ەزەكيەل 19:1—14
-
يسرايل باسشىلارىن جوقتاۋ (1—14)
19 بۇدان كەيىن ول ماعان بىلاي دەدى: «يسرايل باسشىلارى جايلى جوقتاۋ ايتىپ
2 بىلاي دە:
—سەنىڭ اناڭ كىم ەدى؟ ارلان ارىستاندار اراسىندا جاتاتىن قانشىر ەدى.
ول ابدان ارىستاندار اراسىندا كۇشىكتەرىن اسىرادى.
3 اناڭ كۇشىكتەرىنىڭ ٴبىرىن باعىپ، ابدان قىلىپ ٶسىردى+.
ول اۋلاعان جەمتىگىن پارشالاۋدى ۇيرەنىپ،ٴتىپتى ادامداردى دا جالمايتىن بولدى.
4 ول تۋرالى ەستىگەن حالىقتار ونى ورعا ٴتۇسىرىپ ۇستاپ الدى،مۇرنىنا ىلمەك سالىپ، مىسىرعا الىپ كەتتى+.
5 اناڭ ونىڭ قايتا ورالۋىن كۇتتى،اقىرى ٷمىتى ۇزىلگەندە، باسقا كۇشىگىن باعىپ، ونى دا ابدان قىلىپ ٶسىردى.
6 ول دا ارلان ارىستاندار اراسىندا ٴجۇرىپ، مىقتى ابدانعا اينالدى.
اۋلاعان جەمتىگىن پارشالاۋدى ۇيرەنىپ، ٴتىپتى ادامداردى دا جالمايتىن بولدى+.
7 ادامداردىڭ بەكىنىس مۇنارالارىن كەزىپ، قالالارىن ويران قىلدى.
وسىلاي قاڭىراپ بوس قالعان ەلدە ونىڭ اقىرعان داۋسىنىڭ جاڭعىرىعى تۇردى+.
8 سوندا كورشى ايماقتاردىڭ حالىقتارى ونىڭ ۇستىنە تور تاستادى،ونى ورلارىنا ٴتۇسىردى.
9 مۇرنىنا ىلمەك سالىپ، تارتىپ تورعا كىرگىزدى،سوسىن بابىل پاتشاسىنىڭ الدىنا اكەلدى.
بۇدان بىلاي يسرايل تاۋلارىندا داۋسى ەستىلمەۋ ٷشىن، ونى سول جەردە قاماپ قويدى.
10 سەنىڭ اناڭ سۋ جاعاسىنا وتىرعىزىلعان سەنىڭ قانىڭداعى ٴجۇزىم* سياقتى ەدى+.
سۋ مول بولعاندىقتان، ول جەمىستى كوپ بەرەتىن بۇتاقتى ٴجۇزىم بولدى.
11 بۇتاقتارى بيلەۋشىلەرگە اساتاياق جاساۋعا لايىق مىقتى بولىپ جەتىلدى.
ٴجۇزىم وسە بەرىپ، باسقا اعاشتاردان جوعارى كوتەرىلدى.
بيىك ٵرى جاپىراقتارىنىڭ قالىڭ بولعانىنىڭ ارقاسىندا بىردەن كوزگە ٴتۇسىپ تۇردى.
12 ٴبىراق ول قاھارعا ۇشىراپ، تامىرىمەن جۇلىنىپ+، جەرگە تاستالدى،ال شىعىستان سوققان جەل ونى قۋراتىپ جىبەردى.
ونىڭ جۇلىنىپ تاستالعان مىقتى بۇتاقتارى كەۋىپ قالدى دا+، ولاردى ٶرت جالمادى+.
13 ەندى سول ٴجۇزىم ٴشول دالاعا،سۋسىز قۋاڭ جەرگە وتىرعىزىلدى+.
14 سودان ونىڭ بۇتاقتارىنان وت شىعىپ، وسكىندەرى مەن جەمىسىن جالماپ قويدى،بىردە-ٴبىر مىقتى بۇتاعى دا، بيلەۋشىنىڭ اساتاياعى دا قالمادى+».
بۇل — جوقتاۋ جىرى، ٵرى ول كەڭ تاراماق.
سىلتەمەلەر
^ مۇمكىن: «جۇزىمدىگىڭدەگى ٴبىر ٴتۇپ ٴجۇزىم».
