ەزەكيەل 29:1—21
29 ونىنشى جىلدىڭ ونىنشى ايىنىڭ ون ەكىنشى كۇنى ەحوبا ماعان ٴسوزىن ارناپ بىلاي دەدى:
2 «ادام ۇلى، ٴجۇزىڭدى مىسىر ەلىنىڭ پاتشاسى پەرعاۋىنعا بۇرىپ، وعان جانە بۇكىل مىسىر+ ەلىنە قارسى پايعامبارلىق ەتىپ،
3 حابارىمدى جەتكىز! الەمنىڭ ٵمىرشىسى ەحوبا مىنانى ايتادى:
—ٴبىلىپ قوي، ەي، مىسىر پاتشاسى پەرعاۋىن+،ٴنىل سالالارىنىڭ* اراسىندا جاتقان الىپ تەڭىز قۇبىجىعى+!
مەن ساعان قارسى شىعامىن.
سەن: «ٴنىل وزەنى مەنىكى، مەن ونى ٶزىم ٷشىن جاسادىم!»— دەيسىڭ+.
4 سول ٷشىن مەن سەنىڭ جاق سۇيەگىڭە قارماق سالامىن دا،نىلىڭدەگى بالىقتار قابىرشاقتارىڭا جابىسىپ قالاتىنداي ەتەمىن.
ٴسۇيتىپ، قابىرشاقتارىڭا جابىسقان بار بالىقتارمەن قوسا، وزەنىڭنەن تارتىپ شىعارامىن.
5 مەن ٶزىڭدى دە، نىلىڭدەگى بار بالىقتاردى دا ٴشول دالاعا تاستايمىن.
سەن اشىق دالاعا قۇلايسىڭ، ەشكىم سەنىڭ سۇيەگىڭدى جيناپ الىپ قابىرگە قويمايدى+.
مەن سەنى جىرتقىش اڭدار مەن قۇستارعا جەم قىلامىن+.
6 سوندا مىسىردىڭ كۇللى تۇرعىندارى مەنىڭ ەحوبا ەكەنىمدى بىلەتىن بولادى.
ويتكەنى ولار يسرايل ٷيى ٷشىن تايانىش ەمەس، قامىس تاياق سياقتى بولدى+.
7 ولار ساعان سۇيەنگەندە، سىنىپ كەتتىڭ دە،يىقتارىن جاراقاتتادىڭ.
ولار ساعان تىرەنگەندە، مورت كەتتىڭ دە،حالقىمنىڭ اياعىن شايقالتتىڭ+.
8 سوندىقتان الەمنىڭ ٵمىرشىسى ەحوبا مىنانى ايتادى: —ٴبىلىپ قوي، ساعان سەمسەر جىبەرەمىن دە+، سەندەگى ادام مەن مال اتاۋلىنى قىرىپ تاستاپ،
9 مىسىر ەلىن قاڭىراتىپ بوس قالدىرامىن+. سوندا ولار مەنىڭ ەحوبا ەكەنىمدى بىلەتىن بولادى. سەبەبى سەن: «ٴنىل وزەنى مەنىكى، ونى ٶزىم جاسادىم!»— دەدىڭ+.
10 سوندىقتان مەن ساعان جانە ٴنىل وزەنىڭە قارسى شىعىپ، مىسىر جەرىن ەلسىز قۋاڭ دالاعا+، ميعدولدان+ سەۋەنەگە+ جانە ەفيوپيا شەگاراسىنا دەيىن جاپان تۇزگە اينالدىرامىن.
11 بۇل جەرمەن ادام دا، مال دا وتپەيتىن بولادى+. وندا 40 جىل بويى ەشكىم تۇرمايدى.
12 مەن مىسىردى ەڭ ەلسىز جەر قىلامىن. ونىڭ قالالارى 40 جىل بويى ەڭ بوس قالالار بولادى+. ال مىسىرلىقتاردى ەل-ەلگە، جەر-جەرگە بىتىراتىپ جىبەرەمىن+.
13 الەمنىڭ ٵمىرشىسى ەحوبا مىنانى ايتادى: —قىرىق جىلدان كەيىن حالىقتار اراسىنا بىتىراپ كەتكەن مىسىرلىقتاردى قايتا جيناپ+،
14 تۇتقىندا جۇرگەندەرىن اتامەكەندەرى پاتروس+ جەرىنە اكەلەمىن. سول جەردە ولار ٵلسىز ٴبىر پاتشالىق قۇرادى.
15 مىسىر باسقا پاتشالىقتاردان ٵلسىز بولىپ، بۇدان بىلاي وزگە حالىقتاردى بيلەپ-توستەمەيدى+. مەن ونى وزگە حالىقتارعا ۇستەمدىك ەتە المايتىنداي ەتىپ كىشىرەيتەمىن+.
16 مىسىر ەندى قايتىپ يسرايل ٷيى ٷشىن سۇيەنىش بولمايدى+. كەرىسىنشە، كەزىندە ودان كومەك سۇراعاندارى ٷشىن كىنالى ەكەندەرىن ەستەرىنە سالىپ تۇرادى. سوندا حالقىم مەنىڭ الەمنىڭ ٵمىرشىسى ەحوبا ەكەنىمدى بىلەتىن بولادى».
17 جيىرما جەتىنشى جىلدىڭ ٴبىرىنشى ايىنىڭ ٴبىرىنشى كۇنى ەحوبا ماعان ٴسوزىن ارناپ بىلاي دەدى:
18 «ادام ۇلى، بابىل پاتشاسى ناۆۋحودونوسور+ ٴتيردى جاۋلاپ الۋ ٷشىن اسكەرىن اياماي جۇمىسقا سالدى+. ولاردىڭ ٴبارىنىڭ باستارى تاقىر، يىقتارى جاۋىر بولىپ كەتتى. ٴبىراق پاتشا دا، اسكەرى دە ٴتيردى جاۋلاپ الۋ ٷشىن سىڭىرگەن ەڭبەكتەرىنىڭ اقىسىن المادى.
19 سوندىقتان الەمنىڭ ٵمىرشىسى ەحوبا مىنانى ايتادى: —ٴبىلىپ قويىڭدار، مەن مىسىر ەلىن بابىل پاتشاسى ناۆۋحودونوسورعا بەرەمىن+. ول ونى تالان-تاراجعا سالىپ، بار بايلىعىن ولجا ەتىپ الىپ كەتەدى. بۇل ونىڭ اسكەرىنىڭ اقىسى بولادى.
20 مەن ونىڭ ەڭبەگىنىڭ قارىمتاسىن قايتارىپ، مىسىر ەلىن بەرەمىن. سەبەبى ول مەن ٷشىن تيرگە قارسى اتتاندى+. مۇنى ايتىپ وتىرعان — الەمنىڭ ٵمىرشىسى ەحوبا.
21 سول كۇنى مەن يسرايل ٷيى ٷشىن ٴبىر ٴمۇيىز ٶسىرىپ شىعارامىن*+. ال ساعان ارالارىندا سويلەۋگە مۇمكىندىك بەرەمىن. سوندا ولار مەنىڭ ەحوبا ەكەنىمدى بىلەتىن بولادى».
سىلتەمەلەر
^ وسى جەردە جانە تومەندە «ٴنىل» ٴسوزى وزەننىڭ ٶزى مەن سالالارىنا نۇسقايدى.
^ نەمەسە «يسرايل ۇيىنە كۇش دارىتامىن».
