ەزەكيەل 12:1—28
12 ەحوبا تاعى دا ماعان ٴسوزىن ارناپ بىلاي دەدى:
2 «ادام ۇلى، سەن بۇلىكشىل حالىقتىڭ اراسىندا ٶمىر ٴسۇرىپ جاتىرسىڭ. ولار كوزدەرى بار بولسا دا، كورمەيدى، قۇلاقتارى بار بولسا دا، ەستىمەيدى+، ويتكەنى ولار بۇلىكشىل حالىق+.
3 سوندىقتان، ادام ۇلى، جەر اۋدارىلعان كىسىدەي زاتتارىڭدى جينا دا، كۇندىز سولاردىڭ كوزىنشە باسقا جەرگە بار. ولار بۇلىكشىل حالىق بولسا دا، بالكىم، تۇسىنەر.
4 كۇندىز سولاردىڭ كوزىنشە جەر اۋدارىلعاندا الاتىن زاتتاردى الىپ شىق، ال كەشكە تۇتقىنعا ايدالىپ بارا جاتقانداي، كوز الدارىندا شىعىپ كەت+.
5 سوسىن جۇرتتىڭ كوزىنشە دۋالدى ۇڭگىپ قاز دا، جۇگىڭدى سول جەردەن الىپ ٶت+.
6 جۇگىڭدى سولاردىڭ كوزىنشە، يىعىڭا سالىپ الىپ، ٴتۇن جامىلىپ كەت. ال بەتىڭدى اياق استىنداعى جەردى كورمەيتىندەي ەتىپ تۇمشالاپ ال. سەبەبى مەن سەنى يسرايل ۇيىنە بەلگى ەتىپ وتىرمىن+».
7 مەن وزىمە بۇيىرىلعاننىڭ ٴبارىن بۇلجىتپاي ورىندادىم: كۇندىز جەر اۋدارىلعاندا الاتىن زاتتاردى الىپ شىقتىم دا، كەشكە دۋالدى قولىممەن ۇڭگىپ قازدىم. ال قاراڭعى تۇسكەندە جۇرتتىڭ كوزىنشە جۇگىمدى يىعىما سالىپ الىپ كەتتىم.
8 كەلەسى كۇنى تاڭەرتەڭ ەحوبا ماعان ٴسوزىن ارناپ بىلاي دەدى:
9 «ادام ۇلى، بۇلىكشىل يسرايل حالقى سەنەن: —نە ىستەپ جاتىرسىڭ؟— دەپ سۇرادى ەمەس پە؟
10 ولارعا مىنا ٴسوزىمدى جەتكىز: —الەمنىڭ ٵمىرشىسى ەحوبا بىلاي دەيدى: —مىنا حابار يەرۋساليمنىڭ باسشىسى+ مەن قالاداعى كۇللى حالىققا ارنالعان.
11 ٶزىڭنىڭ بەلگى بولعانىڭدى ايت+. سەنىڭ ىستەگەندەرىڭ سولاردىڭ باسىنا تۇسەدى. ولار جەر اۋدارىلىپ، تۇتقىن بولادى+.
12 ارالارىنداعى باسشى جۇگىن يىعىنا سالىپ، ٴتۇن جامىلىپ كەتەدى. ول دۋالدى ۇڭگىپ قازىپ، جۇگىن سول جەردەن الىپ وتەدى+. ال بەتىن اياق استىنداعى جەردى كورە المايتىنداي ەتىپ تۇمشالاپ الادى.
13 مەن تور قۇرىپ، ونى سوعان تۇسىرەمىن+. ونى حالدەيلەردىڭ ەلى بابىلعا اكەلەمىن، ٴبىراق ول سول جەردى كورمەيدى. ول بابىلدا ولەدى+.
14 ال اينالاسىنداعى كومەكشىلەرى مەن جاساعىنىڭ ٴبارىن جان-جاققا بىتىراتىپ جىبەرەمىن دە+، ارتتارىنان قۋۋ ٷشىن سەمسەرىمدى جىبەرەمىن+.
