ەزەكيەل 27:1—36
-
ٴتيردىڭ سۋعا كەتكەن كەمەسىن جوقتاۋ (1—36)
27 ەحوبا تاعى دا ماعان ٴسوزىن ارناپ بىلاي دەدى:
2 «ادام ۇلى، ٴتيردى ازا تۇتىپ+،
3 ول تۋرالى مىنا جوقتاۋدى ايت:
—تەڭىز قاقپالارىنا قونىس تەۋىپ،كوپتەگەن ارالدارمەن ساۋدا-ساتتىق جاسايتىن تير!
الەمنىڭ ٵمىرشىسى ەحوبا مىنانى ايتادى:
—ەي، تير، سەن «مەن كەرەمەت كورىكتىمىن!» دەيسىڭ+.
4 سەنىڭ يەلىگىڭ تەڭىزدىڭ قاق ورتاسىندا ورنالاسقان.
ساۋلەتشىلەرىڭ كوركىڭدى كەمەلىنە جەتكىزدى.
5 سەن بەينە ٴبىر كەمە ىسپەتتى بولدىڭ، ولار تاقتايلارىڭدى سەنير+ ارشاسىنان جاسادى،ال دىڭگەگىڭ ٷشىن ليۆان قاراعايلارىن الدىرتتى.
6 ەسكەكتەرىڭدى باشاننىڭ ەمەن اعاشىنان،تۇمسىعىڭدى كيتتيم+ ارالدارىنىڭ كيپاريس اعاشىنان جاساپ،ٴپىل سۇيەگىمەن اشەكەيلەدى.
7 جەلكەنىڭدى مىسىردىڭ ٴتۇرلى ٴتۇستى كەنەبىنەن جاسادى،پالۋباڭنىڭ جاپپالارىن ەليشاح+ ارالدارىنىڭ كوك ٴجىبى مەن كۇلگىن ٴتۇستى جۇنىنەن توقىدى.
8 ەي، تير، سيدوندىقتار مەن ارۆادتىقتار+ ەسكەكشىلەرىڭ،ال وزىڭنەن شىققان شەبەر جىگىتتەر تەڭىزشىلەرىڭ بولدى+.
9 گەبالدىڭ+ تاجىريبەلى دە ىسمەر كىسىلەرى تەسىك-ساڭىلاۋلارىڭدى بىتەدى+.
ساعان تەڭىزدەگى كۇللى كەمەلەر مەن ولاردىڭ تەڭىزشىلەرى ساۋدا-ساتتىق جاساۋعا كەلدى.
10 اسكەرىڭدە پارسىلار، لۋدتىقتار مەن پۋتتىقتار+ قىزمەت ەتىپ، ساربازدارىڭ بولدى.
ولار ساعان قالقاندارى مەن دۋلىعالارىن ٸلىپ، كوركىڭدى ارتتىرا ٴتۇستى.
11 دۋالىڭدى اينالا ارۆادتىق ساربازدارىڭ،ال مۇنارالارىڭدا جاۋجۇرەك جىگىتتەرىڭ تۇردى.
ولار دومالاق قالقاندارىن دۋالىڭا اينالدىرا ٸلىپ،كوركىڭدى كەمەلىنە كەلتىردى.
12 سەن ٴتۇرلى تاۋارلارعا باي بولعاندىقتان+، تارسيس+ سەنىمەن ساۋدا-ساتتىق جاساسىپ، ولاردى كۇمىس، تەمىر، قالايى مەن قورعاسىنعا ايىرباستادى+.
13 يابان، تۇبال+ مەن مەشەح+ تە سەنىمەن ساۋدا-ساتتىق جاساسىپ، تاۋارلارىڭا قۇلدارى+ مەن مىس بۇيىمدارىن ايىرباستادى.
14 توعارما+ اۋلەتى بولسا ساعان جىلقىلارى مەن قاشىرلارىن اكەپ تۇردى.
15 سەنىمەن دەداندىقتار+ دا ساۋدا-ساتتىق جاساستى. كوپتەگەن ارالداردىڭ ساۋداگەرلەرى دە ساعان كەلىپ، ساۋدا جاسادى. مۇنىڭ ەسەسىنە ساعان ٴپىل سۇيەگى+ مەن باعالى قارا اعاش تارتۋ ەتتى.
16 شىعاراتىن ٶنىمىڭ مول بولعاندىقتان، ەدوم ساعان فەرۋزا، كۇلگىن ٴتۇستى ٴجۇن، ٴتۇرلى ٴتۇستى كەستەلى جانە قىمبات ماتا، ٸنجۋ-مارجان، لاعىل بەرىپ، الىس-بەرىس جاساستى.
17 ياھۋدا مەن يسرايل دە سەنىمەن ساۋدا-ساتتىق جاساسىپ، ٴميننيتتىڭ+ بيدايىن، تاڭداۋلى تاعامدار، بال+، ماي جانە بالزام+ اكەلىپ تۇردى+.
