ەزەكيەل 28:1—26
28 ەحوبا تاعى دا ماعان ٴسوزىن ارناپ بىلاي دەدى:
2 «ادام ۇلى، تير كوسەمىنە حابارىمدى جەتكىز! الەمنىڭ ٵمىرشىسى ەحوبا مىنانى ايتادى:
—سەن جۇرەگىڭە تاكاپپارلىق ۇيالاعاندىقتان+
«مەن قۇدايمىن، تەڭىزدىڭ قاق ورتاسىنداعى قۇدايدىڭ تاعىندا وتىرمىن!»+ دەيسىڭ.
ٴبىراق ٶزىڭدى قۇدايداي سەزىنگەنمەن، سەن قۇداي ەمەسسىڭ، بار بولعانى پەندەسىڭ.
3 سەن ٶزىڭدى دانيالدان دا دانامىن دەپ ەسەپتەپ+،وزىڭە بەيمالىم قۇپيا جوقتاي كورەسىڭ.
4 دانالىعىڭ مەن كورەگەندىگىڭنىڭ ارقاسىندا بايىپ،قازىناڭا التىن-كۇمىس جيناپ جاتىرسىڭ+.
5 ساۋدا-ساتتىق ٸسىن جەتىك مەڭگەرگەندىكتەن ابدەن بايىپ+،جۇرەگىڭ تاكاپپارلانىپ كەتتى.
6 سوندىقتان الەمنىڭ ٵمىرشىسى ەحوبا مىنانى ايتادى:
—ٶزىڭدى قۇدايمىن دەپ ساناعانىڭ ٷشىن،
7 مەن ساعان قارسى شەتەلدىكتەردى، حالىقتاردىڭ اراسىنداعى ەڭ قاتىگەزىن الىپ كەلەمىن+.
ولار دانالىعىڭمەن تاپقان اسەم نارسەلەرىڭنىڭ ٴبارىن سەمسەرمەن شابادى،كەرەمەت سالتاناتىڭدى دا ارامدايدى+.
8 ولار سەنى ورعا* تۇسىرەدى.
وسىلاي تەڭىزدىڭ قاق ورتاسىندا قورقىنىشتى ولىممەن ولەسىڭ+.
9 سوندا ٶزىڭدى ولتىرۋگە كەلگەندەرگە «مەن قۇدايمىن!» دەيسىڭ بە؟
ارامداۋعا كەلگەندەردىڭ قولىندا سەن قۇداي ەمەس، بار بولعانى پەندە بولاسىڭ.
10 سەن شەتەلدىكتەردىڭ قولىنان سۇندەتتەلمەگەندەرگە لايىق ولىممەن ولەسىڭ.
سەبەبى مۇنى مەن — الەمنىڭ ٵمىرشىسى ەحوبا ايتىپ وتىرمىن».
11 ەحوبا تاعى دا ماعان ٴسوزىن ارناپ بىلاي دەدى:
12 «ادام ۇلى، تير پاتشاسى تۋرالى ازالى ٵن ايتىپ، وعان حابارىمدى جەتكىز. الەمنىڭ ٵمىرشىسى ەحوبا مىنانى ايتادى:
—سەن كەمەلدىلىكتىڭ ۇلگىسى ەدىڭ،اسقان دانا ەدىڭ+، كوركىڭدە ٴمىن جوق ەدى+.
13 سەن ەدەمدە، قۇدايدىڭ باعىندا بولدىڭ.
كيىمىڭ ٵرتۇرلى اسىل تاستارمەن —لاعىل، توپاز، ياشما، حريزوليت، ونيكس، جادەيت، جاقۇت، فەرۋزا+، زۇبارجاتپەن — اشەكەيلەندى.
تاستاردىڭ ٵربىرى التىن ۇياشىقتارعا قوندىرىلدى.
مەن بۇلاردى سەنى جاراتقان كۇنى دايىنداعانمىن.
14 مەن سەنى مايلاپ، قورعاۋشى كەرۋب ەتىپ تاعايىندادىم.
سەن قۇدايدىڭ كيەلى تاۋىندا بولىپ+، الاۋلاعان تاستار اراسىندا ٴجۇردىڭ.
15 جاراتىلعان كۇنىڭنەن باستاپ بويىڭنان ادىلەتسىزدىك تابىلعانعا دەيىن+ ٴجۇرىس-تۇرىسىڭدا ٴمىن بولمادى.
