ەزرا 7:1—28
7 وسى جايتتاردان كەيىن، پەرسيا پاتشاسى ارتاكسەركستىڭ+ تۇسىندا، ەزرا*+ بابىلدان ورالدى. ول سەراياحتىڭ+ ۇلى، سەراياح ازارياحتىڭ، ازارياح حەلكيانىڭ+،
2 حەلكيا شالۋمنىڭ، شالۋم سادىقتىڭ، سادىق احيتۇپتىڭ،
3 احيتۇپ امارياحتىڭ، امارياح ازارياحتىڭ+، ازارياح مەراياتتىڭ،
4 مەرايات زاراقيانىڭ، زاراقيا ۇزيدىڭ، ۇزي بۇكەيدىڭ،
5 بۇكەي ٵبىشۋانىڭ، ٵبىشۋا پىنەحەستىڭ+، پىنەحەس ەلازاردىڭ+، ال ەلازار جوعارعى ٴدىني قىزمەتكەر حاروننىڭ+ ۇلى ەدى.
6 بابىلدان ورالعان ەزرا يسرايلدىڭ قۇدايى ەحوبا بەرگەن مۇسا زاڭىن جەتىك بىلەتىن* كوشىرمەشى بولاتىن+. پاتشا وعان سۇراعاندارىنىڭ ٴبارىن بەردى، ويتكەنى ەحوبا قۇدايى وعان جار بولدى.
7 سودان ارتاكسەركس پاتشانىڭ بيلىك قۇرۋىنىڭ جەتىنشى جىلى كەيبىر يسرايلدىكتەر، ٴدىني قىزمەتكەرلەر، لەۋىلىكتەر+، انشىلەر+، قاقپا كۇزەتشىلەرى+ مەن عيباداتحانا قىزمەتشىلەرى*+ يەرۋساليمگە جول تارتتى.
8 ەزرا يەرۋساليمگە سول جەتىنشى جىلدىڭ بەسىنشى ايىندا كەلدى.
9 ول بابىلدان ٴبىرىنشى ايدىڭ ٴبىرىنشى كۇنى شىعىپ، قۇدايى وعان جار بولعاندىقتان، يەرۋساليمگە بەسىنشى ايدىڭ ٴبىرىنشى كۇنى كەلىپ جەتتى+.
10 ەزرا ەحوبانىڭ زاڭىن زەرتتەپ، ونى ورىنداۋعا+ جانە ونداعى نۇسقاۋلار مەن شەشىمدەردى يسرايلدە ۇيرەتۋگە+ ٶز جۇرەگىن دايىنداعان* بولاتىن.
11 ەحوبانىڭ يسرايلگە بەرگەن زاڭدارى مەن نۇسقاۋلارىن جەتىك بىلەتىن* كوشىرمەشى ٵرى ٴدىني قىزمەتكەر ەزراعا ارتاكسەركس پاتشانىڭ بەرگەن حاتىنىڭ كوشىرمەسى مىناۋ:
12 * «پاتشالاردىڭ پاتشاسى ارتاكسەركستەن+ كوكتەگى قۇدايدىڭ زاڭىنىڭ كوشىرمەشىسى ٵرى ٴدىني قىزمەتكەر ەزراعا. ساعان اماندىق پەن تىنىشتىق تىلەيمىن!
13 مەن پاتشالىعىمداعى يسرايل حالقىنىڭ ىشىنەن، ولاردىڭ ٴدىني قىزمەتكەرلەرى مەن لەۋىلىكتەرىنىڭ اراسىنان كىم سەنىمەن بىرگە يەرۋساليمگە بارعىسى كەلسە، بارسىن دەپ بۇيىرامىن+.
14 پاتشا مەن ونىڭ جەتى ٴۋازىرى سەنى قولىڭداعى قۇداي زاڭى ياھۋدا مەن يەرۋساليمدە ورىندالىپ جاتىر ما، جوق پا — سونى تەكسەرسىن دەپ جىبەرىپ وتىر.
15 سونداي-اق پاتشا مەن ونىڭ ۋازىرلەرىنىڭ يەرۋساليمدى تۇراعى ەتكەن يسرايل قۇدايىنا ٶز ەرىكتەرىمەن بەرگەن التىن-كۇمىستەرىن،
16 ٶزىڭ بابىلعا باعىنىشتى ايماقتاردان جيناعان التىن-كۇمىستى، حالىقتىڭ جانە ٴدىني قىزمەتكەرلەردىڭ يەرۋساليمدەگى قۇدايلارىنىڭ ۇيىنە بەرگەن ەرىكتى سي-تارتۋلارىن الىپ بار+.
17 قولىڭداعى وسى قاراجاتقا دەرەۋ بۇقالار+، قوشقارلار+، توقتىلار+، استىق جانە سۇيىق تارتۋلار+ ساتىپ ال دا، ولاردى يەرۋساليمدەگى قۇدايىڭنىڭ ۇيىندەگى قۇرباندىق وشاعىندا ۇسىن.
