جەم بولادى. ولاردى ۇركىتەتىن ەشكىم بولمايدى+.
34 مەن ياھۋدا قالالارى مەن يەرۋساليم كوشەلەرىندەگى قۋانىش پەن شاتتىقتىڭ، كۇيەۋجىگىت پەن قالىڭدىقتىڭ ۇندەرىن وشىرەمىن+. ويتكەنى بۇكىل ەلدىڭ كۇل-تالقانى شىعادى+».
سىلتەمەلەر
^ سوزبە-ٴسوز «مۇنىڭ ٴبارى». بۇل جەردە عيباداتحانانىڭ بارلىق عيماراتىنا نۇسقاپ تۇر.
^ ەۆرەيدىڭ بۇل ٴسوزى حوش ٴيىستى زات تۇتەتۋدى دە ٴبىلدىرۋى مۇمكىن.
^ سوزبە-ٴسوز «ەرتە تۇرىپ». 25-تارماققا دا قاتىستى.
^ بۇل — جولدان تايعان يسرايلدىكتەر تابىنعان ايەل ٴتاڭىر. تۇسىندىرمەنى قاراڭىز.
^ نەمەسە «رەنجيتىن؛ اشۋلاناتىن».
^ سيونعا نە يەرۋساليمگە ايتىلىپ تۇر.
^ نەمەسە «باعىشتالعان».
^ تۇسىندىرمەدەگى «جاھاننام» ٴسوزىن قاراڭىز.
^ سوزبە-ٴسوز «جۇرەگىمە».