16 ساۋدا-ساتتىعىڭ كەڭگە جايىلعاندىقتان+ زۇلىمدىققا قۇنىعىپ، كۇنا جاساي باستادىڭ+.
سوندىقتان، ەي، قورعاۋشى كەرۋب، مەن سەنى ارامدالعان دەپ ساناپ،قۇدايدىڭ تاۋىنان لاقتىرىپ تاستايمىن،الاۋلاعان تاستاردىڭ اراسىنان الىپ، قۇرتىپ جىبەرەمىن+.
17 كورىكتى بولعاندىقتان جۇرەگىڭە تاكاپپارلىق ۇيالادى+.
كەرەمەت سالتاناتقا جەتتىم دەپ+، دانالىعىڭدى تۇككە تۇرعىسىز ەتتىڭ.
مەن سەنى جەرگە لاقتىرامىن+،سوندا پاتشالار ساعان كوز الماي قارايدى.
18 سەن كوپ قىلمىس، ادىلەتسىز ساۋدا جاساپ، عيباداتحانالارىڭدى ارامدادىڭ.
سوندىقتان مەن ورتاڭنان وت شىعارامىن دا، ول سەنى جالماپ قويادى+.
وزىڭە قاراپ تۇرعانداردىڭ كوزىنشە سەنى جەردە جاتقان كۇلگە اينالدىرامىن.
19 حالىقتار اراسىندا سەنى بىلەتىندەردىڭ بارلىعى ساعان اڭتارىلا قارايتىن بولادى+.
سەن اياقاستىنان جانتۇرشىگەرلىك اپاتقا ۇشىراپ، ماڭگىگە قۇرىپ كەتەسىڭ+».
20 ەحوبا تاعى دا ماعان ٴسوزىن ارناپ بىلاي دەدى:
21 «ادام ۇلى، ٴجۇزىڭدى سيدونعا+ بۇر دا، پايعامبارلىق ەتىپ،
22 وعان مەنىڭ حابارىمدى جەتكىز! الەمنىڭ ٵمىرشىسى ەحوبا مىنانى ايتادى:
—ٴبىلىپ قوي، ەي، سيدون! مەن ساعان قارسى شىعامىن دا، اراڭدا داڭقىمدى ارتتىرامىن.
ساعان شىعارعان ۇكىمىمدى جۇزەگە اسىرىپ، كيەلى ەكەنىمدى ايان ەتكەنىمدە، جۇرت مەنىڭ ەحوبا ەكەنىمدى بىلەتىن بولادى.
23 مەن ساعان ىندەت جىبەرەمىن، كوشەلەرىڭدە قان سۋداي اعاتىن بولادى.
ساعان جان-جاقتان سەمسەر ٴتونىپ، تۇرعىندارىڭ قاق ورتاڭدا سۇلاپ جاتادى.
سوندا مەنىڭ ەحوبا ەكەنىمدى بىلەتىن بولاسىڭ+.
24 يسرايلدى بۇدان بىلاي اينالاسىنداعى حالىقتار مازاق ەتىپ، ولارعا تىكەندەي كىرىپ، جاڭقاداي قادالمايتىن بولادى+. سوندا جۇرت مەنىڭ الەمنىڭ ٵمىرشىسى ەحوبا ەكەنىمدى بىلەدى.
25 الەمنىڭ ٵمىرشىسى ەحوبا مىنانى ايتادى: —مەن ەل-ەلگە بىتىراپ كەتكەن يسرايل ٷيىن جيناپ الىپ+، باسقا ۇلتتاردىڭ كوزىنشە ٶز حالقىمنىڭ اراسىندا كيەلىلىگىمدى پاش ەتەمىن+. سول كەزدە حالقىم ٶز جەرىن، كەزىندە قىزمەتشىم جاقىپقا بەرگەن جەردى+، قايتا مەكەندەيتىن بولادى+.
26 ولار سول جەردە قاۋىپسىز ٶمىر ٴسۇرىپ+، ۇيلەر سالىپ، جۇزىمدىكتەر وتىرعىزادى+. مەن وزدەرىن مازاق ەتكەن اينالاسىنداعى حالىقتارعا شىعارعان ۇكىمىمدى جۇزەگە اسىرعاندا، ٶز حالقىم قاۋىپسىز ٶمىر كەشەدى+. سوندا ولار مەنىڭ قۇدايلارى ەحوبا ەكەنىمدى بىلەتىن بولادى».
سىلتەمەلەر
^ نەمەسە «كورگە».
