ەزرا 1:1—11
1 پەرسيا پاتشاسى كيردىڭ+ بيلىك قۇرۋىنىڭ ٴبىرىنشى جىلى، ەحوبانىڭ* ەرەميا پايعامبار ارقىلى ايتقان ٴسوزى+ ورىندالۋ ٷشىن، ەحوبا پەرسيا پاتشاسى كيردىڭ جۇرەگىنە قوزعاۋ سالدى. سوندا ول كەلەسى جارلىقتى بۇكىل پاتشالىعىنا جاريالاۋدى بۇيىردى، سونداي-اق ونى جازعىزىپ قويدى+:
2 «پەرسيانىڭ پاتشاسى كير بىلاي دەپ بۇيىرادى: —كوكتىڭ قۇدايى ەحوبا ماعان جەر بەتىندەگى بارلىق پاتشالىقتاردى بەردى+ جانە ياھۋدا جەرىندەگى يەرۋساليمدە وزىنە ارناپ ٷي تۇرعىزۋدى تاپسىردى+.
3 ارالارىڭداعى ونىڭ حالقىنا جاتاتىندار ياھۋدا جەرىندەگى يەرۋساليمگە بارسىن دا، تۇراعى يەرۋساليمدە بولعان* يسرايل قۇدايى ەحوبانىڭ — ول شىنايى قۇداي — ٷيىن قايتا سوقسىن. سول جاققا باراتىن اركىمگە قۇدايى جار بولسىن!
4 ەلىنە ورالماق بولعان+ ٵربىر ادامعا كورشىلەرى التىن-كۇمىس جانە مال-مۇلىك بەرىپ كومەكتەسسىن. سونىمەن قاتار يەرۋساليمدەگى شىنايى قۇدايدىڭ ۇيىنە ارناپ ەرىكتى سي-تارتۋلار بەرسىن+».
5 سوندا ياھۋدا مەن بەنيامين رۋىنىڭ اۋلەتباسىلارى، ٴدىني قىزمەتكەرلەر مەن لەۋىلىكتەر، ياعني قۇداي جۇرەكتەرىنە قوزعاۋ سالعانداردىڭ ٴبارى، يەرۋساليمدەگى ەحوبانىڭ ٷيىن قايتا سوعۋعا بارۋ ٷشىن جولعا دايىندالدى.
6 كورشى-قولاڭنىڭ بارلىعى ولارعا ەرىكتى سي-تارتۋلارمەن قوسا، كۇمىس بۇيىمدار، التىن، مال-مۇلىك، قۇندى زاتتار بەردى.
7 كير پاتشا بولسا كەزىندە ناۆۋحودونوسور يەرۋساليمدەگى ەحوبانىڭ ۇيىنەن الىپ كەتىپ، ٶز قۇدايىنىڭ ۇيىنە قويعان بۇيىمداردى الدىرتتى+.
8 بۇل ٸستى پەرسيانىڭ پاتشاسى كير قازىناشىسى ميترەداتقا تاپسىرىپ ەدى. ول بۇيىمداردى ساناپ، ياھۋدانىڭ باسشىسى شەشباسارعا* تابىستادى+.
9 بۇيىمداردىڭ سانى مىناۋ: سەبەت ٴپىشىندى 30 التىن ىدىس جانە 1000 كۇمىس ىدىس، تاعى باسقا 29 ىدىس،
10 30 شاعىن التىن تاباق، 410 شاعىن كۇمىس تاباق، تاعى باسقا 1000 بۇيىم.
11 التىن مەن كۇمىس بۇيىمداردىڭ بارلىعى 5400 بولدى. جەر اۋدارىلعاندار+ بابىلدان يەرۋساليمگە كوشكەندە، شەشباسار وسىنىڭ ٴبارىن الىپ شىقتى.
سىلتەمەلەر
^ بۇل — قۇدايدىڭ ەسىمى. تۇسىندىرمەنى قاراڭىز.
^ مۇمكىن: «يەرۋساليمدەگى».
^ ەزر 2:2؛ 3:8 دەگى زوروبابەل بولسا كەرەك.