ەزەكيەل 11:1—25
11 بۇدان كەيىن رۋح مەنى كوتەرىپ الىپ، ەحوبانىڭ كيەلى ٷيىنىڭ شىعىسقا قاراعان قاقپاسىنا اپاردى+. مەن قاقپانىڭ الدىندا تۇرعان 25 كىسىنى كوردىم. ارالارىندا ازۋر ۇلى يازانياح پەن بەناياح ۇلى پەلاتياح بەكزادالار دا بار ەكەن+.
2 سوندا قۇداي ماعان مىنانى ايتتى: «ادام ۇلى، مىنالار زىميان جوسپار قۇرىپ، قالاداعىلارعا جامان كەڭەس بەرىپ جاتىر.
3 ولار: —قازىر ناعىز ٷي سالاتىن كەز ەمەس پە+؟! بۇل قالا — قازان+، ال ٴبىز ەتپىز،— دەيدى.
4 سوندىقتان، ادام ۇلى، ولارعا قارسى پايعامبارلىق ٴسوز ايت+».
5 سوندا ماعان ەحوبانىڭ رۋحى قوندى دا+، قۇداي مىنانى ايتۋدى بۇيىردى: «ەحوبا بىلاي دەيدى: —دۇرىس ايتاسىڭ، ەي، يسرايل ٷيى! ويىڭدا نە بار ەكەنىن بىلەمىن.
6 سەنىڭ كەسىرىڭنەن قالادا كوپ ادام قىرىلدى. سەن كوشەلەردى ولىككە تولتىردىڭ+.
7 سوندىقتان الەمنىڭ ٵمىرشىسى ەحوبا مىنانى ايتادى: —سەن قالانى تولتىرعان ولىكتەر — ەت، ال قالا — قازان+. ٴبىراق سەن ودان شىعارىلىپ تاستالاسىڭ.
8 الەمنىڭ ٵمىرشىسى ەحوبا تاعى مىنانى ايتادى: —سەمسەردەن قورىققان ەدىڭ+، سول سەمسەردى باسىڭا ۇيىرەمىن.
9 سەنى قالادان شىعارىپ تاستايمىن دا، شەتەلدىكتەردىڭ قولىنا بەرىپ، ۇكىمىمدى جۇزەگە اسىرامىن+.
10 سەن سەمسەردەن قىرىلاسىڭ+. مەن بۇل ۇكىمىمدى يسرايل شەگاراسىندا جۇزەگە اسىرامىن+. سوندا مەنىڭ ەحوبا ەكەنىمدى بىلەتىن بولاسىڭ+.
11 مىنا قالا سەن ٷشىن قازان، ال سەن ونىڭ ىشىندەگى ەت بولمايسىڭ. مەن بۇل ۇكىمىمدى يسرايل شەگاراسىندا جۇزەگە اسىرامىن.
12 سوندا مەنىڭ ەحوبا ەكەنىمدى بىلەتىن بولاسىڭ. ويتكەنى سەن مەنىڭ جارلىقتارىم مەن شەشىمدەرىمدى ەمەس+، اينالاڭداعى حالىقتاردىڭ شەشىمدەرىن ۇستاندىڭ+».
13 وسى پايعامبارلىق سوزدەردى ايتىپ بولعانىم سول-اق ەكەن، بەناياح ۇلى پەلاتياح مەرت بولدى. مۇنى كورگەندە، ەتپەتىمنەن جىعىلا كەتىپ: «ۋا، الەمنىڭ ٵمىرشىسى ەحوبا! يسرايلدىڭ تامتىعىن تۇگەل قۇرتىپ جىبەرمەكسىڭ بە؟»— دەپ ايقايلاپ جىبەردىم+.
14 سول كەزدە ەحوبا ماعان بىلاي دەدى:
15 «ادام ۇلى، يەرۋساليم تۇرعىندارى سەنىڭ باۋىرلارىڭا، يەلىگىڭدى وتەپ الۋعا قۇقىلى تۋىستارىڭ مەن كۇللى يسرايل ۇيىنە: —ەحوباعا جولاماڭدار! بۇل جەر بىزدىكى، ٴبىزدىڭ يەلىگىمىزگە بەرىلگەن!— دەيدى.
16 سوندىقتان ولارعا مىنانى جەتكىز: —الەمنىڭ ٵمىرشىسى ەحوبا مىنانى ايتادى: —مەن ولاردى الىستاعى حالىقتاردىڭ اراسىنا تاراتىپ، ٴتۇرلى ەلدەرگە بىتىراتىپ جىبەرسەم دە+، سول بارعان جەرلەرىندە از ۋاقىتقا ولار ٷشىن ٶزىم عيباداتحانا بولامىن+.
17 سوندىقتان ولارعا ايت: —الەمنىڭ ٵمىرشىسى ەحوبا بىلاي دەيدى: —سەندەردى حالىقتار مەن ٶزىم بىتىراتىپ جىبەرگەن ەلدەردىڭ اراسىنان جيناپ الىپ، يسرايل جەرىن بەرەمىن+.
18 ولار ەلىنە قايتا ورالادى دا، جەركەنىشتى پۇتقا تابىنۋشىلىقتان ارىلىپ، بارلىق جەكسۇرىن ىستەرىن قويادى+.
19 مەن ولارعا ٴبىرتۇتاس جۇرەك بەرىپ+، جاڭا رۋح دارىتامىن+. تاستاي قاتتى جۇرەكتەرىنىڭ+ ورنىنا ەتتەي جۇمساق جۇرەك* بەرەمىن+.
20 سوندا ولار مەنىڭ جارلىقتارىم مەن شەشىمدەرىمدى ورىنداپ، سولارعا مويىنسۇنادى. ولار مەنىڭ حالقىم، ال مەن ولاردىڭ قۇدايى بولامىن.
21 الەمنىڭ ٵمىرشىسى ەحوبا مىنانى ايتادى: —ال جەركەنىشتى پۇتقا تابىنۋشىلىقتان ارىلىپ، جەكسۇرىن ىستەرىن قويمايتىندارعا ٶز ىستەرىنىڭ زاردابىن تارتقىزامىن».
22 وسىدان كەيىن كەرۋبتەر قاناتتارىن جايدى، جاندارىندا دوڭگەلەكتەر بولدى+، ال يسرايل قۇدايىنىڭ سالتاناتى توبە جاقتارىندا تۇردى+.
23 سودان سوڭ ەحوبانىڭ سالتاناتى+ قالادان كوتەرىلىپ، ونىڭ شىعىسىنداعى تاۋدىڭ باسىنا بارىپ توقتادى+.
24 سوندا قۇداي رۋحى ارقىلى بەرىلگەن اياندا رۋح مەنى كوتەرىپ الىپ، حالدەي ەلىنە جەر اۋدارىلعان حالىققا اكەلدى. ال كورگەن ايانىم عايىپ بولىپ كەتتى.
25 مەن ەحوبا كورسەتكەننىڭ ٴبارىن ولارعا بايانداپ بەردىم.
سىلتەمەلەر
^ ياعني قۇدايدىڭ باسشىلىعىنا مويىنسۇنۋعا دايىن جۇرەك.