18 ٶنىمىڭ مول، بايلىعىڭ اعىل-تەگىل بولعاندىقتان، داماسك+ سەنىمەن ايىرباس جاساسىپ، ساعان حەلبون شارابى مەن زاحار ٴجۇنىن* اكەلەتىن.
19 ۇزالدان ەداندىقتار مەن ياباندىقتار كەلىپ، تاۋارلارىڭ ٷشىن سوعىلعان تەمىر، كاسسيا* جانە حوش ٴيىستى قامىس بەرىپ تۇردى.
20 دەدان+ سەنىمەن ات جونىنا سالاتىن جابۋلارىمەن ساۋدا جاسادى.
21 ارابتار مەن كەدار+ باسشىلارىنىڭ ٴبارى ساۋداگەرلەرىڭ بولىپ، توقتى-قوشقار مەن تەكەلەر ساتتى+.
22 شەبا مەن راحاما+ ساۋداگەرلەرى سەنىمەن ساۋدا-ساتتىق جاساسىپ، نەشە ٴتۇرلى باعالى ٴيىسمايلار، اسىل تاستار مەن التىن اكەلىپ تۇردى+.
23 حاران+، قانەح، ەدەم+، شەبا+، اششۋر+ جانە كيلماد ساۋداگەرلەرى دە سەنىمەن الىس-بەرىس جاساستى.
24 ولار بازارىڭدا ادەمى كيىمدەر، كوك جانە ٴتۇرلى ٴتۇستى كەستەلى شاپاندار، ارقانمەن مىقتاپ بايلانعان الۋان ٴتۇستى كىلەمدەر ساتتى.
25 تارسيس كەمەلەرى+ سەن ٷشىن تاۋار تاسيتىن كەرۋەن ىسپەتتى بولدى.
وسىلاي تەڭىزدىڭ قاق ورتاسىندا بايلىققا باتتىڭ، داۋلەتكە* كەنەلدىڭ.
26 ٴبىراق ەسكەكشىلەرىڭ سەنى دولى تەڭىزگە شىعارعاندا،شىعىستان سوققان جەل سەنى تەڭىزدىڭ قاق ورتاسىندا قيراتىپ تاستادى.
27 سەندە بولعانداردىڭ ٴبارى دە:
بار بايلىعىڭ، تاۋارلارىڭ مەن بۇيىمدارىڭ، كۇللى تەڭىزشىلەرىڭ،تەسىك-ساڭىلاۋلارىڭدى بىتەپ جۇرگەندەر، تاۋارلارىڭدى الىسىپ-بەرىسىپ جۇرگەندەر+، كۇللى ساربازدارىڭ+
ٶزىڭ قۇلاعان كۇنى تەڭىزدىڭ قاق ورتاسىندا سۋ تۇبىنە كەتەدى+.
28 تەڭىزشىلەرىڭنىڭ ايقايىنان تەڭىز جاعالاۋىنداعى مەكەندەر شايقالىپ كەتەدى.
29 بارلىق ەسكەكشىلەر، تەڭىزشىلەر مەن كەمە باسقارۋشىلارىكەمەلەرىنەن ٴتۇسىپ، جاعادا تۇرادى.
30 ولار سەن ٷشىن باستارىنا توپىراق شاشىپ، كۇلگە اۋنايدى،بار داۋىستارىمەن زار يلەيدى+.
31 شاشتارىن تاقىرلاپ الىپ تاستاپ، ازالى كيىم كيىپ،جۇرەكتەرى قارس ايىرىلا سەنى جوقتايدى.
32 ولار ازالى اندەرىن ايتىپ بىلاي دەيدى:
—تەڭىزدىڭ قاق ورتاسىندا تير سياقتى ٷنسىز قالعان كىم بار+؟
33 اشىق تەڭىزدەن تاۋارلارىڭ كەلگەندە، كوپتەگەن حالىقتى قامتاماسىز ەتۋشى ەدىڭ+.
مول داۋلەتىڭ مەن بۇيىمدارىڭ جەرجۇزىنىڭ پاتشالارىن بايىتقان ەدى+.
34 ال ەندى اشىق تەڭىزدە اپاتقا ۇشىراپ، تۇڭعيىققا باتتىڭ+.
تاۋارلارىڭ مەن ادامدارىڭ دا سەنىمەن بىرگە سۋعا كەتتى+.
35 ارالداردى مەكەندەيتىندەردىڭ ٴبارى ساعان اڭتارىلا قارايدى+،پاتشالارى قالشىلداي قورقىپ+، وڭدەرى قاشادى.
36 ٴتۇرلى ۇلتتار اراسىندا تۇراتىن ساۋداگەرلەر قانداي كۇيگە ۇشىراعانىڭدى كورىپ، اڭ-تاڭ بولىپ ىسقىرادى.
سەن اياقاستىنان جەرمەن-جەكسەن بولىپ كۇيرەيسىڭ دە،ماڭگىگە قۇرىپ جوعالاسىڭ+».
سىلتەمەلەر
^ نەمەسە «سۇرعىلت قىزىل ٴجۇن».
^ دارشىن تۇقىمداسىنا جاتاتىن اعاش.
^ مۇمكىن: «داڭققا».
