ەزەكيەل 3:1—27
3 ول ماعان: «ادام ۇلى، الدىڭداعى شيىرشىقتى جە دە، يسرايل ۇيىنە بارىپ سويلە+»،— دەدى.
2 اۋزىمدى اشقاندا، ماعان شيىرشىقتى جەگىزدى.
3 سوسىن: «ادام ۇلى، وسى شيىرشىقتى جەپ، قۇرساعىڭدى تولتىر»،— دەدى. جەي باستاعانىمدا، شيىرشىق اۋزىمدا بالداي ٴتاتتى بولدى+.
4 ول بىلاي دەدى: «ادام ۇلى، يسرايل ۇيىنە بار دا، مەنىڭ سوزدەرىمدى جەتكىز.
5 سەبەبى مەن سەنى كۇردەلى، تۇسىنىكسىز تىلدە سويلەيتىن حالىققا ەمەس، يسرايل ۇيىنە جىبەرىپ وتىرمىن.
6 سەن ٴتىلى كۇردەلى، سوزدەرى تۇسىنىكسىز قالىڭ جۇرتقا بارا جاتقان جوقسىڭ. سەنى سولارعا جىبەرسەم، ولار ايتقاندارىڭا قۇلاق اسار ەدى+.
7 ال يسرايل ٷيى سەنى تىڭدامايدى، ويتكەنى ولار مەنى تىڭداعىلارى كەلمەيدى+. يسرايل ۇيىندەگىلەردىڭ ٴبارىنىڭ ماڭدايلارى قاتتى، جۇرەكتەرى شەمەن+.
8 مىنە، مەن سەنىڭ بەتىڭدى دە، ماڭدايىڭدى دا تاپ سولاردىكىندەي قاتتى قىلامىن+.
9 ماڭدايىڭدى شاقپاقتاستان الدەقايدا قاتتى الماستاي ەتەمىن+. سەن ولاردان قورىقپا، تۇرلەرىنە قاراپ شوشىما+، سەبەبى ولار بۇلىكشىل حالىق».
10 بۇدان كەيىن ول ماعان بىلاي دەدى: «ادام ۇلى، ايتقان سوزدەرىمنىڭ ٴبارىن جۇرەگىڭە توقىپ، قۇلاعىڭا قۇيىپ ال.
11 جەر اۋدارىلعان حالقىڭنىڭ ۇلدارىنا بارىپ+، تىڭداعان-تىڭداماعانىنا قاراماي+، «الەمنىڭ ٵمىرشىسى ەحوبا مىنانى ايتادى» دەگەن سوزدەردى جەتكىز».
12 وسىدان كەيىن رۋح مەنى الىپ كەتتى+. سوندا ارت جاعىمنان «ەحوبانىڭ سالتاناتى ٶز ورنىنان دارىپتەلسىن!» دەگەن ەكپىندى جەلدىڭ گۋىلىندەي داۋىستى ەستىدىم.
13 سونداي-اق تىرشىلىك يەلەرىنىڭ قاناتتارىنىڭ ۇشتارى ٴبىر-بىرىنىكىنە تيگەندەگى شۋىلى+، ولاردىڭ قاسىنداعى دوڭگەلەكتەردىڭ+ ساتىرى مەن ەكپىندى جەلدىڭ گۋىلى ەستىلدى.
14 رۋح مەنى الىپ كەتتى. مەن ىزا بولىپ، اشۋلاندىم، ال ەحوبا ماعان قۇدىرەتىن دارىتتى.
15 سودان مەن تەل-اۆيۆكە، كەبار وزەنىنىڭ+ بويىندا تۇرىپ جاتقان جەر اۋدارىلعان حالىق اراسىنا باردىم. سول جەردە جەتى كۇن بويى ٶز-وزىمە كەلە الماي ٴجۇردىم+.
16 جەتى كۇننەن كەيىن ەحوبا ماعان بىلاي دەدى:
17 «ادام ۇلى، سەنى يسرايل ۇيىنە كۇزەتشى ەتىپ تاعايىندادىم+. مەنىڭ اۋزىمنان شىققان سوزدەردى تىڭداپ، ولارعا ەسكەرتۋىمدى جەتكىزۋگە ٴتيىسسىڭ+.
18 ەگەر مەن زۇلىم ادامعا «ٶلىم قۇشاسىڭ!» دەسەم، ال سەن ونى زۇلىم جولىنان قايتىپ، امان قالۋى ٷشىن ەسكەرتپەسەڭ+، ول زۇلىمدىعىنىڭ كەسىرىنەن ولەدى+، ٴبىراق قانى سەنىڭ موينىڭدا بولادى+.
19 الايدا سەن ەسكەرتسەڭ، ٴبىراق ول العان بەتىنەن قايتپاي، زۇلىمدىق جاساۋىن قويماسا، ول كۇناسى ٷشىن ولەدى، ال سەن ٶز جانىڭدى امان الىپ قالاسىڭ+.
20 ەگەر ٵدىل ادام ادىلدىگىنەن تايىپ، ادىلەتسىزدىك جاساسا، مەن ونىڭ جولىنا كەدەرگى تاس قويامىن دا، ول ولەدى+. سەن ەسكەرتپەگەندىكتەن، ول ٶز كۇناسى ٷشىن ولەدى، ٵدىل ىستەرى دە ەسكە الىنبايدى، ٴبىراق قانى سەنىڭ موينىڭدا بولادى+.
21 ال ەگەر ٵدىل ادام كۇنا جاساماۋ ٷشىن ونى ەسكەرتسەڭ، سوندىقتان ول كۇنا جاساماسا، سەن ەسكەرتكەندىكتەن، ول امان قالادى+، ٶزىڭ دە جانىڭدى امان ساقتاپ قالاسىڭ».
22 سول جەردە ەحوبا ماعان قۇدىرەتىن دارىتتى دا: «تۇرىپ، جازىق دالاعا بار. سەنىمەن سول جەردە سويلەسپەكپىن»،— دەدى.
23 مەن تۇرىپ، جازىق دالاعا باردىم. قاراسام، سول جەردە كەبار وزەنىنىڭ+ بويىندا كورگەنىمدەي، ەحوبانىڭ سالتاناتى تۇر ەكەن+. مۇنى كورگەندە، ەتپەتتەي كەتتىم.
24 ٴبىراق بويىما رۋح ەنىپ، اياعىما تۇرعىزدى+. سوسىن قۇداي ماعان بىلاي دەدى: «ۇيىڭە بارىپ، ەسىكتى ٸلىپ ال.
25 ادام ۇلى، ارالارىندا جۇرە الماۋىڭ ٷشىن، جۇرت سەنى ارقانمەن شىرماپ، بايلاپ تاستايدى.
26 مەن ٴتىلىڭدى تاڭدايىڭا جابىستىرىپ قويامىن. سەن مىلقاۋ بولىپ، ولاردى تۇزەتپەيتىن بولاسىڭ، ويتكەنى ولار بۇلىكشىل حالىق.
27 سەنىمەن ٶزىم سويلەسەتىن كەزدە، ٴتىلىڭنىڭ بايلاۋىن شەشەمىن+. سوندا سەن ولارعا «الەمنىڭ ٵمىرشىسى ەحوبا مىنانى ايتادى» دەيسىڭ. تىڭداعانى تىڭداسىن+، ال تىڭداماعاندارى قويسىن، سەبەبى ولار بۇلىكشىل حالىق+.