ەزرا 5:1—17
5 ياھۋدا مەن يەرۋساليمدەگى ياھۋديلەرگە حاگەي پايعامبار+ مەن يددونىڭ+ نەمەرەسى زاكاريا پايعامبار+ يسرايلگە جار بولعان قۇدايدىڭ اتىنان پايعامبارلىق ەتتى.
2 وسى كەزدە سالاتەل ۇلى زوروبابەل+ مەن ەحوسادىق ۇلى ەشۋا+ يەرۋساليمدەگى قۇداي ٷيىنىڭ قۇرىلىسىنا قايتا كىرىستى+. قۇدايدىڭ پايعامبارلارى ولارمەن بىرگە بولىپ، قولداۋ كورسەتتى+.
3 سول ۋاقىتتا ەۆفراتتىڭ باتىس ولكەسىنىڭ ٵمىرشىسى تاتەناي جانە شەتار-بوزەناي ارىپتەستەرىمەن بىرگە ولارعا كەلىپ: «بۇل ٷيدى سالىپ، قۇرىلىستى جالعاستىرۋعا سەندەرگە كىم بۇيرىق بەردى؟»— دەپ سۇرادى.
4 سونداي-اق ولاردان: «وسى عيماراتتى سوعىپ جاتقان كىسىلەردىڭ ەسىمدەرى كىم؟»— دەپ سۇرادى.
5 قۇداي ياھۋدي اقساقالدارىنا كوز قىرىن سالىپ، قامقور بولعاندىقتان+، الگىلەر داريي پاتشاعا وسى ماسەلەگە قاتىستى حات جىبەرىپ، ونىڭ رەسمي جاۋابىن المايىنشا، ياھۋديلەردىڭ ٸسىن توقتاتپادى.
6 بۇل — ەۆفراتتىڭ باتىس ولكەسىنىڭ ٵمىرشىسى تاتەنايدىڭ، شەتار-بوزەناي مەن ولاردىڭ ارىپتەستەرىنىڭ، ياعني ەۆفراتتىڭ باتىس ولكەسىندەگى كىشى امىرشىلەردىڭ، داريي پاتشاعا جىبەرگەن حاتىنىڭ كوشىرمەسى.
7 ولار پاتشاعا بىلاي دەپ مالىمدەدى:
«پاتشا اعزام دارييگە.
سىزگە اماندىق پەن تىنىشتىق تىلەيمىز!
8 پاتشامىزدى مىنا جايتتان حاباردار ەتكىمىز كەلەدى: ٴبىز ياھۋدا ايماعىنداعى ۇلى قۇدايدىڭ ۇيىنە باردىق. بۇل ٷي ۇلكەن-ۇلكەن تاستاردان سوعىلىپ، قابىرعالارىنا بورەنەلەر قويىلۋدا ەكەن. جۇمىس زور ىنتامەن ىستەلىنىپ، العا باسىپ جاتىر.
9 ٴبىز اقساقالدارىنان: —بۇل ٷيدى سالىپ، قۇرىلىستى جالعاستىرۋعا سەندەرگە كىم بۇيرىق بەردى؟— دەپ سۇرادىق+.
10 سونداي-اق وزىڭىزگە جازىپ جىبەرۋ ٷشىن باسشىلارىنىڭ دا اتتارىن سۇرادىق.
11 ال ولاردىڭ جاۋابى مىناۋ بولدى: «ٴبىز كوك پەن جەردىڭ قۇدايىنىڭ قىزمەتشىلەرىمىز. ٴبىز وسىدان كوپ جىل بۇرىن يسرايلدىڭ ۇلى پاتشاسى سالعان ٷيدى+ قايتادان تۇرعىزىپ جاتىرمىز.
12 الايدا اتا-بابالارىمىز كوكتەگى قۇدايدى قاھارلاندىردى+. سوندىقتان قۇداي ولاردى بابىل پاتشاسى حالدەيلىك ناۆۋحودونوسوردىڭ قولىنا بەردى+. ول بۇل ٷيدى قيراتىپ+، حالقىن بابىلعا جەر اۋداردى+.
13 ال كير پاتشا بابىلعا بيلىك ەتكەن ٴبىرىنشى جىلىندا قۇدايدىڭ ٷيىن قايتا تۇرعىزۋ تۋرالى جارلىق شىعاردى+.
14 سونداي-اق كير پاتشا ناۆۋحودونوسوردىڭ يەرۋساليمدەگى قۇداي ۇيىنەن اكەتىپ، بابىلداعى عيباداتحاناعا قويعىزعان التىن-كۇمىس ىدىستاردى+ شىعارتتى دا، ٶزى ٵمىرشى ەتىپ تاعايىنداعان شەشباساردىڭ*+ قولىنا تابىستادى+.
15 ٴسۇيتىپ، كير وعان: «مىنا ىدىستاردى الىپ، يەرۋساليمدەگى عيباداتحاناعا اپارىپ قوي. قۇدايدىڭ ٷيى بۇرىنعى ورنىنا قايتا تۇرعىزىلسىن»،— دەپ تاپسىردى+.
16 شەشباسار كەلىپ، يەرۋساليمدەگى قۇداي ٷيىنىڭ ىرگەتاسىن ورناتتى+. مىنە، سول ۋاقىتتان بەرى بۇل ٷي سالىنىپ كەلە جاتىر، ٴبىراق ٵلى بىتكەن جوق+».
17 سوندىقتان ەگەر پاتشا اعزام ماقۇل كورسە، پاتشانىڭ بابىلداعى قازىنا قويماسىنان ىزدەستىرىپ، كير پاتشا يەرۋساليمدەگى قۇداي ٷيىن قايتا سوعۋ تۋرالى جارلىق شىعارعان-شىعارماعانىن انىقتاپ بەرسە ەكەن+. سوسىن پاتشا وسى جايتقا قاتىستى شەشىمىن بىزگە بىلدىرسە ەكەن».
سىلتەمەلەر
^ ەزر 2:2؛ 3:8 دەگى زوروبابەل بولسا كەرەك.