15 مەن ولاردى حالىقتاردىڭ اراسىنا تاراتىپ، ەلدەر اراسىنا بىتىراتىپ جىبەرگەنىمدە، ولار مەنىڭ ەحوبا ەكەنىمدى بىلەتىن بولادى.
16 ٴبىراق بارعان جەرلەرىندە وزدەرىنىڭ جەركەنىشتى ىستەرى جايىندا ايتسىن دەپ، ولاردىڭ ٴبىرازىن سەمسەردەن، اشتىق پەن ىندەتتەن امان الىپ قالامىن. سوندا ولار مەنىڭ ەحوبا ەكەنىمدى بىلەتىن بولادى».
17 ەحوبا تاعى دا ماعان ٴسوزىن ارناپ بىلاي دەدى:
18 «ادام ۇلى، نانىڭدى قالتىراپ جەپ، سۋىڭدى بەرەكەڭ كەتىپ، ابىرجىپ ٸش+.
19 ٴسويت تە وسى جەردىڭ ادامدارىنا مىنانى جەتكىز: —الەمنىڭ ٵمىرشىسى ەحوبا يسرايل جەرىندەگى يەرۋساليم تۇرعىندارى جايىندا بىلاي دەيدى: —ولار ناندارىن ابىرجىپ جەپ، سۋلارىن قورقىپ ىشەتىن بولادى. ويتكەنى كۇللى تۇرعىندارىنىڭ زورلىق-زومبىلىعىنىڭ كەسىرىنەن+ ەلدەرى قاڭىراپ بوس قالماق+.
20 ولاردىڭ قونىستانعان قالالارى بوس، ال جەرلەرى قاڭىراپ قالادى+. سوندا سەندەر مەنىڭ ەحوبا ەكەنىمدى بىلەتىن بولاسىڭدار+».
21 ەحوبا تاعى دا ماعان ٴسوزىن ارناپ بىلاي دەدى:
22 «ادام ۇلى، يسرايلدەگى «كۇندەر كەتتى ٶتىپ، ايان اتاۋلى جۇزەگە اسپاي كەتتى قۇرىپ» دەگەن نە قىلعان ماتەل+؟
23 ولارعا بىلاي دە: —الەمنىڭ ٵمىرشىسى ەحوبا مىنانى ايتادى: —مەن بۇل ماتەلدى يسرايلدە ەندى قايتىپ ايتىلمايتىنداي ەتىپ قۇرتىپ جىبەرەمىن. قايتا، ولارعا «كۇندەر كەلدى تاياپ+، ايان اتاۋلى جۇزەگە اسادى» دەگەندى ايت.
24 ويتكەنى بۇدان بىلاي يسرايل ۇيىندە جالعان ايان دا، جاعىمپاز ساۋەگەيلىك تە ايتىلمايدى+.
25 الەمنىڭ ٵمىرشىسى ەحوبا مىنانى ايتادى: —مەن، ەحوبا، سويلەيتىن بولامىن، ٵرى ايتقاندارىم ەندى كوپ ۇزاماي ٴبارى ورىندالادى+. ەي، بۇلىكشىل حالىق، مەن سەنىڭ زامانىڭدا+ ٴسوزىمدى ايتامىن دا، سونى جۇزەگە اسىرامىن».
26 ەحوبا تاعى دا ماعان ٴسوزىن ارناپ بىلاي دەدى:
27 «ادام ۇلى، يسرايل ٷيى: —ونىڭ كورگەن ايانى كوپ كۇندەردەن كەيىن ورىندالادى، ايتىپ جۇرگەن پايعامبارلىعى سوناۋ بولاشاققا قاتىستى،— دەيدى+.
28 سوندىقتان ولارعا بىلاي دە: —الەمنىڭ ٵمىرشىسى ەحوبا مىنانى ايتادى: —ايتقان سوزدەرىمنىڭ بىردە-بىرەۋى ۇزاققا سوزىلماي ورىندالادى. نە ايتسام، ٴبارى دە جۇزەگە اسادى. مۇنى ايتقان مەن — الەمنىڭ ٵمىرشىسى ەحوبا!»