18 قالعان التىن-كۇمىستى، قۇدايلارىڭنىڭ ەركىنە ساي، ٶزىڭ جانە باۋىرلارىڭ دۇرىس دەپ تاپقان نارسەگە جاراتىڭدار.
19 سونىمەن قاتار قۇدايىڭنىڭ ۇيىندەگى قىزمەتتە قولدانىلۋ ٷشىن وزىڭە بەرىلگەن ىدىستاردى تۇگەل يەرۋساليمگە جەتكىزىپ، قۇدايدىڭ الدىنا قوي+.
20 قۇدايىڭنىڭ ۇيىنە بەرۋىڭ كەرەك باسقا دا قاجەتتى نارسەلەردى پاتشا قازىناسىنان ال+.
21 مەن، ارتاكسەركس پاتشا، ەۆفراتتىڭ باتىس ولكەسىندەگى بارلىق قازىناشىعا ٴدىني قىزمەتكەر ٵرى كوكتەگى قۇدايدىڭ زاڭىنىڭ كوشىرمەشىسى ەزرا+ نە سۇراسا، سونىڭ ٴبارىن دەرەۋ بەرۋدى ٵمىر ەتەمىن.
22 وعان 100 تالانتقا* دەيىن كۇمىس، 100 كورگە* دەيىن بيداي، 100 باتقا* دەيىن شاراپ+، 100 باتقا دەيىن ماي+ جانە قاجەتىنشە تۇز+ بەرىڭدەر.
23 پاتشالىققا جانە پاتشا ۇلدارىنا قۇدايدىڭ قاھارى توگىلمەس ٷشىن+، كوكتەگى قۇداي ٶز ۇيىنە قاتىستى نە بۇيىرسا، سونىڭ ٴبارى زور ىنتامەن ىستەلسىن+.
24 سونداي-اق ٴدىني قىزمەتكەرلەر، لەۋىلىكتەر، ٴتۇرلى اسپاپتاردا وينايتىندار+، قاقپا كۇزەتشىلەرى، عيباداتحانا قىزمەتشىلەرى+ مەن قۇداي ۇيىندە جۇمىس ىستەيتىندەردىڭ ەشقايسىسىنان الىم-سالىق+ نە باج سالىعى الىنباسىن.
25 ال سەن، ەزرا، قۇدايىڭنىڭ وزىڭە دارىتقان دانالىعىمەن زاڭ قىزمەتكەرلەرىن جانە بيلەردى تاعايىندا. ولار ەۆفراتتىڭ باتىس ولكەسىندەگى حالىققا، قۇدايىڭنىڭ زاڭدارىن بىلەتىندەردىڭ بارىنە، سوت جۇرگىزسىن. ال بىلمەيتىندەرىنە سول زاڭداردى ۇيرەتىڭدەر+.
26 قۇدايىڭنىڭ زاڭىن جانە پاتشانىڭ زاڭىن ورىنداماعان اركىم تەز ارادا لايىقتى جازاسىن تارتسىن. اتاپ ايتقاندا، ولىمگە كەسىلسىن، جەر اۋدارىلسىن، ايىپپۇل تولەسىن نە تۇرمەگە قامالسىن».
27 پاتشانىڭ جۇرەگىنە قوزعاۋ سالىپ، يەرۋساليمدەگى ەحوبانىڭ ٷيىن ٴسان-سالتاناتقا بولەۋگە تالپىندىرعان اتا-بابالارىمىزدىڭ قۇدايى ەحوبا ماداقتالسىن+!
28 ول ماعان پاتشانىڭ، ونىڭ ۋازىرلەرى+ مەن كۇللى قۋاتتى امىرشىلەرىنىڭ الدىندا اينىماس سۇيىسپەنشىلىك تانىتتى+. ەحوبا قۇدايىم ماعان جار بولعاندىقتان، باتىلدىققا يە بولىپ، يسرايلدىڭ باسشىلارىن وزىممەن ەرتىپ الۋ ٷشىن جينادىم.
سىلتەمەلەر
^ ماعىناسى «كومەك».
^ نەمەسە «شەبەر».
^ نەمەسە «نەتيندەر». سوزبە-ٴسوز «بەرىلگەندەر».
^ نەمەسە «جۇرەگىندە بەكىنگەن».
^ نەمەسە «سوزدەردى كوشىرەتىن».
^ ەزر 7:12—26 تارماقتار ٴتۇپنۇسقادا ارامەي تىلىندە جازىلعان.
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ 1 بات 22 ليترگە تەڭ. B14 قوسىمشاسىن قاراڭىز.
^ 1 كور 220 ليترگە تەڭ. B14 قوسىمشاسىن قاراڭىز.
