ەزەكيەل 10:1—22
10 مەن قاراپ تۇرعانىمدا، كەرۋبتەردىڭ توبە جاعىندا توسەلىپ جاتقان تاقتانىڭ ۇستىندە تۇرعان جاقۇت تاسى سياقتى بىردەڭەنى كوردىم، ول تاققا ۇقسايتىن+.
2 قۇداي زىعىر كيىم كيگەن كىسىگە+: «كەرۋبتەردىڭ استىندا اينالىپ تۇرعان دوڭگەلەكتەردىڭ+ اراسىنا كىرىپ، سونداعى قىزىپ تۇرعان شوقتان+ قوس ۋىسىڭدى تولتىرا الىپ شىق تا، قالانىڭ ۇستىنە شاشىپ جىبەر+»،— دەدى. مەن قاراپ تۇرعاندا، ول سوندا كىردى.
3 ول كىرگەندە، كەرۋبتەر كيەلى ٷيدىڭ سولتۇستىگىندە تۇرعان بولاتىن، ال ىشكى اۋلانى بۇلت جايلاعان ەدى.
4 ەحوبانىڭ سالتاناتى+ كەرۋبتەردىڭ توبە جاعىنان كوتەرىلىپ، كيەلى ٷيدىڭ بوساعاسىنا قاراي جىلجىدى. سوندا كيەلى ٷيدىڭ ٸشىن بۇلت جايلاپ+، اۋلا ەحوبانىڭ نۇرلى سالتاناتىنا كەنەلدى.
5 كەرۋبتەردىڭ قاناتتارىنىڭ شۋىلى سىرتقى اۋلادا ەستىلىپ تۇردى، ٵرى ول قۇدىرەتى شەكسىز قۇدايدىڭ سويلەگەندەگى داۋسىنا ۇقسايتىن+.
6 سول كەزدە قۇداي زىعىر كيىم كيگەن كىسىگە: «كەرۋبتەردىڭ استىندا اينالىپ تۇرعان دوڭگەلەكتەردىڭ اراسىنداعى وتتان ال!»— دەدى. ول كىرىپ، دوڭگەلەكتىڭ قاسىنا بارىپ تۇردى.
7 كەرۋبتەردىڭ+ ٴبىرى ارالارىنداعى وتقا قاراي قولىن سوزىپ، ودان وت الدى دا، زىعىر كيىم كيگەن كىسىنىڭ+ قوس ۋىسىنا سالىپ بەردى. ول وتتى الىپ، شىعىپ كەتتى.
8 كەرۋبتەردىڭ قاناتتارىنىڭ استىنان ادامداردىكىندەي قولدارى كورىنىپ تۇردى+.
9 مەن قاراپ تۇرعانىمدا، ٴتورت كەرۋبتى كوردىم. ولاردىڭ ٴارقايسىسىنىڭ قاسىندا ٴبىر-ٴبىر دوڭگەلەكتەن بار ەكەن. دوڭگەلەكتەر حريزوليتتەي جالتىراپ تۇردى+.
10 تورتەۋىنىڭ دە ٴپىشىنى بىردەي ەدى: ٴبىر دوڭگەلەكتىڭ ىشىندە تاعى ٴبىر دوڭگەلەك ورنالاسقانداي كورىنەتىن.
11 قوزعالعاندا ولار بۇرىلماي-اق ٴتورت باعىتتىڭ بىرىنە قاراي جۇرە بەرەتىن، ويتكەنى ولار كەرۋبتەر بەت العان جاققا بۇرىلماي-اق جىلجي الاتىن.
12 كەرۋبتەردىڭ دەنەلەرى، ارقالارى، قولدارى مەن قاناتتارى جانە قاستارىنداعى ٴتورت دوڭگەلەك تە كوزدەرگە تولى ەدى+.
13 مەن بىرەۋدىڭ: «اينالىپ تۇرعان دوڭگەلەكتەر!»— دەپ دوڭگەلەكتەردى شاقىرعانىن ەستىدىم.
14 ٵر كەرۋبتىڭ ٴتورت بەتى بولدى: بىرەۋى كەرۋبتىكىندەي، ەكىنشىسى ادامدىكىندەي، ٷشىنشىسى ارىستاندىكىندەي، ال ٴتورتىنشىسى بۇركىتتىكىندەي+.
15 كەرۋبتەر جوعارى كوتەرىلگەندە (بۇل كەبار وزەنىنىڭ+ بويىندا ٶزىم كورگەن تىرشىلىك يەلەرى ەدى)
16 نە قوزعالعاندا، قاستارىنداعى دوڭگەلەكتەر دە بىرگە قوزعالاتىن. جەردەن كوتەرىلۋ ٷشىن قاناتتارىن جايعاندا، دوڭگەلەكتەر قاستارىندا تۇرا بەرەتىن، ەشقايدا بۇرىلمايتىن دا، جىلجىمايتىن دا+.
17 كەرۋبتەر ٴبىر ورىندا تۇرسا، دوڭگەلەكتەر دە تۇراتىن، ال جەردەن كوتەرىلسە، بىرگە كوتەرىلەتىن، سەبەبى تىرشىلىك يەلەرىندەگى رۋح دوڭگەلەكتەردە دە بولدى.
18 ەحوبانىڭ سالتاناتى+ كيەلى ٷيدىڭ بوساعاسىنان كوتەرىلىپ، كەرۋبتەردىڭ توبە جاعىنا بارىپ تۇردى+.
19 كەرۋبتەر مەنىڭ كوز الدىمدا قاناتتارىن جايىپ، جەردەن كوتەرىلدى، قاستارىنداعى دوڭگەلەكتەر دە بىرگە جىلجىدى. ولار ەحوبانىڭ كيەلى ٷيىنىڭ شىعىس قاقپاسىنىڭ الدىنا توقتادى، ال توبە جاقتارىندا يسرايل قۇدايىنىڭ سالتاناتى تۇردى+.
20 مەن كەبار وزەنىنىڭ بويىندا بولعانىمدا، وسى تىرشىلىك يەلەرىنىڭ يسرايل قۇدايىنىڭ تاعىنىڭ استىندا تۇرعانىن كورگەن ەدىم+. سوندىقتان ولاردىڭ كەرۋب ەكەنىن بىلەتىنمىن.
21 ٴارقايسىسىنىڭ ٴتورت بەتى جانە ٴتورت قاناتى، ال قاناتتارىنىڭ استىندا ادامدىكىندەي قولدارى بولدى+.
22 كەرۋبتەردىڭ بەت الپەتى ٶزىم كەبار وزەنىنىڭ بويىندا كورگەن تىرشىلىك يەلەرىنىكىندەي ەدى+. ولاردىڭ ٴارقايسىسى تۋرا جۇرەتىن+.
